ਤਮਿਲਨਾਡੂ ਦੀ ਰਾਜਧਾਨੀ ਚੇਨਈ ਤੋਂ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਚੇਨਈ: ਤਮਿਲਨਾਡੂ ਦੀ ਰਾਜਧਾਨੀ ਚੇਨਈ ਤੋਂ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇੱਥੇ ਇਕ ਡੈਂਟਿਸਟ ਨੇ ਇਕ ਸੱਤ ਸਾਲ ਦੇ ਬੱਚੇ ਦੇ ਮੂੰਹ ਵਿਚੋਂ 5-10 ਨਹੀਂ ਬਲਕਿ 526 ਦੰਦ ਕੱਢੇ ਹਨ। ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਇਹ ਦੰਦ ਜਬਾੜੇ ਦੀ ਹੱਡੀ ਵਿਚ ਇਸ ਤਰ੍ਹਾਂ ਲੱਗੇ ਹੋਏ ਸਨ ਕਿ ਬਾਹਰ ਤੋਂ ਵੀ ਦਿਖਾਈ ਨਹੀਂ ਦਿੰਦੇ ਸਨ।
ਡਾਕਟਰਾਂ ਮੁਤਾਬਕ ਇਹ ਦੁਨੀਆਂ ਦਾ ਪਹਿਲਾ ਅਜਿਹਾ ਮਾਮਲਾ ਹੈ, ਜਿਸ ਵਿਚ ਕਿਸੇ ਵਿਅਕਤੀ ਦੇ ਮੂੰਹ ਵਿਚੋਂ ਇੰਨੇ ਸਾਰੇ ਛੋਟੇ-ਛੋਟੇ ਦੰਦ ਕੱਢੇ ਗਏ ਹਨ। ਦੰਦਾਂ ਦੇ ਡਾਕਟਰਾਂ ਨੇ ਸਰਜਰੀ ਕਰ ਕੇ 526 ਦੰਦ ਕੱਢੇ, ਹੁਣ ਇਸ ਬੱਚੇ ਦੇ ਮੂੰਹ ਵਿਚ 21 ਦੰਦ ਬਚੇ ਹਨ। ਦਰਅਸਲ ਇਹ ਬੱਚਾ ‘ਕੰਪਾਉਂਡਡ ਕੰਪੋਜਿਟ ਓਨਡਨੋਟੋਮਾ’ ਨਾਲ ਪੀੜਤ ਸੀ। ਬੱਚੇ ਦੇ ਜਬਾੜੇ ਵਿਚ ਸੋਜ ਸੀ, ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਆਂਦਾ ਗਿਆ।
ਹਸਪਤਾਲ ਵਿਚ ਓਰਲ ਅਤੇ ਮੈਕਸਿਲੋਫੈਸੀਅਲ ਸਰਜਰੀ ਵਿਭਾਗ ਦੇ ਅਧਿਕਾਰੀ ਨੇ ਦੱਸਿਆ ਕਿ ਬੱਚੇ ਦੇ ਮਾਤਾ-ਪਿਤਾ ਨੇ ਇਸ ਸੋਜ ਨੂੰ ਸਭ ਤੋਂ ਪਹਿਲਾਂ ਉਸ ਸਮੇਂ ਦੇਖਿਆ ਸੀ, ਜਦੋਂ ਬੱਚਾ ਤਿੰਨ ਸਾਲ ਦਾ ਸੀ ਪਰ ਉਸ ਸਮੇਂ ਸੋਜ ਜ਼ਿਆਦਾ ਨਹੀਂ ਸੀ। ਇਸ ਕਾਰਨ ਉਹਨਾਂ ਨੇ ਇਸ ‘ਤੇ ਜ਼ਿਆਦਾ ਧਿਆਨ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਜਦੋਂ ਬੱਚੇ ਦੇ ਮਾਤਾ-ਪਿਤਾ ਨੇ ਉਸ ਦੇ ਐਕਸਰੇ ਅਤੇ ਸੀਟੀ ਸਕੈਨ ਕਰਵਾਏ ਤਾਂ ਡਾਕਟਰਾਂ ਨੇ ਸਰਜਰੀ ਕਰਨ ਦਾ ਫੈਸਲਾ ਕੀਤਾ।
ਸਰਜਰੀ ਵਿਭਾਗ ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਆਪਰੇਸ਼ਨ ਕਰ ਕੇ ਲੜਕੇ ਦੇ ਮੂੰਹ ਵਿਚੋਂ 526 ਦੰਦ ਕੱਢੇ ਹਨ। ਇਹਨਾਂ ਦੰਦਾਂ ਨੂੰ ਕੱਢਣ ਲਈ ਕਰੀਬ 5 ਘੰਟੇ ਦਾ ਸਮਾਂ ਲੱਗਿਆ। ਓਰਲ ਅਤੇ ਮੈਕਸਿਲੋਫੈਸੀਅਲ ਸਰਜਰੀ ਵਿਭਾਗ ਨੇ ਦੱਸਿਆ ਕਿ ਸਰਜਰੀ ਤੋਂ ਤਿੰਨ ਦਿਨ ਬਾਅਦ ਲੜਕੇ ਦੀ ਹਾਲਤ ਠੀਕ ਹੈ। ਡਾਕਟਰਾਂ ਨੇ ਇਸ ਬਿਮਾਰੀ ਦਾ ਕਾਰਨ 'ਮੋਬਾਈਲ ਰੇਡੀਏਸ਼ਨ' ਦੱਸਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।