ਜੇਕਰ ਤੁਸੀਂ ਅਪਣੇ ਲੌਕਰ ਵਿਚ ਸੁਰੱਖਿਅਤ ਸੋਨਾ ਰੱਖ ਦਿਤਾ ਹੋਵੇ ਅਤੇ ਉਹ ਕੁਝ ਸਾਲਾਂ ਬਾਅਦ ਪੱਥਰ ਬਣ ਜਾਵੇ ਤਾਂ ਇਹ ਬਹੁਤ ਹੀ ਹੈਰਾਨੀ ਵਾਲੀ ਗੱਲ ਹੋਵੇਗੀ।
ਨਵੀਂ ਦਿੱਲੀ: ਜੇਕਰ ਤੁਸੀਂ ਅਪਣੇ ਲੌਕਰ ਵਿਚ ਸੁਰੱਖਿਅਤ ਸੋਨਾ ਰੱਖ ਦਿਤਾ ਹੋਵੇ ਅਤੇ ਉਹ ਕੁਝ ਸਾਲਾਂ ਬਾਅਦ ਪੱਥਰ ਬਣ ਜਾਵੇ ਤਾਂ ਇਹ ਬਹੁਤ ਹੀ ਹੈਰਾਨੀ ਵਾਲੀ ਗੱਲ ਹੋਵੇਗੀ। ਇਕ ਅਜਿਹਾ ਹੀ ਮਾਮਲਾ ਰਾਜਸਥਾਨ ਦੇ ਜਾਲੌਰ ਜ਼ਿਲ੍ਹੇ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਵਿਅਕਤੀ ਨੇ ਪੰਜ ਸਾਲ ਪਹਿਲਾਂ ਬੈਂਕ ਲੌਕਰ ਵਿਚ ਅਪਣਾ ਸੋਨਾ ਰੱਖਿਆ ਸੀ ਪਰ ਜਦੋਂ ਲੌਕਰ ਖੋਲ੍ਹਿਆ ਤਾਂ ਉਸ ਵਿਚ ਪੱਥਰ ਨਿਕਲੇ।
Photo
ਦਰਅਸਲ ਇਹ ਪੂਰਾ ਮਾਮਲਾ ਜਾਲੌਰ ਜ਼ਿਲ੍ਹੇ ਦਾ ਹੈ, ਜਿੱਥੇ ਤਿਲਕ ਦੁਆਰ ਸਥਿਤ ਐਸਬੀਆਈ ਬੈਂਕ ਵਿਚ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਦੋਂ ਜਾਲੌਰ ਸ਼ਹਿਰ ਨਿਵਾਸੀ ਪਾਰਸਮਲ ਜੈਨ ਉਸ ਲੌਕਰ ਨੂੰ ਖੁਲਵਾਇਆ ਤਾਂ ਸਾਰਾ ਸੋਨਾ ਪੱਥਰ ਬਣ ਗਿਆ ਸੀ।
Photoਪਾਰਸਮਲ ਜੈਨ ਇਕ ਵਪਾਰੀ ਹੈ। ਲੌਕਡਾਊਨ ਦੇ ਚਲਦਿਆਂ ਉਹ 20 ਦਿਨ ਪਹਿਲਾਂ ਹੀ ਜਾਲੌਰ ਪਰਤੇ ਹਨ, ਜਦੋਂ ਉਹਨਾਂ ਨੇ ਬੈਂਕ ਵਿਚ ਅਪਣਾ ਲੌਕਰ ਖੁਲਵਾਇਆ ਤਾਂ ਉਹ ਹੈਰਾਨ ਰਹਿ ਗਏ। ਇਸ ਤੋਂ ਬਾਅਦ ਉਹਨਾਂ ਨੇ ਥਾਣੇ ਵਿਚ ਰਿਪੋਰਟ ਦਰਜ ਕਰਵਾਈ। ਸ਼ਿਕਾਇਤ ਮੁਤਾਬਕ ਉਹਨਾਂ ਨੇ ਕਰੀਬ 800 ਗ੍ਰਾਮ ਸੋਨੇ ਦੇ ਗਹਿਣੇ ਬੈਂਕ ਲੌਕਰ ਵਿਚ ਰੱਖੇ ਸੀ ਪਰ ਹੁਣ ਉਹਨਾਂ ਨੂੰ ਪੱਥਰ ਦੇ ਟੁਕੜੇ ਮਿਲੇ ਹਨ।
Photo
ਇਸ ਤੋਂ ਬਾਅਦ ਉਹਨਾਂ ਨੇ ਬੈਂਕ ਮੈਨੇਜਰ ਅਤੇ ਅਧਿਕਾਰੀਆਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਸੰਪਰਕ ਨਹੀਂ ਹੋ ਸਕਿਆ। ਜਦੋਂ ਮਾਮਲਾ ਜ਼ਿਆਦਾ ਵਧ ਗਿਆ ਤਾਂ ਬੈਂਕ ਮੈਨੇਜਰ ਨੇ ਕਿਹਾ ਕਿ ਲੌਕਰ ਦੀ ਚਾਬੀ ਸਿਰਫ ਗਾਹਕ ਕੋਲ ਹੀ ਹੁੰਦੀ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
