ਬਿਜਲੀ ਸਪਲਾਈ, ਆਰਥਿਕ ਗਤੀਵਿਧੀਆਂ ਅਤੇ ਸ਼ਹਿਰੀ ਵਿਕਾਸ ਦੇ ਵਿਸਥਾਰ ਨੂੰ ਦਰਸਾਉਂਦੀਆਂ ਹਨ ਇਹ ਤਸਵੀਰਾਂ- ਸੰਜੀਵ ਸਾਨਿਆਲ
ਨਵੀਂ ਦਿੱਲੀ: ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸੋਮਵਾਰ ਨੂੰ ਵਿੱਤੀ ਸਾਲ 2022-23 ਲਈ ਸਰਕਾਰ ਦੇ ਬਜਟ ਤੋਂ ਪਹਿਲਾਂ ਆਰਥਕ ਸਰਵੇਖਣ ਪੇਸ਼ ਕੀਤਾ। ਆਰਥਿਕ ਸਰਵੇਖਣ 2021-22 ਵਿਚ ਸਰਕਾਰ ਨੇ ਭੂ-ਸਥਾਨਕ ਜਾਣਕਾਰੀ ਅਤੇ ਉਪਗ੍ਰਹਿ ਦੀ ਵਰਤੋਂ ਬਾਰੇ ਗੱਲ ਕੀਤੀ ਅਤੇ 2012 ਅਤੇ 2021 ਵਿਚ ਭਾਰਤ ਦੇ ਰਾਤ ਦੇ ਦ੍ਰਿਸ਼ ਦੀ ਤੁਲਨਾ ਕਰਦੇ ਹੋਏ ਸੈਟੇਲਾਈਟ ਤਸਵੀਰਾਂ ਸਾਂਝੀ ਕੀਤੀਆਂ।
Tweet
ਇਸ ਬਾਰੇ ਮੁੱਖ ਆਰਥਿਕ ਸਲਾਹਕਾਰ ਸੰਜੀਵ ਸਾਨਿਆਲ ਨੇ ਕਿਹਾ, "2012 ਅਤੇ 2021 ਵਿਚ ਰਾਤ ਦੇ ਸਮੇਂ ਦੀ ਚਮਕ ਦੀਆਂ ਸੈਟੇਲਾਈਟ ਤਸਵੀਰਾਂ ... ਬਿਜਲੀ ਸਪਲਾਈ ਵਿਚ ਵਾਧਾ ਦਰਸਾਉਂਦੀਆਂ ਹਨ।"
Tweet
ਸੰਜੀਵ ਸਾਨਿਆਲ ਟਵਿੱਟਰ 'ਤੇ ਵੀ ਇਹ ਤਸਵੀਰ ਸਾਂਝੀ ਕੀਤੀ ਅਤੇ ਲਿਖਿਆ "ਆਰਥਿਕ ਸਰਵੇਖਣ 2022: 2012 ਅਤੇ 2021 ਦੇ ਵਿਚਕਾਰ ਰਾਤ ਦੇ ਸਮੇਂ ਦੀ ਚਮਕ ਦੀਆਂ ਸੈਟੇਲਾਈਟ ਫੋਟੋਆਂ ਬਿਜਲੀ ਸਪਲਾਈ, ਆਰਥਿਕ ਗਤੀਵਿਧੀਆਂ ਅਤੇ ਸ਼ਹਿਰੀ ਵਿਕਾਸ ਦੇ ਵਿਸਥਾਰ ਨੂੰ ਦਰਸਾਉਂਦੀਆਂ ਹਨ"।
ਦੱਸ ਦੇਈਏ ਕਿ ਪਿਛਲੇ ਸਾਲ ਆਰਥਿਕ ਸਰਵੇਖਣ ਬਜਟ ਤੋਂ ਦੋ ਦਿਨ ਪਹਿਲਾਂ 29 ਜਨਵਰੀ ਨੂੰ ਪੇਸ਼ ਕੀਤਾ ਗਿਆ ਸੀ, ਕਿਉਂਕਿ 1 ਫਰਵਰੀ ਸੋਮਵਾਰ ਦੇ ਦਿਨ ਸੀ।
