ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਈ-ਕਾਮਰਸ ਦਿੱਗਜਾਂ ਦੀ ਸ਼ੁਰੂ ਹੋ ਰਹੀ ਵੱਡੀ ਸੇਲ 'ਚ ਲੱਖਾਂ...
ਨਵੀਂ ਦਿੱਲੀ: ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਈ-ਕਾਮਰਸ ਦਿੱਗਜਾਂ ਦੀ ਸ਼ੁਰੂ ਹੋ ਰਹੀ ਵੱਡੀ ਸੇਲ 'ਚ ਲੱਖਾਂ ਗਾਹਕਾਂ ਨੂੰ ਡਿਸਕਾਊਂਟ 'ਤੇ ਪਸੰਦੀਦਾ ਸਮਾਨ ਖਰੀਦਣ ਦਾ ਮੌਕਾ ਮਿਲਣ ਜਾ ਰਿਹਾ ਹੈ। ਫਲਿੱਪਕਾਰਟ ਤੇ ਐਮਾਜ਼ੋਨ ਦੀ ਆਨਲਾਈਨ ਸੇਲ ਦਾ ਸਾਲਾਨਾ ਜਲਸਾ ਸ਼ਨੀਵਾਰ ਰਾਤ 12 ਵਜੇ ਤੋਂ ਸ਼ੁਰੂ ਹੋ ਜਾਵੇਗਾ। ਇਨ੍ਹਾਂ ਦੋਹਾਂ ਵੱਲੋਂ ਇਕੋ ਹੀ ਸਮੇਂ ਸ਼ੁਰੂ ਕੀਤੀ ਜਾ ਰਹੀ ਸੇਲ 4 ਅਕਤੂਬਰ ਤਕ ਚੱਲੇਗੀ।
Amazon
ਫਲਿੱਪਕਾਰਟ 29 ਸਤੰਬਰ ਨੂੰ ਫੈਸ਼ਨ, ਟੀ. ਵੀ, ਘਰੇਲੂ ਸਜਾਵਟੀ ਸਮਾਨ ਤੇ ਫਰਨੀਚਰ, ਸਪੋਰਟਸ ਸਮਾਨ, ਖਿਡੌਣੇ, ਕਿਤਾਬਾਂ, ਸਮਾਰਟ ਡਿਵਾਈਸ, ਪਰਸਨਲ ਕੇਅਰ ਵਰਗੇ ਪ੍ਰਾਡਕਟਸ ਦੀ ਸੇਲ ਲਾਉਣ ਜਾ ਰਿਹਾ ਹੈ। 30 ਸਤੰਬਰ ਨੂੰ ਮੋਬਾਇਲ ਤੇ ਇਲੈਕਟ੍ਰਾਨਿਕ ਸਮਾਨਾਂ 'ਤੇ ਡਿਸਕਾਊਂਟ ਦਿੱਤਾ ਜਾਵੇਗਾ। ਡੈਬਟਿ, ਕ੍ਰੈਡਿਟ ਕਾਰਡ ਧਾਰਕਾਂ ਲਈ ਇਹ ਸੇਲ ਹੋਰ ਵੀ ਸ਼ਾਨਦਾਰ ਰਹਿਣ ਵਾਲੀ ਹੈ।
FlipKart
ਐਮਾਜ਼ੋਨ ਪ੍ਰਾਈਮ ਯੂਜ਼ਰਸ ਲਈ ਸ਼ਨੀਵਾਰ ਦੁਪਹਿਰ 12 ਵਜੇ ਤੋਂ ਹੀ ਸੇਲ ਓਪਨ ਹੋ ਜਾਵੇਗੀ। ਉੱਥੇ ਹੀ, ਫਲਿੱਪਕਾਰਟ ਪਲੱਸ ਗਾਹਕਾਂ ਰਾਤ 8 ਵਜੇ ਤੋਂ ਇਸ ਸੇਲ ਤਹਿਤ ਖਰੀਦਦਾਰੀ ਕਰ ਸਕਦੇ ਹਨ। ਐਮਾਜ਼ੋਨ ਭਾਰਤੀ ਸਟੇਟ ਬੈਂਕ ਦੇ ਡੈਬਿਟ ਤੇ ਕ੍ਰੈਡਿਟ ਕਾਰਡ ਨਾਲ ਸ਼ਾਪਿੰਗ ਕਰਨ ਵਾਲੇ ਗਾਹਕਾਂ ਨੂੰ 10 ਫੀਸਦੀ ਹੋਰ ਵਾਧੂ ਛੋਟ ਦੇਣ ਜਾ ਰਿਹਾ ਹੈ।
Flipkart
ਸਮਾਰਟ ਫੋਨਾਂ ਤੋਂ ਲੈ ਕੇ ਫਰਿੱਜਾਂ, ਟੀ. ਵੀ. ਅਤੇ ਹੋਰ ਕਈ ਸਾਰੇ ਪ੍ਰਾਡਕਟਸ 'ਤੇ ਲੱਗਣ ਵਾਲੀ ਇਸ ਮਹਾਸੇਲ 'ਚ ਗਾਹਕ ਪਸੰਦੀਦਾ ਦਾ ਸਮਾਨ ਡਿਸਕਾਊਂਟ 'ਤੇ ਖਰੀਦ ਸਕਦੇ ਹਨ। ਡਲਿਵਰੀ ਨੂੰ ਸਮੇਂ 'ਤੇ ਪਹੁੰਚਾਉਣ ਲਈ ਇਨ੍ਹਾਂ ਦਿੱਗਜਾਂ ਨੇ ਕਈ ਕਰਮਚਾਰੀ ਤਿਉਹਾਰੀ ਸੀਜ਼ਨ ਤਕ ਲਈ ਰੱਖੇ ਹਨ।
