ਨਵੀਂ ਦਿੱਲੀ: ਕੇਂਦਰੀ ਪ੍ਰਤੱਖ ਕਰ ਬੋਰਡ (ਸੀਬੀਡੀਟੀ) ਨੇ PAN ਨੂੰ ਆਧਾਰ ਨਾਲ ਜੋੜਨ ਦੀ ਸਮਾਂ ਸੀਮਾ ਨੂੰ ਵਧਾ ਕੇ 30 ਜੂਨ ਕਰ ਦਿਤੀ ਹੈ। ਕਰ ਵਿਭਾਗ ਦੇ ਨੀਤੀ ਬਣਾਉਣ ਵਾਲੇ ਵਿਭਾਗ ਨੇ ਇਸ ਸਮਾਂ ਸੀਮਾ ਨੂੰ ਵਧਾਉਣ ਦਾ ਆਦੇਸ਼ ਜਾਰੀ ਕੀਤਾ ਹੈ। ਹੁਣ ਤਕ ਇਹ ਸਮਾਂ ਸੀਮਾ 31 ਮਾਰਚ ਸੀ। ਆਦੇਸ਼ 'ਚ ਕਿਹਾ ਗਿਆ ਹੈ ਕਿ ਇਨਕਮ ਟੈਕਸ ਰਿਟਰਨ ਫ਼ਾਈਲ ਕਰਨ ਲਈ ਆਧਾਰ - PAN ਨੂੰ ਜੋੜਨ ਦੀ ਸਮਾਂ ਸੀਮਾ ਵਧਾਈ ਜਾ ਰਹੀ ਹੈ। 

Link Aadhaar with PAN

ਸੁਪਰੀਮ ਕੋਰਟ ਨੇ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਆਧਾਰ ਨੂੰ ਵਖਰੀ ਸੇਵਾਵਾਂ ਨਾਲ ਲਿੰਕ ਕਰਨ ਦੀ ਸਮਾਂ ਸੀਮਾ 31 ਮਾਰਚ ਤੋਂ ਵਧਾਉਣ ਦਾ ਆਦੇਸ਼ ਦਿਤਾ ਸੀ। ਮੰਨਿਆ ਜਾ ਰਿਹਾ ਹੈ ਕਿ CBDT ਦਾ ਤਾਜ਼ਾ ਆਦੇਸ਼ ਸੁਪਰੀਮ ਕੋਰਟ ਦੇ ਆਧਾਰ 'ਤੇ ਦਿਤੇ ਗਏ ਆਦੇਸ਼ ਦੇ ਮੱਦੇਨਜ਼ਰ ਆਇਆ ਹੈ।  

Link Aadhaar with PAN

ਇਹ ਚੌਥਾ ਮੌਕਾ ਹੈ ਕਿ ਜਦੋਂ ਸਰਕਾਰ ਨੇ ਲੋਕਾਂ ਨੂੰ ਅਪਣੇ ਸਥਾਈ ਅਕਾਊਂਟ ਨੰਬਰ (PAN) ਨੂੰ ਬਾਇਉਮੈਟਰਿਕ ਪਹਿਚਾਣ ਆਧਾਰ ਨਾਲ ਜੋੜਨ ਦੀ ਸਮਾਂ ਸੀਮਾ ਵਧਾਈ ਹੈ। ਸਰਕਾਰ ਨੇ ਇਨਕਮ ਰਿਟਰਨ ਦਾਖ਼ਲ ਕਰਨ ਅਤੇ ਨਵਾਂ PAN ਲੈਣ ਲਈ ਆਧਾਰ ਨੰਬਰ ਨੂੰ ਦੇਣਾ ਲਾਜ਼ਮੀ ਕਰ ਦਿਤਾ ਹੈ।  

Link Aadhaar with PAN

5 ਮਾਰਚ ਤਕ ਦੇ ਅਪਡੇਟਿਡ ਡਾਟਾ ਮੁਤਾਬਕ, ਕੁਲ 33 ਕਰੋਡ਼ PAN ਕਾਰਡ 'ਚੋਂ 16.65 ਕਰੋਡ਼ ਨੂੰ ਲਿੰਕ ਕੀਤਾ ਜਾ ਚੁਕਿਆ ਹੈ। ਆਧਾਰ ਨੂੰ PAN ਨਾਲ ਲਿੰਕ ਕਰਨ ਦੀ ਸਮਾਂ ਸੀਮਾ 31 ਜੁਲਾਈ, 2017, 31 ਅਗੱਸਤ, 2017 ਅਤੇ 31 ਦਸੰਬਰ 2017 ਦੇ ਬਾਅਦ ਹੁਣ ਚੌਥੀ ਵਾਰ ਵਧਾਈ ਗਈ ਹੈ।