ਮੁੰਬਈ : ਕੇਂਦਰ ਸਰਕਾਰ ਨੇ ਕਾਰੋਬਾਰੀਆਂ ਨੂੰ ਰਾਹਤ ਦੇਣ ਲਈ ਰਿਟਰਨ ਭਰਨ ਦੀ ਆਖਰੀ ਤਾਰੀਖ ਵਧਾ ਦਿਤੀ ਹੈ। ਸਰਕਾਰ ਨੇ ਵਸਤੂ ਅਤੇ ਸੇਵਾ ਟੈਕਸ (ਜੀਐਸਟੀ) ਤਹਿਤ ਵਿੱਤੀ ਸਾਲ 2017-18 ਦਾ ਸਾਲਾਨਾ ਰਿਟਰਨ ਭਰਨ ਦੀ ਆਖਰੀ ਤਰੀਕ 31 ਅਗੱਸਤ ਤੋਂ ਵਧਾ ਕੇ 30 ਨਵੰਬਰ ਕਰ ਦਿਤੀ ਹੈ।
GST
ਵਿੱਤ ਮੰਤਰਾਲੇ ਨੇ ਇਕ ਆਦੇਸ਼ ਜਾਰੀ ਕਰਕੇ ਕਿਹਾ ਕਿ ਵਿੱਤੀ ਸਾਲ 2017-18 ਦੀ ਸਾਲਾਨਾ ਜੀਐਸਟੀ ਰਿਟਰਨ ਫਾਰਮ -9/ -9ਏ ਅਤੇ -9ਸੀ ਭਰਨ ਦੀ ਆਖਰੀ ਤਾਰੀਕ 31 ਅਗਸਤ ਤੋਂ ਵਧਾ ਕੇ 30 ਨਵੰਬਰ ਕੀਤੀ ਜਾਂਦੀ ਹੈ। ਰਿਟਰਨ ਦਾਖਲ ਕਰਨ ਦੀ ਆਖਰੀ ਤਰੀਕ ’ਚ ਇਹ ਵਾਧਾ ਕਰਨ ਦਾ ਫੈਸਲਾ ਟੈਕਸਦਾਤਾਵਾਂ ਵਲੋਂ ਤਕਨੀਕੀ ਦਿੱਕਤ ਦਾ ਸਾਹਮਣਾ ਕਰਨ ਕਾਰਨ ਕੀਤਾ ਗਿਆ ਹੈ।
GST
ਵਸਤੂ ਅਤੇ ਸੇਵਾ ਟੈਕਸ ਦੇ ਤਹਿਤ ਰਜਿਸਟਰਡ ਸਾਰੇ ਵਪਾਰੀਆਂ ਨੂੰ ਫਾਰਮ-9 ਦੇ ਜ਼ਰੀਏ ਸਾਲਾਨਾ ਜੀਐਸਟੀ ਰਿਟਰਨ ਦਾਖਲ ਕਰਨਾ ਹੁੰਦਾ ਹੈ। ਇਸ ਵਿਚ ਵੱਖ-ਵੱਖ ਟੈਕਸ ਸਲੈਬ ਦੇ ਅਧੀਨ ਖਰੀਦਦਾਰੀ-ਵਿਕਰੀ ਦੀ ਜਾਣਕਾਰੀ ਦਿਤੀ ਜਾਂਦੀ ਹੈ। ਜਿਹੜੇ ਵਪਾਰੀਆਂ ਦਾ ਸਾਲਾਨਾ ਟਰਨਓਵਰ 2 ਕਰੋੜ ਰੁਪਏ ਤੋਂ ਜ਼ਿਆਦਾ ਹੁੰਦਾ ਹੈ ਉਨ੍ਹਾਂ ਨੇ -9ਸੀ ਦੇ ਜ਼ਰੀਏ ਰਿਟਰਨ ਦਾਖਲ ਕਰਨਾ ਹੁੰਦਾ ਹੈ। ਇਸ ਵਿਚ -9 ਦੇ ਤਹਿਤ ਦਿਤੇ ਗਏ ਵੇਰਵੇ ਦਾ ਹੱਲ ਅਤੇ ਆਡਿਟਿਡ ਸਾਲਾਨਾ ਵਿੱਤੀ ਵੇਰਵੇ ਹੁੰਦਾ ਹੈ। ਕੰਪੋਜ਼ੀਸ਼ਨ ਸਕੀਮ ਦਾ ਫਾਇਦਾ ਲੈਣ ਵਾਲੇ ਵਪਾਰੀਆਂ ਨੂੰ ਫਾਰਮ-9ਏ ਜ਼ਰੀਏ ਰਿਟਰਨ ਦਾਖਲ ਕਰਨਾ ਹੁੰਦਾ ਹੈ।
