ਏਅਰ ਏਸ਼ੀਆ ਦੇ ਸੁਰੱਖਿਆ ਪ੍ਰਮੁੱਖ ਨੇ ਵੀ ਘਟਨਾ ਦੀ ਪੁਸ਼ਟੀ ਕੀਤੀ ਹੈ।
ਪਣਜੀ: ਗੋਆ ਦੇ ਡਾਬੋਲਿਮ ਏਅਰਪੋਰਟ 'ਤੇ ਅਵਾਰਾ ਕੁੱਤੇ ਵੱਡਾ ਸਿਰ ਦਰਦ ਬਣਦੇ ਜਾ ਰਹੇ ਹਨ। ਐਤਵਾਰ ਸੇਵੇਰ ਇਕ ਏਅਰ ਏਸ਼ੀਆ ਦੀ ਫਲਾਈਟ ਉਡਾਨ ਭਰਨ ਤੋਂ ਪਹਿਲਾਂ ਹੀ ਰੋਕਣੀ ਪਈ। ਵਜ੍ਹਾ ਸੀ ਰਨਵੇ 'ਤੇ ਕੁੱਤੇ ਦਾ ਆਉਣਾ। ਡਾਬੋਲਿਮ ਏਅਰਪੋਰਟ ਵਿਚ ਪਹਿਲਾਂ ਵੀ ਅਜਿਹੀਆਂ ਘਟਨਾਵਾਂ ਹੁੰਦੀਆਂ ਰਹਿੰਦੀਆਂ ਹਨ ਜਿਹਨਾਂ ਦੀ ਵਜ੍ਹਾ ਨਾਲ ਯਾਤਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਗੰਭੀਰ ਚਿੰਤਾ ਜਤਾਈ ਜਾ ਰਹੀ ਹੈ।
Air India
ਏਅਰ ਏਸ਼ੀਆ ਦੇ ਸੁਰੱਖਿਆ ਪ੍ਰਮੁੱਖ ਨੇ ਵੀ ਘਟਨਾ ਦੀ ਪੁਸ਼ਟੀ ਕੀਤੀ ਹੈ। ਸੂਤਰਾਂ ਮੁਤਾਬਕ ਐਤਵਾਰ ਸਵੇਰੇ ਏਅਰ ਏਸ਼ੀਆ ਦੀ 15-778 ਫਲਾਈਟ ਗੋਆ ਏਅਰਪੋਰਟ ਤੋਂ ਉਡਾਨ ਭਰਨ ਹੀ ਵਾਲੀ ਸੀ। ਅਚਾਨਕ ਏਅਰ ਟ੍ਰੈਫਿਕ ਕੰਟਰੋਲ ਨੇ ਦੇਖਿਆ ਕਿ ਇਕ ਅਵਾਰਾ ਕੁੱਤਾ ਰਨਵੇ 'ਤੇ ਦਾਖਲ ਹੋ ਗਿਆ ਹੈ। ਮੌਜੂਦ ਅਧਿਕਾਰੀਆਂ ਨੇ ਤੁਰੰਤ ਇਸ ਫਲਾਈਟ ਦਾ ਟੇਕਤ ਆਫ ਰੁਕਵਾ ਦਿੱਤਾ। ਫਿਰ ਛਾਣਬੀਣ ਕਰਨ ਤੋਂ ਬਾਅਦ ਇਹ ਫਲਾਈਟ ਨੂੰ ਉਡਾਇਆ ਗਿਆ।
Flight ਇਸ ਤੋਂ ਪਹਿਲਾਂ ਪਿਛਲੇ ਮਹੀਨੇ 13 ਅਗਸਤ ਨੂੰ ਇਕ ਏਅਰ ਇੰਡੀਆ ਦੀ ਫਲਾਈਟ ਨੂੰ ਆਖਰੀ ਪਲਾਂ ਵਿਚ ਟਚ ਡਾਊਨ ਤੋਂ ਥੋੜਾਂ ਸਮਾਂ ਪਹਿਲਾਂ ਲੈਂਡਿੰਗ ਰੋਕ ਦਿੱਤੀ ਸੀ। ਪਾਇਲਟ ਨੇ ਦਸਿਆ ਕਿ ਉਸ ਨੂੰ ਰਨਵੇ 'ਤੇ ਪੰਜ ਛੇ ਕੁੱਤੇ ਦਿਖਾਈ ਦਿੱਤੇ ਸਨ। ਕਰੀਬ 15 ਮਿੰਟ ਬਾਅਦ ਇਹ ਜਹਾਜ਼ ਦੁਬਾਰਾ ਲੈਂਡ ਕਰ ਸਕਿਆ ਸੀ। ਮੁੰਬਈ ਤੋਂ ਗੋਆ ਦੀ ਇਸ ਉਡਾਨ ਵਿਚ ਬੈਠੇ ਇਕ ਯਾਤਰੀ ਗੋਵਿੰਦ ਗਾਂਓਕਰ ਨੇ ਵੀ ਟਵੀਟ ਕਰ ਕੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਸੀ।
ਇਸ ਘਟਨਾ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪ੍ਰਦੇਸ਼ ਦੇ ਸਾਬਕਾ ਪੀਐਮ ਅਤੇ ਕਾਂਗਰਸ ਨੇਤਾ ਦਿਗੰਬਰ ਕਾਮਤ ਨੇ ਨਾਗਰਿਕ ਹਵਾਬਾਜ਼ੀ ਡਾਇਰੈਕਟਰ ਜਰਨਲ ਤੇ ਸਵਾਲ ਉਠਾਉਂਦੇ ਹੋਏ ਇਸ ਘਟਨਾ ਦੀ ਜਾਂਚ ਦੀ ਮੰਗ ਕੀਤੀ ਸੀ। ਗੌਰਤਲਬ ਹੈ ਕਿ ਗੋਆ ਏਅਰਪੋਰਟ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਨੇਵੀ ਕੋਲ ਹੈ। ਇਸ ਘਟਨਾ ਤੋਂ ਬਾਅਦ ਨੇਵੀ ਨੇ ਕਿਹਾ ਸੀ ਕਿ ਆਈਐਨਐਸ ਹੰਸਾ ਨੇ ਕੁੱਤਿਆਂ ਪੰਛੀਆਂ ਨੂੰ ਰੇਲਵੇ ਤੋਂ ਦੂਰ ਰੱਖਣ ਲਈ ਕਈ ਯਤਨ ਕੀਤੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
