ਕਮਲਨਾਥ ਨੇ ਵਿਭਾਗੀ ਅਧਿਕਾਰੀਆਂ ਨਾਲ ਸਮੀਖਿਆ ਬੈਠਕ ਦੌਰਾਨ ਕਿਹਾ ਕਿ ਸੂਬੇ ਦੇ ਹਰ ਜਿਲ਼੍ਹੇ ਵਿਚ ਗਊਸ਼ਾਲਾ ਦੀ ਉਸਾਰੀ ਛੇਤੀ ਹੀ ਹੋਣੀ ਚਾਹੀਦੀ ਹੈ
ਮੱਧ ਪ੍ਰਦੇਸ਼ : ਦੇਸ਼ ਵਿਚ ਆਏ ਦਿਨ ਗਊਆਂ 'ਤੇ ਹੋ ਰਹੀ ਰਾਜਨੀਤੀ ਵਿਚਕਾਰ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਕਮਲਨਾਥ ਨੇ ਕਿਹਾ ਕਿ ਮੈਨੂੰ ਗਊ ਮਾਤਾ ਸੜਕਾਂ 'ਤੇ ਨਹੀਂ ਦਿਸਣੀ ਚਾਹੀਦੀ। ਉਹਨਾਂ ਲਈ ਸੂਬੇ ਦੇ ਹਰ ਜ਼ਿਲ੍ਹੇ ਵਿਚ ਛੇਤੀ ਤੋਂ ਛੇਤੀ ਗਊਸ਼ਾਲਾਵਾਂ ਦੀ ਉਸਾਰੀ ਹੋਣੀ ਚਾਹੀਦੀ ਹੈ ਅਤੇ ਇਹਨਾਂ ਨੂੰ ਉਥੇ ਰੱਖਿਆ ਜਾਣਾ ਚਾਹੀਦਾ ਹੈ। ਮੁੱਖ ਮੰਤਰੀ ਬਣਨ ਤੋਂ ਬਾਅਦ ਪਹਿਲੀ ਵਾਰ ਅਪਣੇ ਜੱਦੀ ਜਿਲ਼੍ਹੇ ਛਿੰਦਵਾੜਾ ਪੁੱਜੇ
Cows on road
ਕਮਲਨਾਥ ਨੇ ਵਿਭਾਗੀ ਅਧਿਕਾਰੀਆਂ ਨਾਲ ਸਮੀਖਿਆ ਬੈਠਕ ਦੌਰਾਨ ਕਿਹਾ ਕਿ ਸੂਬੇ ਦੇ ਹਰ ਜਿਲ਼੍ਹੇ ਵਿਚ ਗਊਸ਼ਾਲਾ ਦੀ ਉਸਾਰੀ ਛੇਤੀ ਹੀ ਹੋਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਇਸ ਪਿੱਛੇ ਉਹਨਾਂ ਦਾ ਕੋਈ ਸਿਆਸੀ ਪੱਖ ਨਹੀਂ ਸਗੋਂ ਉਹਨਾਂ ਦੀ ਅਜਿਹੀ ਭਾਵਨਾ ਵੀ ਹੈ। ਕਾਂਗਰਸ ਨੇ ਮੱਧ ਪ੍ਰਦੇਸ਼ ਵਿਚ ਬੀਤੇ ਸਾਲ ਨਵੰਬਰ ਮਹੀਨੇ ਦੌਰਾਨ ਚੋਣ ਮਨੋਰਥ ਪੱਤਰ ਵਿਚ ਕਿਹਾ ਸੀ ਕਿ ਸੂਬੇ ਵਿਚ ਕਾਂਗਰਸ ਸਰਕਾਰ ਆਉਣ 'ਤੇ ਹਰ ਪਿੰਡ ਦੀ
Cow Shelter
ਪੰਚਾਇਤ ਗਊਸ਼ਾਲਾ ਖੋਲ੍ਹੇਗੀ ਅਤੇ ਇਸ ਨੂੰ ਚਲਾਉਣ ਲਈ ਗ੍ਰਾਂਟ ਦੇਵੇਗੀ। ਲੋਕਾਂ ਵੱਲੋਂ ਅਵਾਰਾ ਛੱਡੀਆਂ ਗਈਆਂ ਗਊਆਂ ਨਾਲ ਸੜਕਾਂ 'ਤੇ ਵਿਸ਼ੇਸ਼ ਤੌਰ 'ਤੇ ਸ਼ਹਿਰੀ ਇਲਾਕਿਆਂ ਵਿਚ ਸੜਕਾਂ 'ਤੇ ਆਵਾਜਾਈ ਵਿਚ ਰੁਕਾਵਟ ਹੁੰਦੀ ਹੈ ਅਤੇ ਕਈ ਵਾਰ ਇਹ ਹਾਦਸਿਆਂ ਦਾ ਕਾਰਨ ਵੀ ਬਣ ਜਾਂਦੀਆਂ ਹਨ। ਜਿਸ ਨਾਲ ਲੋਕ ਹਾਦਸੇ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਗਊਸ਼ਾਲਾਵਾਂ ਵਿਚ ਗਊਆਂ ਨੂੰ ਰੱਖੇ ਜਾਣ ਕਾਰਨ ਇਹਨਾਂ ਕਾਰਨ ਹੋਣ ਵਾਲੇ ਸੜਕ ਹਾਦਸਿਆਂ ਵਿਚ ਵੀ ਕਮੀ ਆਵੇਗੀ।
