ਇਸ ਸ਼ਖਸ ਨੇ ਬਣਾ ਦਿੱਤਾ ਇੱਕ ਨਵਾਂ ਦੇਸ਼ ਅਤੇ ਬਣ ਗਿਆ ਉੱਥੇ ਦਾ ਰਾਸ਼ਟਰਪਤੀ

ਦੁਨੀਆ ਵਿੱਚ ਕਈ ਲੋਕ ਹਨ ਜੋ ਅਜੀਬੋ ਗਰੀਬ ਕੰਮ ਕਰਦੇ ਰਹਿੰਦੇ ਹਨ,ਪਰ ਇਸ ਸ਼ਖਸ ਦਾ ਕਾਰਨਾਮਾ ਜਾਣ ਕੇ ਤਾਂ ਤੁਸੀ ਹੈਰਾਨ ਹੀ ਰਹਿ ਜਾਓਗੇ। ਅਮਰੀਕਾ ਦੇ ਰਹਿਣ ਵਾਲੇ ਇਸ ਸ਼ਖਸ ਨੇ ਹੈਰਾਨ ਕਰਨ ਵਾਲਾ ਕੰਮ ਕਰ ਦਿੱਤਾ ਹੈ । ਜੈਕ ਲੈਂਡਸਬਰਗ ਨਾਂ ਦੇ ਇਸ ਸ਼ਖਸ ਨੇ ਊਟਾ ਦੇ ਕੋਲ ਸਥਿਤ ਰੇਗਿਸਤਾਨ ਵਿੱਚ ਆਪਣੇ ਆਪ ਲਈ ਇੱਕ ਨਵਾਂ ਦੇਸ਼ ਬਣਾ ਦਿੱਤਾ , ਜਿੱਥੇ ਜਾਣ ਲਈ ਪਾਸਪੋਰਟ ਦੀ ਲੋੜ ਹੁੰਦੀ ਹੈ ।

ਜੈਕ ਲੈਂਡਸਬਰਗ ਨਾਂ ਦੇ ਸ਼ਖਸ ਨੇ ਇਸ ਦੇਸ਼ ਦਾ ਨਾਂ ਰਿਪਬਲਿਕ ਆਫ ਜਾਕਿਸਤਾਨ ਰੱਖਿਆ ਹੈ ਅਤੇ ਆਪਣੇ ਆਪ ਨੂੰ ਉੱਥੇ ਦਾ ਰਾਸ਼ਟਰਪਤੀ ਦੱਸਦਾ ਹੈ । ਹਾਲਾਂਕਿ , ਇਸਨੂੰ ਇੱਕ ਦੇਸ਼ ਦੇ ਰੂਪ ਵਿੱਚ ਮਾਨਤਾ ਨਹੀਂ ਮਿਲੀ ਹੋਈ ਹੈ। ਚਾਰ ਏਕੜ ਏਰੀਆ ਵਿੱਚ ਬਣਿਆ ਇਹ ਦੇਸ਼ ਨਜਦੀਕੀ ਸ਼ਹਿਰ ਤੋਂ 96 ਕਿਲੋਮੀਟਰ ਦੀ ਦੂਰੀ ਉੱਤੇ ਹੈ , ਜਦੋਂ ਕਿ ਸੜਕ 24 ਕਿਲੋਮੀਟਰ ਦੀ ਦੂਰੀ ਉੱਤੇ ਹੈ।

ਬਾਕਸ ਐਲੰਡਰ ਕਾਊਂਟੀ ਤੇ ਸਥਿਤ ਇਸ ਜ਼ਮੀਨ ਨੂੰ ਜੈਕ ਨੇ ਕਰੀਬ 16 ਸਾਲ ਪਹਿਲਾਂ ਆਨਲਾਈਨ ਖਰੀਦਿਆ ਸੀ। ਉਨ੍ਹਾਂ ਦਾ ਉਦੇਸ਼ ਇਸਨੂੰ ਇੱਕ ਸੰਪ੍ਰਭੁ ਰਾਸ਼ਟਰ ਦੇ ਰੂਪ ਵਿੱਚ ਡਿਵੈਲਪ ਕਰਨਾ ਸੀ । ਇਸਦੇ ਲਈ ਉਹ ਤਮਾਮ ਕੋਸ਼ਿਸ਼ ਵੀ ਕਰ ਰਹੇ ਹਨ , ਪਰ ਉਹ ਜਾਣਦੇ ਹਨ ਕਿ ਅਜਿਹਾ ਸੰਭਵ ਨਹੀਂ ਹੈ। ਇਸਦੇ ਬਾਵਜੂਦ ਜੈਕ ਨੇ ਜਾਕਿਸਤਾਨ ਦੀ ਸੁਰੱਖਿਆ ਲਈ ਜਿੱਥੇ ਰੋਬੋਟ ਗਾਰਡ ਦੀ ਵਿਵਸਥਾ ਕੀਤੀ ਹੈ , ਉਥੇ ਹੀ ਜਾਕਿਸਤਾਨ ਦਾ ਪਾਸਪੋਰਟ ਵੀ ਜਾਰੀ ਕੀਤਾ ਹੈ ।

ਜੈਕ ਦਾ ਕਹਿਣਾ ਹੈ ਕਿ ਜਾਕਿਸਤਾਨ ਦੀ ਸੀਮਾ ਵਿੱਚ ਆਉਣ ਅਤੇ ਜਾਣ ਦੇ ਦੌਰਾਨ ਲੋਕਾਂ ਦੇ ਪਾਸਪੋਰਟ ਉੱਤੇ ਮੋਹਰ ਲਗਾਉਣ ਦਾ ਵੀ ਪ੍ਰਾਵਧਾਨ ਹੈ । ਉਹ ਕਹਿੰਦੇ ਹਨ ਕਿ ਜਦੋਂ ਮੈਂ ਪਹਿਲੀ ਵਾਰ ਇਸ ਸਾਈਟ ਦਾ ਦੌਰਾ ਕੀਤਾ ਸੀ ਤਾਂ ਉਦੋਂ ਤੋਂ ਹੀ ਮੈਂ ਇਸ ਨੂੰ ਇੱਕ ਦੇਸ਼ ਦੇ ਰੂਪ ‘ਚ ਵਿਕਸਿਤ ਕਰਨਾ ਚਾਹੁੰਦਾ ਸੀ।  ਉਨ੍ਹਾਂ ਨੇ ਆਪਣੇ ਇਸ ਦੇਸ਼ ਦਾ ਮੋਟੋ ਸਮਥਿੰਗ ਫਰਾਮ ਨਥਿੰਗ ਰੱਖਿਆ ਹੈ ।

ਜਾਕਿਸਤਾਨ ਨੂੰ ਇੱਕ ਦੇਸ਼ ਦਾ ਦਰਜਾ ਦੇਣ ਵਾਲੇ ਜੈਕ ਆਪ ਉਥੇ ਨਹੀਂ ਰਹਿੰਦੇ ਹਨ, ਉਹ ਸਾਲ ‘ਚ ਇੱਕਦੋ ਵਾਰ ਹੀ ਉਥੇ ਦਾ ਦੌਰਾ ਕਰਦੇ ਨੇ, ਇਸਦੇ ਨਾਲ ਹੀ ਜੈਕ ਦੇ ਦੋਸਤ ਵੀ ਉਹਨਾਂ ਨਾਲ ਕਦੇ-ਕਦੇ ਉਥੇ ਵਿਜਿਟ ਕਰਨ ਆ ਜਾਂਦੇ ਹਨ।ਉਨ੍ਹਾਂ ਦੇ ਦੋਸਤਾਂ ਦਾ ਕਹਿਣਾ ਹੈ ਕਿ ਜੈਕ ਦਾ ਇਹ ਦੇਸ਼ ਸ਼ਾਨਦਾਰ ਹੈ । ਇੱਥੇ ਆਉਣ ਵਿੱਚ ਉਨ੍ਹਾਂ ਨੂੰ ਕਾਫ਼ੀ ਮਜਾ ਆਉਂਦਾ ਹੈ ।