Panchkula Firing News: ਮ੍ਰਿਤਕਾਂ ਵਿਚ ਦੋ ਨੌਜਵਾਨ ਅਤੇ ਇਕ ਲੜਕੀ ਸ਼ਾਮਲ
Panchkula hotel Firing latest News in punjabi: ਪੰਚਕੂਲਾ ਦੇ ਸੁਲਤਾਨਤ ਹੋਟਲ ਵਿਚ ਜਨਮ ਦਿਨ ਦੀ ਪਾਰਟੀ ਮਨਾਉਣ ਆਏ ਤਿੰਨ ਦੋਸਤਾਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਹੋਟਲ ਦੇ ਬਾਹਰ ਪਾਰਕਿੰਗ 'ਚ ਕਾਰ 'ਚ ਸਵਾਰ ਤਿੰਨ ਦੋਸਤਾਂ 'ਤੇ ਅਚਾਨਕ ਕਾਰ ਸਵਾਰ ਬਦਮਾਸ਼ਾਂ ਨੇ ਗੋਲੀਆਂ ਚਲਾ ਦਿੱਤੀਆਂ।
ਵਿੱਕੀ ਅਤੇ ਵਿਪਨ ਵਾਸੀ ਦਿੱਲੀ ਅਤੇ ਦੀਆ ਵਾਸੀ ਹਿਸਾਰ ਕੈਂਟ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਟੀਮ ਮੌਕੇ 'ਤੇ ਪਹੁੰਚ ਗਈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਜੌਰ ਦੇ ਹੋਟਲ ਸਲਤਨਤ ਵਿੱਚ ਐਤਵਾਰ ਰਾਤ ਅੱਠ ਤੋਂ ਦਸ ਦੋਸਤ ਪਾਰਟੀ ਮਨਾਉਣ ਆਏ ਸਨ।
ਜ਼ੀਰਕਪੁਰ ਦੇ ਰਹਿਣ ਵਾਲੇ ਅਨਿਲ ਭਾਰਦਵਾਜ ਨੇ ਆਪਣੇ ਸਾਰੇ ਦੋਸਤਾਂ ਨੂੰ ਆਪਣੇ ਜਨਮ ਦਿਨ 'ਤੇ ਬੁਲਾਇਆ ਸੀ। ਪਾਰਟੀ ਤੋਂ ਬਾਅਦ ਜਿਵੇਂ ਹੀ ਸਾਰੇ ਦੋਸਤ ਹੋਟਲ ਦੀ ਪਾਰਕਿੰਗ 'ਚ ਪਹੁੰਚੇ ਤਾਂ ਇਕ ਕਾਰ 'ਚ ਸਵਾਰ ਕੁਝ ਬਦਮਾਸ਼ਾਂ ਨੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।
ਲਗਾਤਾਰ ਚੱਲ ਰਹੀ ਗੋਲੀਬਾਰੀ ਕਾਰਨ ਦੋ ਨੌਜਵਾਨਾਂ ਅਤੇ ਇੱਕ ਲੜਕੀ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ। ਸਲਤਨਤ ਹੋਟਲ ਦੇ ਮੈਨੇਜਰ ਮਨਿਲ ਮੋਂਗੀਆ ਅਤੇ ਮੁਲਜ਼ਮ ਮੌਕੇ ਤੋਂ ਫਰਾਰ ਹਨ। ਪੁਲਿਸ ਫੋਰਸ ਮੌਕੇ 'ਤੇ ਮੌਜੂਦ ਹੈ। ਦੋਵੇਂ ਮ੍ਰਿਤਕ ਲੜਕੇ ਮਾਮਾ-ਭਤੀਜਾ ਦੱਸੇ ਜਾਂਦੇ ਹਨ।
