ਸ਼ਹਿਰ ’ਚ ਵੱਧ ਰਹੇ ਅਪਰਾਧਾਂ ਦੇ ਮੱਦੇਨਜ਼ਰ ਚੰਡੀਗੜ੍ਹ ਦੇ ਆਈ.ਜੀ ਰਾਜ ਕੁਮਾਰ ਸਿੰਘ ਨੇ ਜਾਰੀ ਕੀਤਾ ਇਕ ਨਵਾਂ ਹੁਕਮ

ਚੰਡੀਗੜ੍ਹ (ਨਵਿੰਦਰ ਸਿੰਘ ਬੜਿੰਗ) : ਸ਼ਹਿਰ ’ਚ ਵੱਧ ਰਹੇ ਅਪਰਾਧਾਂ ਦੇ ਮੱਦੇਨਜ਼ਰ ਚੰਡੀਗੜ੍ਹ ਦੇ ਆਈ.ਜੀ ਰਾਜ ਕੁਮਾਰ ਸਿੰਘ ਨੇ ਇਕ ਨਵਾਂ ਹੁਕਮ ਜਾਰੀ ਕੀਤਾ। ਜਾਰੀ ਹੁਕਮਾਂ ਅਨੁਸਾਰ ਐਸਐਸਪੀ ਕੰਵਰਦੀਪ ਕੌਰ, ਟ੍ਰੈਫ਼ਿਕ ਅਤੇ ਸੁਰੱਖਿਆ ਐਸਐਸਪੀ ਸੁਮੇਰ ਪ੍ਰਤਾਪ ਸਿੰਘ ਸਮੇਤ 13 ਆਈਪੀਐਸ ਅਧਿਕਾਰੀ ਰਾਤ ਦੀ ਡਿਊਟੀ ਕਰਨਗੇ। ਚੰਡੀਗੜ੍ਹ ਪੁਲਿਸ ਦੇ ਪੰਜ ਆਈਪੀਐਸ ਅਧਿਕਾਰੀ ਮਹੀਨੇ ਵਿੱਚ ਤਿੰਨ ਵਾਰ ਰਾਤ ਦੀ ਡਿਊਟੀ ’ਤੇ ਤਾਇਨਾਤ ਹੋਣਗੇ।

 ਆਈਜੀ ਵਲੋਂ ਜਾਰੀ ਨਾਈਟ ਚੈਕਿੰਗ ਡਿਊਟੀ ਰੋਸਟਰ ਅਨੁਸਾਰ, ਗੀਤਾਂਜਲੀ ਖੰਡੇਵਾਲ 3 ਅਤੇ 4 ਫ਼ਰਵਰੀ ਨੂੰ ਰਾਤ ਦੀ ਡਿਊਟੀ ਕਰਨਗੇ। ਐਸਐਸਪੀ ਕੰਵਰਦੀਪ ਕੌਰ 5 ਅਤੇ 6 ਫ਼ਰਵਰੀ ਨੂੰ, ਐਸਐਸਪੀ ਟ੍ਰੈਫਿਕ ਸੁਮੇਰ ਪ੍ਰਤਾਪ ਸਿੰਘ 7 ਅਤੇ 8 ਫ਼ਰਵਰੀ ਨੂੰ, ਐਸਪੀ ਕ੍ਰਾਈਮ ਜਸਬੀਰ ਸਿੰਘ 9 ਅਤੇ 10 ਫ਼ਰਵਰੀ ਨੂੰ, ਐਸਪੀ ਹੈੱਡਕੁਆਰਟਰ ਮਨਜੀਤ ਸ਼ਿਓਰਾਨ 11 ਅਤੇ 12 ਫਰਵਰੀ ਨੂੰ, ਗੀਤਾਂਜਲੀ ਖੰਡੇਵਾਲ 13 ਅਤੇ 14 ਫਰਵਰੀ ਨੂੰ, ਐਸਐਸਪੀ ਕੰਵਰਦੀਪ ਕੌਰ 15 ਅਤੇ 16 ਫਰਵਰੀ ਨੂੰ ਰਾਤ 11 ਵਜੇ ਤੋ ਸਵੇਰੇ 4 ਵਜੇ ਤੱਕ ਡਿਊਟੀ ਕਰਨਗੇ। 

ਐਸਐਸਪੀ ਟ੍ਰੈਫਿਕ ਸੁਮੇਰ ਪ੍ਰਤਾਪ ਸਿੰਘ 17 ਅਤੇ 18 ਫਰਵਰੀ ਨੂੰ, ਐਸਪੀ ਕ੍ਰਾਈਮ ਜਸਬੀਰ ਸਿੰਘ 19 ਅਤੇ 20 ਫਰਵਰੀ ਨੂੰ, ਮਨਜੀਤ ਸ਼ਿਓਰਾਨ 21 ਅਤੇ 22 ਫਰਵਰੀ ਨੂੰ, ਗੀਤਾਂਜਲੀ ਖੰਡੇਵਾਲ 23 ਅਤੇ 24 ਫਰਵਰੀ ਨੂੰ, ਐਸਐਸਪੀ ਕੰਵਰਦੀਪ ਕੌਰ 25 ਅਤੇ 26 ਫਰਵਰੀ ਨੂੰ ਅਤੇ ਐਸਐਸਪੀ ਟ੍ਰੈਫਿਕ ਸੁਮੇਰ ਪ੍ਰਤਾਪ ਸਿੰਘ 27 ਅਤੇ 28 ਫਰਵਰੀ ਨੂੰ ਰਾਤ 11 ਵਜੇ ਤੋ ਸਵੇਰੇ 4 ਵਜੇ ਤੱਕ ਡਿਊਟੀ ਕਰਨਗੇ।