ਆਮ ਆਦਮੀ ਨੂੰ ਮਿਲੀ ਵੱਡੀ ਰਾਹਤ,10 ਰੁਪਏ ਕਿਲ੍ਹੋ ਤੱਕ ਸਸਤਾ ਹੋਇਆ ਪਿਆਜ਼!
Published : Oct 26, 2020, 10:04 am IST
Updated : Oct 26, 2020, 10:04 am IST
SHARE ARTICLE
Onion price drop by up to Rs 10/kg in consuming.
Onion price drop by up to Rs 10/kg in consuming.

ਪਿਆਜ਼ ਜਮ੍ਹਾਖੋਰੀ ਕਰਨ ਵਾਲੇ ਲੋਕਾਂ ਖਿਲਾਫ ਸਰਕਾਰ ਨੇ ਸਖਤ ਕਦਮ ਚੁੱਕੇ

ਨਵੀਂ ਦਿੱਲੀ : ਸਰਕਾਰ ਵੱਲੋਂ ਸਖ਼ਤ ਕਦਮ ਉਠਾਉਣ ਤੋਂ ਬਾਅਦ ਪਿਆਜ਼ ਦੀਆਂ ਕੀਮਤਾਂ ਵਿੱਚ 10 ਰੁਪਏ ਦੀ ਗਿਰਾਵਟ ਆਈ ਹੈ। ਦਿੱਲੀ, ਮੁੰਬਈ ਅਤੇ ਚੇਨਈ ਵਿਚ ਥੋਕ ਬਾਜ਼ਾਰ ਵਿਚ ਪਿਆਜ਼ ਦੀਆਂ ਕੀਮਤਾਂ ਘਟ ਕੇ 10 ਰੁਪਏ ਪ੍ਰਤੀ ਕਿਲੋ ਹੋ ਗਈਆਂ ਹਨ। ਪਿਆਜ਼ ਜਮ੍ਹਾਖੋਰੀ ਕਰਨ ਵਾਲੇ ਲੋਕਾਂ ਖਿਲਾਫ ਸਰਕਾਰ ਨੇ ਸਖਤ ਕਦਮ ਚੁੱਕੇ ਹਨ, ਜਿਸ ਤੋਂ ਬਾਅਦ ਹੀ ਰੇਟ ਘੱਟ ਹੋਏ ਹਨ।

OnionOnion price drop by up to Rs 10/kg in consuming.

ਦੱਸ ਦਈਏ ਕਿ ਇਸ ਤਰ੍ਹਾਂ ਦੇ ਹੋਰਡਿੰਗਾਂ ਨੂੰ ਰੋਕਣ ਲਈ ਸਰਕਾਰ ਨੇ ਵਪਾਰੀਆਂ ਲਈ ਸਟਾਕ ਲਿਮਟ ਵਧਾ ਦਿੱਤੀ ਸੀ। ਸਰਕਾਰ ਨੇ ਹੱਦ ਤੈਅ ਕਰਨ ਤੋਂ ਬਾਅਦ ਮਹਾਰਾਸ਼ਟਰ ਦੇ ਲਾਸਲਗਾਓਂ ਵਿਚ ਪਿਆਜ਼ ਦੀਆਂ ਕੀਮਤਾਂ ਘਟ ਕੇ 51 ਰੁਪਏ ਪ੍ਰਤੀ ਕਿਲੋ ਹੋ ਗਈਆਂ ਹਨ। ਲਾਸਲਗਾਓਂ ਏਸ਼ੀਆ ਵਿੱਚ ਪਿਆਜ਼ ਦਾ ਸਭ ਤੋਂ ਵੱਡਾ ਥੋਕ ਬਾਜ਼ਾਰ ਹੈ।

Onion Onion price drop by up to Rs 10/kg in consuming.

ਸਰਕਾਰੀ ਅੰਕੜਿਆਂ ਅਨੁਸਾਰ, ਚੇਨਈ ਵਿਚ ਪਿਆਜ਼ ਦੀਆਂ ਥੋਕ ਕੀਮਤਾਂ 24 ਅਕਤੂਬਰ ਨੂੰ 66 ਰੁਪਏ ਪ੍ਰਤੀ ਕਿਲੋ ਰਹਿ ਗਈਆਂ, ਜੋ 23 ਅਕਤੂਬਰ ਨੂੰ 76 ਰੁਪਏ ਪ੍ਰਤੀ ਕਿਲੋਗ੍ਰਾਮ ਸਨ। ਇਸੇ ਤਰ੍ਹਾਂ ਮੁੰਬਈ, ਬੰਗਲੁਰੂ ਅਤੇ ਭੋਪਾਲ 'ਚ ਵੀ ਇਕ ਦਿਨ 'ਚ ਪਿਆਜ਼ ਦੀਆਂ ਥੋਕ ਕੀਮਤਾਂ ਕ੍ਰਮਵਾਰ 5-6 ਰੁਪਏ ਪ੍ਰਤੀ ਕਿਲੋਗ੍ਰਾਮ ਘਟ ਕੇ ਲਗਾਤਾਰ 70 ਰੁਪਏ ਪ੍ਰਤੀ ਕਿਲੋਗ੍ਰਾਮ, 64 ਰੁਪਏ ਪ੍ਰਤੀ ਕਿੱਲੋ ਅਤੇ 40 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਈਆਂ ਹਨ। ਇਨ੍ਹਾਂ ਖਪਤਕਾਰਾਂ ਦੇ ਬਾਜ਼ਾਰਾਂ ਵਿਚ ਪਿਆਜ਼ ਦੀ ਸਪਲਾਈ ਵਧਣ ਕਾਰਨ ਕੀਮਤਾਂ ਵੀ ਘਟੀਆਂ ਹਨ।

Onions Onion price drop by up to Rs 10/kg in consuming.

ਅੰਕੜਿਆਂ ਅਨੁਸਾਰ, ਦਿੱਲੀ ਦੀ ਅਜ਼ਾਦਪੁਰ ਮੰਡੀ ਵਿਚ ਰੋਜ਼ਾਨਾ ਪਿਆਜ਼ ਦੀ ਆਮਦ ਵਧ ਕੇ 530 ਟਨ ਹੋ ਗਈ, ਜਦੋਂਕਿ ਮੁੰਬਈ ਵਿਚ ਇਹ 885 ਟਨ ਤੋਂ ਵੱਧ ਕੇ 1560 ਟਨ ਹੋ ਗਈ। ਚੇਨਈ ਵਿਚ ਰੋਜ਼ਾਨਾ ਦੀ ਆਮਦ 1120 ਟਨ ਤੋਂ ਵਧ ਕੇ 1400 ਟਨ ਹੋ ਗਈ ਹੈ। ਬੰਗਲੌਰ ਦੀਆਂ ਮੰਡੀਆਂ ਵਿਚ ਇਹ 2500 ਟਨ ਤੋਂ ਵਧ ਕੇ 3000 ਟਨ ਹੋ ਗਈ। ਹਾਲਾਂਕਿ, ਲਖਨਊ, ਭੋਪਾਲ, ਅਹਿਮਦਾਬਾਦ, ਅੰਮ੍ਰਿਤਸਰ, ਕੋਲਕਾਤਾ ਅਤੇ ਪੁਣੇ ਵਿਚ ਅਜੇ ਅੰਕੜਾ ਵਧਣਾ ਬਾਕੀ ਹੈ। 

NAFED NAFED

NAFED ਦੇ ਡਾਇਰੈਕਟਰ ਅਸ਼ੋਕ ਠਾਕੁਰ ਦਾ ਕਹਿਣਾ ਹੈ ਕਿ ਪਿਆਜ਼ ਜਲਦੀ ਹੀ 21 ਰੁਪਏ ਪ੍ਰਤੀ ਕਿੱਲੋ ਦੇ ਹਿਸਾਬ ਨਾਲ ਰਾਜਾਂ ਨੂੰ ਭੇਜੇ ਜਾਣਗੇ। ਇਸ ਤੋਂ ਬਾਅਦ ਆਵਾਜਾਈ ਅਤੇ ਹੋਰ ਖਰਚਿਆਂ ਨੂੰ ਜੋੜ ਕੇ ਸੂਬਾ ਉਸ ਪਿਆਜ਼ ਨੂੰ ਬਾਜ਼ਾਰਾਂ ਵਿਚ ਆਪਣੀਆਂ ਕੀਮਤਾਂ ਅਨੁਸਾਰ ਵੇਚ ਸਕਣਗੇ। ਉਸੇ ਸਮੇਂ ਦਿੱਲੀ ਵਿਚ, ਅਸੀਂ ਸਫਲ ਸਟੋਰ 'ਤੇ ਪਿਆਜ਼ 28 ਰੁਪਏ ਦੀ ਦਰ' ਤੇ ਵੇਚ ਰਹੇ ਹਾਂ। ਮਾਹਰਾਂ ਅਨੁਸਾਰ NAFED ਤੋਂ 21 ਰੁਪਏ ਦੇ ਪਿਆਜ਼ ਪ੍ਰਾਪਤ ਕਰਨ ਤੋਂ ਬਾਅਦ ਸੂਬਾ ਆਪਣੇ ਖਰਚਿਆਂ ਨੂੰ ਜੋੜ ਕੇ ਵੱਧ ਤੋਂ ਵੱਧ 30 ਰੁਪਏ ਪ੍ਰਤੀ ਕਿੱਲੋ ਦੀ ਦਰ 'ਤੇ ਆਰਾਮ ਨਾਲ ਪਿਆਜ਼ ਵੇਚ ਸਕਣਗੇ। 

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement