ਬਿਹਾਰ ਦੇ ਸਾਬਕਾ ਸਿਹਤ ਮੰਤਰੀ ਅਤੇ ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਤੇਜ ਪ੍ਰਤਾਪ........
ਨਵੀਂ ਦਿੱਲੀ : ਬਿਹਾਰ ਦੇ ਸਾਬਕਾ ਸਿਹਤ ਮੰਤਰੀ ਅਤੇ ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਤੇਜ ਪ੍ਰਤਾਪ ਯਾਦਵ ਨਵੇ ਸਾਲ ਦੇ ਪਹਿਲੇ ਦਿਨ ਅਪਣੀ ਮਾਂ ਰਾਬੜੀ ਦੇਵੀ ਨਾਲ ਮਿਲਣ ਤੇਜਸਵੀ ਯਾਦਵ ਦੇ ਘਰ ਪੁੱਜੇ ਹਨ। ਪਰ ਖਾਸ ਗੱਲ ਇਹ ਹੈ ਕਿ ਲਾਲੂ ਯਾਦਵ ਦੇ ਛੋਟੇ ਪੁੱਤਰ ਅਤੇ ਤੇਜ ਪ੍ਰਤਾਪ ਦੇ ਭਰਾ ਤੇਜਸਵੀ ਯਾਦਵ ਇਸ ਸਮੇਂ ਪਟਨਾ ਵਿਚ ਨਹੀਂ ਹਨ ਅਤੇ ਉਹ ਦਿੱਲੀ ਆਏ ਹੋਏ ਹਨ। ਐਸ਼ਵਰਿਆ ਰਾਏ ਨਾਲ ਤਲਾਕ ਤੋਂ ਬਾਅਦ ਤੇਜ ਪ੍ਰਤਾਪ ਨੇ ਰਾਬੜੀ ਦੇਵੀ ਦੇ ਘਰ 10 ਸਰਕੁਲਰ ਰੋਡ ਜਾਣਾ ਬੰਦ ਕਰ ਦਿਤਾ ਹੈ ਅਤੇ ਉਹ ਅਪਣੇ ਨਵੇਂ ਸਰਕਾਰੀ ਬੰਗਲੇ ਵਿਚ ਰਹਿੰਦੇ ਹਨ।
Tej Pratap Yadav marriage
ਤੇਜ ਪ੍ਰਤਾਪ ਨੇ ਮਾਂ ਨਾਲ ਮੁਲਾਕਾਤ ਤੋਂ ਬਾਅਦ ਕਿਹਾ ਕਿ ਮਾਂ ਮੇਰੀ ਲੜਾਈ ਵਿਚ ਮੇਰੇ ਨਾਲ ਹੈ। ਉਨ੍ਹਾਂ ਨੇ ਕਿਹਾ ਕਿ 8 ਤਾਰੀਖ ਨੂੰ ਤਲਾਕ ਦੇ ਮਾਮਲੇ ਵਿਚ ਅਗਲੀ ਸੁਣਵਾਈ ਹੈ ਅਤੇ ਮਾਂ ਨੇ ਕਿਹਾ ਹੈ ਕਿ ਉਹ ਮੇਰੇ ਨਾਲ ਹਨ। ਤੇਜ ਪ੍ਰਤਾਪ ਨੇ ਕਿਹਾ ਕਿ ਐਸ਼ਵਰਿਆ ਅਤੇ ਉਸ ਦੇ ਪਰਵਾਰ ਨਾਲ ਮੇਰਾ ਕੋਈ ਸੰਬੰਧ ਨਹੀਂ ਹੈ ਅਤੇ ਅਸੀਂ ਪੂਰੇ ਰਿਸ਼ਤੇ ਤੋੜ ਚੁੱਕੇ ਹਨ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਐਸ਼ਵਰਿਆ ਦੇ ਪਰਵਾਰ ਵਾਲੇ CID ਲਗਾ ਕੇ ਮੇਰਾ ਪਤਾ ਲਵਾ ਰਹੇ ਹਨ।
ਰਾਜਨੀਤੀ ਤੋਂ ਲੈ ਕੇ ਪਰਵਾਰਕ ਮਾਮਲੀਆਂ ਵਿਚ ਤੇਜ ਪ੍ਰਤਾਪ ਅਤੇ ਤੇਜਸਵੀ ਦੇ ਵਿਚ ਮਨ ਮੁਟਾਵ ਦੀਆਂ ਖਬਰਾਂ ਆਉਂਦੀਆਂ ਰਹੀਆਂ ਹਨ, ਹਾਲਾਂਕਿ ਦੋਨੋਂ ਭਰਾ ਅਜਿਹੀਆਂ ਗੱਲਾਂ ਤੋਂ ਹਮੇਸ਼ਾ ਇੰਨਕਾਰ ਕਰਦੇ ਆਏ ਹਨ। ਲਾਲੂ ਯਾਦਵ ਤੋਂ ਬਾਅਦ ਆਰਜੇਡੀ ਦੀ ਕਮਾਨ ਤੇਜਸਵੀ ਯਾਦਵ ਦੇ ਹੱਥਾਂ ਵਿਚ ਹੈ ਅਤੇ ਪਿਛਲੀ ਸਰਕਾਰ ਵਿਚ ਛੋਟਾ ਹੋਣ ਦੇ ਬਾਵਜੂਦ ਤੇਜਸਵੀ ਯਾਦਵ ਨੂੰ ਬਿਹਾਰ ਦਾ ਉਪ ਮੁੱਖ ਮੰਤਰੀ ਬਣਾਇਆ ਗਿਆ ਸੀ। ਲਾਲੂ ਯਾਦਵ ਜੇਲ੍ਹ ਦੀ ਸਜਾ ਕੱਟ ਰਹੇ ਹਨ ਅਤੇ ਅਜਿਹੇ ਵਿਚ ਰਾਬੜੀ ਦੇਵੀ ਦੇ ਵੱਡੇ ਪੁੱਤਰ ਤੇਜ ਪ੍ਰਤਾਪ ਨਾਲ ਮੁਲਾਕਾਤ ਦੇ ਕਈ ਮਾਇਨੇ ਕੱਢੇ ਜਾ ਰਹੇ ਹਨ।
