ਮੁਲਜ਼ਮ ‘ਤੇ ਹੱਤਿਆ ਅਤੇ ਲੁੱਟ ਦੇ ਕਈ ਮਾਮਲੇ ਸਨ ਦਰਜ
ਭੋਪਾਲ: ਮੱਧ ਪ੍ਰਦੇਸ਼ ਦੇ ਛਤਰਪੁਰ ਵਿਚ ਨੌਗਾਂਓ ਬਲਾਕ ਦੇ ਇਕ ਲੋੜੀਂਦੇ ਅਤੇ ਖਤਰਨਾਕ ਡਾਕੂ ਨੂੰ ਫੜਨ ਦੇ ਲਈ ਪੁਲਿਸ ਨੇ ਅਲੱਗ ਤਰੀਕਾ ਕੱਢਿਆ। ਡਾਕੂ ਨੂੰ ਮਹਿਲਾ ਪੁਲਿਸ ਅਧਿਕਾਰੀ ਨਾਲ ਵਿਆਹ ਕਰਵਾਉਣ ਦਾ ਸੱਦਾ ਦਿੱਤਾ ਗਿਆ। ਇਕ ਮਹਿਲਾ ਪੁਲਿਸ ਅਧਿਕਾਰੀ ਨੇ ਨਕਲੀ ਵਿਆਹ ਦੀ ਪੇਸ਼ਕਸ਼ ਕਰਕੇ ਡਾਕੂ ਨੂੰ ਗਿਰਫ਼ਤਾਰ ਕੀਤਾ।
Woman cop honey-traps, arrests wanted criminal
ਲੋਕ ਮਹਿਲਾ ਅਧਿਕਾਰੀ ਅਤੇ ਵਿਭਾਗ ਦੇ ਇਸ ਤਰੀਕੇ ਦੀ ਤਾਰੀਫ਼ ਕਰ ਰਹੇ ਹਨ। ਮੱਧ ਪ੍ਰਦੇਸ਼ ਪੁਲਿਸ ਦੇ ਲਈ ਤਿੰਨ ਸਾਲਾਂ ਤੋਂ ਵੀ ਵੱਧ ਸਮੇਂ ਤੋਂ ਸਿਰਦਰਦ ਬਣੇ ਬਾਲਕਿਸ਼ਨ ਚੌਬੇ ਦੀ ਨਾਟਕੀ ਤਰੀਕੇ ਨਾਲ ਹੋਈ ਗਿਰਫ਼ਤਾਰੀ ਨੇ ਸੱਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਬਾਲਕਿਸ਼ਨ ਗਿਰੋਹ ਦੇ ਡਾਕੂ ਛਤਰਪੁਰ ਦੇ ਖਜੁਰਾਹੇ ਇਲਾਕੇ ਵਿਚ ਗ੍ਰਾਮੀਣਾਂ ਨੂੰ ਲੁੱਟਦੇ ਸਨ।
Arrest
ਬਾਲਕਿਸ਼ਨ ਦੇ ਵਿਰੁੱਧ ਹੱਤਿਆ ਅਤੇ ਲੁੱਟ ਦੇ ਕਈਂ ਮਾਮਲੇ ਦਰਜ ਹਨ। ਉਹ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉੱਤਰ ਪ੍ਰਦੇਸ਼ ਵਿਚ ਜਾ ਕੇ ਲੁੱਕ ਜਾਂਦਾ ਸੀ। ਉਸਨੇ ਲੁੱਕਣ ਤੋਂ ਪਹਿਲਾਂ ਆਪਣੇ ਕੁੱਝ ਸਾਥੀਆਂ ਨੂੰ ਉਸਦੇ ਲਈ ਲਾੜੀ ਲੱਭਣ ਲਈ ਕਿਹਾ ਸੀ।
Woman cop honey-traps, arrests wanted criminal
ਛਤਰਪੁਰ ਨੌਗਾਂਵ ਬਲਾਕ ਦੀ ਗੈਰੋਲੀ ਚੌਕੀ ਦੀ ਮੁੱਖੀ ਮਾਦਵੀ ਅਗਨੀਹੋਤਰੀ ਨੂੰ ਉਸ ਨੂੰ ਫੜਨ ਦੇ ਲਈ ਜਿੰਮ੍ਹਵਾਰੀ ਦਿੱਤੀ ਗਈ। 30 ਸਾਲਾਂ ਮਾਦਵੀ ਨੇ ਆਪਣੀ ਇਕ ਪੁਰਾਣੀ ਤਸਵੀਰ ਬਾਲਕਿਸ਼ਨ ਚੌਬੇ ਨੂੰ ਮੁਖਬਰਾਂ ਦੇ ਮਾਧਿਅਮ ਰਾਹੀਂ ਵਿਆਹ ਦੇ ਪ੍ਰਸਤਾਵ ਨਾਲ ਭੇਜੀ ਸੀ। ਜਦੋਂ ਉਹ ਵਿਆਹ ਦੀ ਗੱਲ ਕਰਨ ਆਇਆ ਤਾਂ ਉਸਨੂੰ ਪੁਲਿਸ ਟੀਮ ਨੇ ਗਿਰਫ਼ਤਾਰ ਕਰ ਲਿਆ।
