ਉੱਤਰੀ ਮੈਕਸੀਕੋ ਦੇ ਇੱਕ ਨਸ਼ਾ ਮੁਕਤੀ ਕੇਂਦਰ ਵਿੱਚ ਮੰਗਲਵਾਰ ਦੇਰ ਰਾਤ ਹੋਈ ਗੋਲੀਬਾਰੀ ਵਿੱਚ 14 ਲੋਕਾਂ ਦੀ ਮੌਤ ਹੋ ਗਈ ਅਤੇ 8 ਲੋਕ ਜ਼ਖਮੀ ਹੋ ਗਏ ਹਨ। ਚਿਹੁਆਹੁਆ ਵਿਚ ਸੁਰੱਖਿਆ ਅਧਿਕਾਰੀਆਂ ਨੇ ਘਟਨਾ ਦੀ ਜਾਣਕਾਰੀ ਦਿੱਤੀ।ਸੈਂਟਰ ਵਿਚ ਘਟਨਾ ਦੇ ਸਮੇਂ ਗਰੀਬ 25 ਲੋਕ ਮੌਜੂਦ ਸਨ।
ਅਮਰੀਕਾ ਦੀ ਸਰਹੱਦ ਨਾਲ ਲੱਗਦੇ ਚਿਹੁਆਹੁਆ ਨੂੰ ਕਰੀਬ ਇਕ ਦਹਾਕੇ ਤੋਂ ਡਰੱਗ ਤਸਕਰੀ ਵਿਰੁੱਧ ਹਿੰਸਾ ਦਾ ਸਭ ਤੋਂ ਜ਼ਿਆਦਾ ਸਾਹਮਣਾ ਕਰਨਾ ਪਿਆ ਹੈ। ਇਥੇ ਇਹ ਦੱਸਣਯੋਗ ਹੈ ਕਿ ਬੀਤੇ ਦਹਾਕੇ 'ਚ ਨਸ਼ਾ ਛੁਡਾਓ ਕੇਂਦਰ 'ਤੇ ਕਰੀਬ ਅੱਧੀ ਦਰਜਨ ਅਜਿਹੇ ਹਮਲੇ ਹੋਏ ਹਨ ਅਤੇ ਅਥਾਰਿਟੀਜ਼ ਅਨੁਸਾਰ ਇਹ ਹਮਲੇ ਆਮਤੌਰ 'ਤੇ ਗਿਰੋਹ ਦੇ ਮੈਂਬਰਾਂ ਵੱਲੋਂ ਸਪਾਂਸਰ ਕੀਤੇ ਜਾਂਦੇ ਹਨ।
2006 ਵਿਚ ਜਦੋਂ ਤੋਂ ਮੈਕਸੀਕੋ ਸਰਕਾਰ ਨੇ ਇਸ ਸੰਘਰਸ਼ ਨੂੰ ਸ਼ੁਰੂ ਕੀਤਾ ਹੈ, ਉਦੋਂ ਤੋਂ ਹਿੰਸਾ ਵਿਚ 200,000 ਤੋਂ ਜ਼ਿਆਦਾ ਲੋਕਾਂ ਦੀ ਮੋਤ ਹੋ ਗਈ ਜਾਂ ਉਹ ਲਾਪਤਾ ਹੋ ਗਏ।
