ਸਿਖਰਲੇ ਪੰਜ ਦੇਸ਼ਾਂ ਵਲੋਂ ਸਵਿਸ ਬੈਂਕਾਂ ਵਿਚ ਜਮ੍ਹਾਂ ਕਰਵਾਇਆ ਗਿਆ ਧਨ ਕੁਲ ਵਿਦੇਸ਼ੀਆਂ ਵਲੋਂ ਜਮ੍ਹਾਂ ਕਰਵਾਏ ਗਏ ਧਨ ਦੇ 50 ਫ਼ੀ ਸਦੀ ਤੋਂ ਜ਼ਿਆਦਾ
ਜਿਊਰਿਖ/ਨਵੀਂ ਦਿੱਲੀ,: ਸਵਿਸ ਬੈਂਕਾਂ ਵਿਚ ਭਾਰਤੀਆਂ ਵਲੋਂ ਰੱਖੇ ਜਾਣੇ ਵਾਲੇ ਧਨ ਦੇ ਮਾਮਲੇ ਵਿਚ ਭਾਰਤ ਇਕ ਅੰਕ ਖਿਸਕ ਕੇ 74ਵੇਂ ਸਥਾਨ 'ਤੇ ਆ ਗਿਆ ਹੈ ਜਦਕਿ ਬਰਤਾਨੀਆ ਹਾਲੇ ਵੀ ਪਹਿਲੇ ਸਥਾਨ 'ਤੇ ਬਣਿਆ ਹੋਇਆ ਹੈ। ਸਵਿੱਟਜ਼ਰਲੈਂਡ ਦੇ ਕੇਂਦਰੀ ਬੈਂਕ ਸਵਿਸ ਨੈਸ਼ਨਲ ਬੈਂਕ ਵਲੋਂ ਜਾਰੀ ਅੰਕੜਿਆਂ ਤੋਂ ਇਹ ਗੱਲ ਸਾਹਮਣੇ ਆਈ ਹੈ। ਦੁਨੀਆਂਭਰ ਦੇ ਲੋਕਾਂ ਨੇ ਜਿੰਨਾ ਪੈਸਾ ਸਵਿੱਟਜ਼ਰਲੈਂਡ ਦੇ ਬੈਂਕਾਂ ਵਿਚ ਜਮ੍ਹਾਂ ਕਰਵਾਇਆ ਹੋਇਆ ਹੈ, ਉਸ ਦਾ ਸਿਰਫ਼ 0.07 ਫ਼ੀ ਸਦੀ ਪੈਸਾ ਹੀ ਭਾਰਤੀਆਂ ਦਾ ਉਥੇ ਜਮ੍ਹਾਂ ਹੈ।
India
ਪਿਛਲੇ ਸਾਲ ਇਸ ਸੂਚੀ ਵਿਚ ਭਾਰਤ 73ਵੇਂ ਸਥਾਨ 'ਤੇ ਸੀ ਜਦਕਿ ਉਸ ਤੋਂ ਪਿਛਲੇ ਸਾਲ ਭਾਰਤ 88ਵੇਂ ਸਥਾਨ 'ਤੇ ਸੀ। ਬੈਂਕ ਦੇ ਅੰਕੜਿਆਂ ਤੋਂ ਪਤਾ ਲਗਦਾ ਹੈ ਕਿ ਭਾਰਤੀ ਲੋਕਾਂ ਜਾਂ ਭਾਰਤੀ ਕੰਪਨੀਆਂ ਨੇ ਸਵਿਸ ਬੈਂਕਾਂ ਵਿਚ ਘੱਟ ਪੈਸਾ ਜਮ੍ਹਾਂ ਕਰਵਾਇਆ ਹੈ। 2018 ਵਿਚ ਅਖ਼ੀਰ ਤਕ ਬਰਤਾਨੀਆ ਦੇ ਲੋਕਾਂ ਜਾਂ ਕੰਪਨੀਆਂ ਨੇ ਸਵਿਸ ਬੈਂਕਾਂ ਵਿਚ ਜਮ੍ਹਾਂ ਕਰਵਾਏ ਕੁਲ ਵਿਦੇਸ਼ੀਆਂ ਦੇ ਧਨ ਦਨ ਲਗਭਗ 26 ਫ਼ੀ ਸਦੀ ਪੈਸਾ ਜਮ੍ਹਾਂ ਕੀਤਾ ਹੈ। ਬਰਤਾਨੀਆ ਤੋਂ ਬਾਅਦ ਇਸ ਸੂਚੀ ਵਿਚ ਅਮਰੀਕਾ, ਵੈਸਟ ਇੰਡੀਜ਼, ਫ਼ਰਾਂਸ ਅਤੇ ਹਾਂਗਕਾਂਗ ਦਾ ਸਥਾਨ ਹੈ।
ਸਿਖਰਲੇ ਪੰਜ ਦੇਸ਼ਾਂ ਵਲੋਂ ਸਵਿਸ ਬੈਂਕਾਂ ਵਿਚ ਜਮ੍ਹਾਂ ਕਰਵਾਇਆ ਗਿਆ ਧਨ ਕੁਲ ਵਿਦੇਸ਼ੀਆਂ ਵਲੋਂ ਜਮ੍ਹਾਂ ਕਰਵਾਏ ਗਏ ਧਨ ਦੇ 50 ਫ਼ੀ ਸਦੀ ਤੋਂ ਜ਼ਿਆਦਾ ਹੈ ਜਦਕਿ ਸਿਖਰਲੇ 15 ਦੇਸ਼ਾਂ ਦੀ ਸੂਚੀ ਵਿਚ ਇਹ ਧਨ 75 ਫ਼ੀ ਸਦੀ ਦੇ ਨੇੜੇ ਪਹੁੰਚ ਜਾਂਦਾ ਹੈ ਜਦਕਿ ਸਿਖਰਲੇ 30 ਦੇਸ਼ਾਂ ਦੀ ਹਿੱਸੇਦਾਰੀ 90 ਫ਼ੀ ਸਦੀ ਹੈ। ਸਿਖਰਲੇ 10 ਦੇਸ਼ਾਂ ਦੀ ਸੂਚੀ ਵਿਚ ਬਹਿਮਾਸ, ਜਰਮਨੀ, ਲਗਜ਼ਮਬਰਗ, ਕੇਮੈਨ, ਆਈਲੈਂਡ ਅਤੇ ਸਿੰਗਾਪੁਰ ਸ਼ਾਮਲ ਹਨ।
Britain
ਇਸ ਸੂਚੀ ਵਿਚ ਪਾਕਿਸਤਾਨ 82, ਬੰਗਲਾਦੇਸ਼ 89, ਨੇਪਾਲ 109, ਸ੍ਰੀਲੰਕਾ 141, ਮਿਆਂਮਾਰ 187 ਅਤੇ ਭੂਟਾਨ 193 ਨੰਬਰ 'ਤੇ ਹੈ। ਪਿਛਲੇ ਚਾਰ ਸਾਲ ਵਿਚ ਇਹ ਪਹਿਲੀ ਵਾਰ ਹੈ ਕਿ ਰੈਂਕਿੰਗ ਦੇ ਮਾਮਲੇ ਵਿਚ ਪਾਕਿਸਤਾਨ, ਭਾਰਤ ਤੋਂ ਹੇਠਾਂ ਆਇਆ ਹੈ। ਇਸ ਸੂਚੀ ਵਿਚ ਭਾਰਤ ਦੇ ਉਨ੍ਹਾਂ ਲੋਕਾਂ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ ਜੋ ਦੂਜੇ ਦੇਸ਼ਾਂ ਵਿਚ ਮੌਜੂਦ ਫ਼ਰਮਾਂ ਦੇ ਨਾਂ 'ਤੇ ਪੈਸਾ ਜਮ੍ਹਾਂ ਕਰਵਾਉਂਦੇ ਹਨ। ਸਾਲ 2007 ਦੇ ਸਵਿਸ ਬੈਂਕ ਦੇ ਖਾਤਿਆਂ ਦੇ ਮਾਮਲੇ ਵਿਚ ਭਾਰਤ ਦੁਨੀਆਂ ਦੇ ਸਿਖਰਲੇ 50 ਦੇਸ਼ਾਂ ਵਿਚ ਸ਼ਾਮਲ ਸੀ ਅਤੇ ਸਾਲ 2004 ਵਿਚ ਭਾਰਤ 37ਵੇਂ ਸਥਾਨ 'ਤੇ ਸੀ।
