ਓਡੀਸ਼ਾ ਦੇ ਝਾਰਸੁਗੁਡਾ ਜਿਲ੍ਹੇ ਵਿਚ ਸ਼ੁੱਕਰਵਾਰ ਸਵੇਰੇ ਬੇਲ ਪਹਾੜ ਦੇ ਕੋਲ ਰਾਸ਼ਟਰੀ ਰਾਜ ਮਾਰਗ-49 ‘ਤੇ ਇਕ ਵੈਨ ਦੇ ਉਲਟ ਦਿਸ਼ਾ ਤੋਂ ਆ ਰਹੇ ਟਰੱਕ ਨਾਲ ਟਕਰਾ...
ਭੁਵਨੇਸ਼ਵਰ : ਓਡੀਸ਼ਾ ਦੇ ਝਾਰਸੁਗੁਡਾ ਜਿਲ੍ਹੇ ਵਿਚ ਸ਼ੁੱਕਰਵਾਰ ਸਵੇਰੇ ਬੇਲ ਪਹਾੜ ਦੇ ਕੋਲ ਰਾਸ਼ਟਰੀ ਰਾਜ ਮਾਰਗ-49 ‘ਤੇ ਇਕ ਵੈਨ ਦੇ ਉਲਟ ਦਿਸ਼ਾ ਤੋਂ ਆ ਰਹੇ ਟਰੱਕ ਨਾਲ ਟਕਰਾ ਜਾਣ ਨਾਲ ਵੈਨ ਵਿਚ ਸਵਾਰ ਓਡੀਸ਼ਾ ਰਾਜ ਹਥਿਆਰਬੰਦ ਪੁਲਿਸ ਦੇ ਦੋ ਜਵਾਨਾਂ ਦੀ ਮੌਤ ਹੋ ਗਈ ਅਤੇ 29 ਜਵਾਨ ਜਖ਼ਮੀ ਹੋ ਗਏ। ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਵਿਚ ਮਾਰੇ ਗਏ ਜਵਾਨਾਂ ਦੀ ਪਹਿਚਾਣ ਪ੍ਰਸ਼ਾਂਤ ਬੇਹੇਰਾ ਅਤੇ ਸ਼ੰਕਰ ਪ੍ਰਸਾਦ ਪੰਤ ਵਜੋਂ ਕੀਤੀ ਗਈ ਹੈ।
ਜਖ਼ਮੀਆਂ ਵਿੱਚੋਂ 15 ਨੂੰ ਬਰਜਰਾਜ ਨਗਰ ਦੇ ਮੰਡਲੀਆ ਸਥਿਤ ਐਮਸੀਐਲ ਸੈਂਟਰਲ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ ਅਤੇ 14 ਨੂੰ ਬੇਲਪਹਾੜ ਦੇ ਟੀਆਰਐਲ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ। ਬਾਅਦ ਵਿਚ ਹਾਲਤ ਨਾਜੁਕ ਹੋਣ ‘ਤੇ ਸੱਤ ਜਖ਼ਮੀਆਂ ਨੂੰ ਬੁਰਲਾ ਸਥਿਤ ਵੀਐਸਐਸ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼ ਵਿਚ ਭਰਤੀ ਕਰਵਾਇਆ ਗਿਆ।
ਪੁਲਿਸ ਨੇ ਦੱਸਿਆ ਕਿ ਵੈਨ ਵਿਚ ਸਵਾਰ ਜਵਾਨ ਮੁੱਖ ਮੰਤਰੀ ਨਵੀਨ ਪਟਨਾਇਕ ਦੀ ਯਾਤਰਾ ਦੇ ਮੱਦੇਨਜਰ ਡਿਊਟੀ ਲਈ ਬਨਹਰਪੱਲੀ ਜਾ ਰਹੇ ਸਨ। ਮੁੱਖ ਮੰਤਰੀ ਨੇ ਜਵਾਨਾਂ ਦੀ ਮੌਤ ‘ਤੇ ਗਹਿਰਾ ਸੋਗ ਵਿਅਕਤ ਕੀਤਾ ਹੈ ਅਤੇ ਸੋਗ ‘ਚ ਪਰਵਾਰਾਂ ਦੇ ਪ੍ਰਤੀ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਨੇ ਜਖ਼ਮੀਆਂ ਦੇ ਜਲਦ ਤੰਦਰੁਸਤ ਹੋਣ ਦੀ ਕਾਮਨਾ ਕੀਤੀ ਹੈ ਅਤੇ ਉਨ੍ਹਾਂ ਦੇ ਮੁਫਤ ਇਲਾਜ ਦਾ ਨਿਰਦੇਸ਼ ਦਿੱਤਾ ਹੈ।
ਪਟਨਾਇਕ ਨੇ ਲਾਸ਼ਾਂ ਦੇ ਵਾਰਸਾਂ ਨੂੰ ਪੰਜ-ਪੰਜ ਲੱਖ ਰੁਪਏ ਦੀ ਸਹਾਇਤਾ ਰਾਸ਼ੀ ਦੇਣ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਨੇ ਹਾਦਸੇ ਕਾਰਨ ਚੁਣੌਤੀਗ੍ਰਸਤ ਹੋਏ ਜਵਾਨਾਂ ਨੂੰ ਇੱਕ ਲੱਖ ਰੁਪਏ ਦੀ ਸਹਾਇਤਾ ਦੇਣ ਦਾ ਐਲਾਨ ਕੀਤੀ ਹੈ।