ਦੱਖਣ ਦਿੱਲੀ ਦੇ ਫਤਿਹਪੁਰ ਬੇਰੀ ਫ਼ਾਰਮ ਹਾਊਸ ਵਿਚ ਨਵੇਂ ਸਾਲ  ਦੇ ਜਸ਼ਨ ਉਤੇ ਫਾਇਰਿੰਗ ਦੇ ਦੌਰਾਨ ਗੋਲੀ.......

ਨਵੀਂ ਦਿੱਲੀ : ਦੱਖਣ ਦਿੱਲੀ ਦੇ ਫਤਿਹਪੁਰ ਬੇਰੀ ਫ਼ਾਰਮ ਹਾਊਸ ਵਿਚ ਨਵੇਂ ਸਾਲ  ਦੇ ਜਸ਼ਨ ਉਤੇ ਫਾਇਰਿੰਗ ਦੇ ਦੌਰਾਨ ਗੋਲੀ ਚੱਲਣ ਨਾਲ ਔਰਤ ਦੇ ਸਿਰ ਵਿਚ ਸੱਟ ਲੱਗ ਗਈ। ਔਰਤ ਦਾ ਇਲਾਜ਼ ਨਿਜੀ ਹਸਪਤਾਲ ਵਿਚ ਚੱਲ ਰਿਹਾ ਹੈ, ਪਰ ਇਸ ਮਾਮਲੇ ਵਿਚ ਮੁਲਜ਼ਮ ਅਤੇ ਬਿਹਾਰ ਦੇ ਸਾਬਕਾ ਵਿਧਾਇਕ ਰਾਜੂ ਪ੍ਰਤਾਪ ਸਿੰਘ ਹੁਣ ਵੀ ਫ਼ਰਾਰ ਹਨ। ਦਿੱਲੀ ਪੁਲਿਸ ਨੇ ਦਿੱਲੀ ਦੇ ਉਸ ਦੇ ਕਈ ਟਿਕਾਣੀਆਂ ਉਤੇ ਤਲਾਸ਼ੀ ਸ਼ੁਰੂ ਕਰ ਦਿਤੀ ਹੈ, ਉਥੇ ਹੀ ਉਸ ਦੀ ਇਕ ਟੀਮ ਬਿਹਾਰ ਭੇਜੀ ਗਈ ਹੈ। ਮੁਲਜ਼ਮ ਰਾਜੂ ਪ੍ਰਤਾਪ ਸਿੰਘ ਬਿਹਾਰ ਵਿਚ ਵਿਧਾਇਕ ਰਹਿ ਚੁੱਕਿਆ ਹੈ।

Police

ਪਹਿਲਾਂ ਉਹ ਜਨਤਾ ਦਲ ਯੂਨਾਇਟੇਡ ਵਿਚ ਰਿਹਾ ਅਤੇ ਹੁਣ ਉਹ ਭਾਰਤੀ ਜਨਤਾ ਪਾਰਟੀ (ਬੀਜੇਪੀ) ਵਿਚ ਹੈ। ਪੂਰਵ ਵਿਧਾਇਕ ਰਾਜੂ ਪ੍ਰਤਾਪ ਸਿੰਘ ਬਿਹਾਰ ਦੇ ਮੁਜੱਫ਼ਰਪੁਰ ਜਿਲ੍ਹੇ ਦੇ ਖਰੌਨੀ ਦੇ ਆਨੰਦਪੁਰ ਪਿੰਡ ਦੇ ਰਹਿਣ ਵਾਲੇ ਹਨ। ਰਾਜੂ ਨੇ ਐਮਟੇਕ ਕੀਤੀ ਹੈ ਅਤੇ ਇਸ ਤੋਂ ਬਾਅਦ ਉਸ ਨੇ ਮਹਾਰਾਸ਼ਟਰ ਯੂਨੀਵਰਸਿਟੀ ਤੋਂ ਪੀਐਚਡੀ ਹਾਸਲ ਕੀਤੀ। ਰਾਜੂ ਸਿੰਘ ਉਤੇ ਹੀ ਗੋਲੀ ਚਲਾਉਣ ਦਾ ਇਲਜ਼ਾਮ ਹੈ ਅਤੇ ਜਿਸ ਫ਼ਾਰਮ ਹਾਊਸ ਵਿਚ ਗੋਲੀ ਚੱਲੀ ਉਹ ਰਾਜੂ ਦੀ ਮਾਂ ਦੇ ਨਾਮ ਉਤੇ ਹੈ। ਨਵੇਂ ਸਾਲ ਦੀ ਪਾਰਟੀ ਦੇ ਦੌਰਾਨ ਗੋਲੀ ਚਲਾਉਣ ਨਾਲ ਜਖ਼ਮੀ ਹੋਈ ਔਰਤ ਨੂੰ ਬਸੰਤ ਕੁੰਜ ਦੇ ਫੋਰਟਿਸ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ,

ਜਿਥੇ ਉਸ ਦਾ ਇਲਾਜ਼ ਚੱਲ ਰਿਹਾ ਹੈ। ਘਟਨਾ 31 ਦਸੰਬਰ ਰਾਤ ਦੀ ਹੈ, ਦਿੱਲੀ ਦੇ ਫਤਿਹਪੁਰ ਬੇਰੀ ਦੇ ਮਾਂਡੀ ਪਿੰਡ ਦੇ ਰੋਜ ਫ਼ਾਰਮ ਹਾਊਸ ਵਿਚ ਨਵੇਂ ਸਾਲ ਦੀ ਪਾਰਟੀ ਚੱਲ ਰਹੀ ਸੀ। ਰਾਤ ਦੇ ਬਾਰਾਂ ਵਜੇ ਹੀ ਉਥੇ ਰਾਜੂ ਪ੍ਰਤਾਪ ਸਿੰਘ ਹਵਾ ਵਿਚ ਗੋਲੀ ਚਲਾਉਣ ਲੱਗਿਆ। ਇਲਜ਼ਾਮ ਦੇ ਮੁਤਾਬਕ ਉਸ ਨੇ ਕਰੀਬ ਤਿੰਨ ਗੋਲੀਆਂ ਹਵਾ ਵਿਚ ਚਲਾਈਆਂ ਪਰ ਇਕ ਗੋਲੀ ਉਥੇ ਹੀ ਮੌਜੂਦ ਇਕ ਔਰਤ ਦੇ ਸਿਰ ਵਿਚ ਜਾ ਲੱਗੀ। ਉਸ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਪੁਲਿਸ ਦੇ ਮੁਤਾਬਕ ਉਨ੍ਹਾਂ ਨੂੰ ਫੋਨ ਹਸਪਤਾਲ ਤੋਂ ਕੀਤਾ ਗਿਆ ਸੀ।

ਜਖ਼ਮੀ ਔਰਤ ਦੇ ਪਤੀ ਵਿਕਾਸ ਗੁਪਤਾ ਨੇ ਸ਼ਿਕਾਇਤ ਵਿਚ ਇਲਜ਼ਾਮ ਲਗਾਇਆ ਹੈ ਕਿ ਰਾਜੂ ਪ੍ਰਤਾਪ ਸਿੰਘ ਨੇ ਗੋਲੀ ਚਲਾਈ। ਵਿਕਾਸ ਦੀ ਸ਼ਿਕਾਇਤ ਉਤੇ ਫਤਿਹਪੁਰ ਬੇਰੀ ਥਾਣਾ ਪੁਲਿਸ ਨੇ ਰਾਜੂ ਸਿੰਘ ਦੇ ਵਿਰੁਧ ਹੱਤਿਆ ਦੀ ਕੋਸ਼ਿਸ਼ ਦੇ ਤਹਿਤ ਕੇਸ ਦਰਜ਼ ਕਰ ਲਿਆ ਹੈ ਅਤੇ ਰਾਜੂ ਸਿੰਘ ਦੀ ਤਲਾਸ਼ ਜਾਰੀ ਹੈ।