ਕੰਗਨਾ ਨੇ ਭਾਜਪਾ ਅਤੇ ਪੀਐੱਮ ਮੋਦੀ ਦੀ ਖੂਬ ਤਾਰੀਫ਼ ਕੀਤੀ
Kangana Ranaut: ਨਵੀਂ ਦਿੱਲੀ - ਹਿਮਾਚਲ ਦੇ ਮੰਡੀ ਤੋਂ ਭਾਜਪਾ ਦੀ ਲੋਕ ਸਭਾ ਉਮੀਦਵਾਰ ਤੇ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਸ਼੍ਰੀ ਰਾਮ ਦਾ ਅਵਤਾਰ ਦੱਸਿਆ ਹੈ। ਭੰਬਲਾ ਸਥਿਤ ਆਪਣੇ ਘਰ 'ਚ ਨੇਤਾਵਾਂ ਦੀ ਮੌਜੂਦਗੀ 'ਚ ਸਥਾਨਕ ਲੋਕਾਂ ਨੂੰ ਸੰਬੋਧਿਤ ਕਰਦੇ ਹੋਏ ਕੰਗਨਾ ਨੇ ਕਿਹਾ ਕਿ ਜੋ ਰਾਮ ਮੰਦਰ 600 ਸਾਲਾਂ 'ਚ ਨਹੀਂ ਬਣ ਸਕਿਆ, ਉਹ ਸ਼੍ਰੀ ਰਾਮ ਨੇ ਨਰਿੰਦਰ ਮੋਦੀ ਦੇ ਹੱਥੋਂ ਬਣਵਾ ਦਿੱਤਾ।
ਉਹ ਕੋਈ ਸਧਾਰਨ ਆਦਮੀ ਨਹੀਂ ਹਨ। ਉਹਨਾਂ ਵਿਚ ਕੁੱਝਤਾਂ ਖਾਸ ਹੈ। ਕੰਗਨਾ ਨੇ ਕਿਹਾ, 'ਮੈਂ ਉਨ੍ਹਾਂ ਨੂੰ ਰਾਮਚੰਦਰ ਦਾ ਅਵਤਾਰ ਮੰਨਦੀ ਹਾਂ।' ਸਾਬਕਾ ਮੁੱਖ ਮੰਤਰੀ ਅਤੇ ਵਿਰੋਧੀ ਧਿਰ ਦੇ ਨੇਤਾ ਜੈਰਾਮ ਠਾਕੁਰ ਐਤਵਾਰ ਨੂੰ ਮੰਡੀ ਸੰਸਦੀ ਖੇਤਰ ਦੇ ਸਰਕਾਘਾਟ ਵਿਧਾਨ ਸਭਾ ਹਲਕੇ ਦੇ ਭੰਬਲਾ ਸਥਿਤ ਕੰਗਨਾ ਰਣੌਤ ਦੇ ਘਰ ਪਹੁੰਚੇ ਸਨ। ਇੱਥੇ ਕੰਗਨਾ ਨੇ ਜੈਰਾਮ ਠਾਕੁਰ ਦਾ ਨਿੱਘਾ ਸੁਆਗਤ ਕੀਤਾ। ਇਸ ਦੇ ਨਾਲ ਹੀ ਜੈਰਾਮ ਠਾਕੁਰ ਨੇ ਕੰਗਨਾ ਨੂੰ ਮੰਡੀ ਸੰਸਦੀ ਹਲਕੇ ਤੋਂ ਭਾਜਪਾ ਦੀ ਟਿਕਟ ਮਿਲਣ 'ਤੇ ਵਧਾਈ ਦਿੱਤੀ। ਇਸ ਦੌਰਾਨ ਕੰਗਨਾ ਨੇ ਵੀ ਇਹ ਬਿਆਨ ਦਿੱਤਾ।
ਕੰਗਨਾ ਨੇ ਭਾਜਪਾ ਅਤੇ ਪੀਐੱਮ ਮੋਦੀ ਦੀ ਖੂਬ ਤਾਰੀਫ਼ ਕੀਤੀ। ਉਨ੍ਹਾਂ ਕਿਹਾ ਕਿ 'ਭਾਜਪਾ ਆਗੂ ਜੋ ਵੀ ਵਾਅਦੇ ਕਰਦੇ ਹਨ, ਉਨ੍ਹਾਂ ਨੂੰ ਪੂਰਾ ਕਰਦੇ ਹਨ। ਇਹ ਮੇਰੀ ਖੁਸ਼ਕਿਸਮਤੀ ਹੈ ਕਿ ਮੈਨੂੰ ਭਾਜਪਾ ਦੀ ਫੌਜ ਵਿਚ ਸ਼ਾਮਲ ਹੋਣ ਦਾ ਮੌਕਾ ਮਿਲਿਆ। ਮੈਂ ਆਪਣੇ ਆਪ ਨੂੰ ਉਸ ਗਲਿਹਰੀ ਵਰਗਾ ਸਮਝਦੀ ਹਾਂ ਜੋ ਰਾਮ ਸੇਤੂ ਦੇ ਨਿਰਮਾਣ ਸਮੇਂ ਸ਼੍ਰੀ ਰਾਮ ਦੀ ਸੈਨਾ ਦੀ ਮਦਦ ਲਈ ਆਈ ਸੀ।
ਕੰਗਨਾ ਆਪਣੇ ਘਰ ਮੌਜੂਦ ਲੋਕਾਂ ਨੂੰ ਸੰਬੋਧਨ ਕਰ ਰਹੀ ਸੀ। ਉਸ ਨੇ ਕਿਹਾ ਕਿ ਉਹ ਵੋਟਾਂ ਮੰਗਣ ਲਈ ਭਾਸ਼ਣ ਨਹੀਂ ਦੇ ਰਹੀ ਸੀ। ਹਰ ਕੋਈ ਮੋਦੀ ਨੂੰ ਹੀ ਵੋਟ ਦੇਵੇ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਦੂਜੀਆਂ ਪਾਰਟੀਆਂ ਦੇ ਨੇਤਾ ਇਹ ਭਰਮ ਫੈਲਾ ਰਹੇ ਹਨ ਕਿ ਕੰਗਨਾ ਮੁੰਬਈ 'ਚ ਰਹਿੰਦੀ ਹੈ ਅਤੇ ਉਹ ਮੰਡੀ ਦਾ ਹਾਲ ਜਾਣਨ ਲਈ ਕਦੇ ਨਹੀਂ ਆਵੇਗੀ।
ਕੰਗਨਾ ਨੇ ਕਿਹਾ ਕਿ 'ਕਿਸੇ ਨੂੰ ਵੀ ਇਸ ਭਰਮ 'ਚ ਨਹੀਂ ਰਹਿਣਾ ਚਾਹੀਦਾ। ਮੈਂ ਹਿਮਾਚਲ ਦੀ ਧੀ ਹਾਂ ਅਤੇ ਮੁੰਬਈ 'ਚ ਰਹਿੰਦਿਆਂ ਮੈਂ ਫ਼ਿਲਮਾਂ ਲਈ ਜਿੰਨਾ ਕੰਮ ਕੀਤਾ ਹੈ, ਉਸ ਤੋਂ ਵੀ ਵੱਧ ਸਮਰਪਣ ਨਾਲ ਇੱਥੋਂ ਦੇ ਲੋਕਾਂ ਲਈ ਕੰਮ ਕਰਾਂਗੀ। ਇਹ ਸਭ ਤੁਹਾਡੀਆਂ ਅਸੀਸਾਂ ਸਦਕਾ ਹੀ ਮੈਂ ਤੁਹਾਡੀ ਸੇਵਾ ਕਰ ਸਕੀ ਹਾਂ।
(For more Punjabi news apart from Kangana Ranaut told PM Modi the avatar of Shri Ram, stay tuned to Rozana Spokesman)
