ਡਾਕਟਰ ਨੇ ਕਿਹਾ ਕਿ ਬੱਚੀ ਦੀ ਮੌਤ ਲੋੜੀਂਦੀ ਆਕਸੀਜਨ ਦੀ ਘਾਟ ਕਾਰਨ ਹੋਈ ਹੈ।
Gujarat Borewell News ਦਵਾਰਕਾ: ਨਵੇਂ ਸਾਲ ਵਾਲੇ ਦਿਨ ਗੁਜਰਾਤ ਦੇ ਦਵਾਰਕਾ ਦੇ ਰਣ ਪਿੰਡ ਵਿਚ ਬੋਰਵੈੱਲ ਵਿਚ ਡਿੱਗੀ ਢਾਈ ਸਾਲ ਦੀ ਬੱਚੀ ਦੀ ਬਚਾਅ ਤੋਂ ਬਾਅਦ ਮੌਤ ਹੋ ਗਈ। ਲੜਕੀ 100 ਫੁੱਟ ਡੂੰਘੇ ਬੋਰਵੈੱਲ 'ਚ 30 ਤੋਂ 35 ਫੁੱਟ ਹੇਠਾਂ ਫਸ ਗਈ। NDRF ਨੇ ਰਾਤ 9:48 ਵਜੇ ਬੱਚੀ ਨੂੰ ਬਾਹਰ ਕੱਢਿਆ।ਡਾਕਟਰ ਨੇ ਦਸਿਆ ਕਿ ਲੜਕੀ ਨੂੰ ਰਾਤ ਕਰੀਬ 10 ਵਜੇ ਹਸਪਤਾਲ ਲਿਆਂਦਾ ਗਿਆ, ਉਦੋਂ ਤਕ ਉਸ ਦੀ ਮੌਤ ਹੋ ਚੁੱਕੀ ਸੀ। ਲੜਕੀ ਦੀ ਪਛਾਣ ਏਂਜਲ ਸਾਖਰਾ ਵਜੋਂ ਹੋਈ ਹੈ। ਸੋਮਵਾਰ ਦੁਪਹਿਰ ਕਰੀਬ 1 ਵਜੇ ਖੇਡਦੇ ਹੋਏ ਉਹ ਬੋਰਵੈੱਲ 'ਚ ਡਿੱਗ ਗਈ।
ਬੱਚੀ ਨੂੰ ਬਚਾਉਣ ਲਈ ਐਨਡੀਆਰਐਫ ਅਤੇ ਆਰਮੀ ਦੀਆਂ ਟੀਮਾਂ ਪਹੁੰਚ ਗਈਆਂ ਸਨ। ਬੋਰਵੈੱਲ ਦੇ ਅੰਦਰ ਪਾਈਪ ਦੀ ਮਦਦ ਨਾਲ ਬੱਚੀ ਨੂੰ ਆਕਸੀਜਨ ਸਪਲਾਈ ਕੀਤੀ ਜਾ ਰਹੀ ਸੀ। ਹਾਲਾਂਕਿ ਡਾਕਟਰ ਨੇ ਕਿਹਾ ਕਿ ਬੱਚੀ ਦੀ ਮੌਤ ਲੋੜੀਂਦੀ ਆਕਸੀਜਨ ਦੀ ਘਾਟ ਕਾਰਨ ਹੋਈ ਹੈ।
ਬਚਾਅ ਕਾਰਜ 'ਚ ਲੱਗੀ ਟੀਮ ਨੇ ਦਸਿਆ ਕਿ ਬੱਚੀ ਸ਼ੁਰੂਆਤ 'ਚ 30 ਤੋਂ 35 ਫੁੱਟ ਦੀ ਡੂੰਘਾਈ 'ਚ ਸੀ। ਸਥਾਨਕ ਪੱਧਰ 'ਤੇ ਬਚਾਅ ਦੇ ਪਹਿਲੇ ਯਤਨ ਕੀਤੇ ਗਏ ਸਨ। ਕਰੀਬ ਤਿੰਨ ਘੰਟਿਆਂ 'ਚ ਉਸ ਨੂੰ 10 ਫੁੱਟ ਉੱਪਰ ਖਿੱਚ ਲਿਆ ਗਿਆ। NDRF ਦੀ ਟੀਮ ਰਾਤ ਕਰੀਬ 8 ਵਜੇ ਮੌਕੇ 'ਤੇ ਪਹੁੰਚੀ।
ਬਚਾਅ ਦੌਰਾਨ ਬੱਚੀ ਦਾ ਹੱਥ ਬੋਰਵੈੱਲ ਤੋਂ ਕੱਢਣ ਲਈ ਰੱਸੀ ਨਾਲ ਬੰਨ੍ਹਿਆ ਹੋਇਆ ਸੀ। ਬੋਰਵੈੱਲ ਨੇੜੇ ਵੀ ਖੁਦਾਈ ਕੀਤੀ ਗਈ। ਹਾਲਾਂਕਿ ਜਦੋਂ ਉਸ ਨੂੰ ਬਾਹਰ ਕੱਢਿਆ ਗਿਆ ਤਾਂ ਉਹ ਬੇਹੋਸ਼ ਸੀ।
ਇਸ ਤੋਂ ਪਹਿਲਾਂ 3 ਜੂਨ, 2023 ਨੂੰ, ਢਾਈ ਸਾਲ ਦੀ ਰੋਸ਼ਨੀ ਦੀ ਗੁਜਰਾਤ ਦੇ ਜਾਮਨਗਰ ਵਿਚ ਬੋਰਵੈੱਲ ਵਿਚ ਡਿੱਗਣ ਨਾਲ ਮੌਤ ਹੋ ਗਈ ਸਈ। ਉਹ ਕਰੀਬ 200 ਫੁੱਟ ਡੂੰਘੇ ਬੋਰਵੈੱਲ 'ਚ 20 ਫੁੱਟ ਹੇਠਾਂ ਫਸ ਗਈ ਸੀ। ਬੱਚੀ ਨੂੰ ਬਚਾਉਣ ਲਈ ਫੌਜ, ਫਾਇਰ ਬ੍ਰਿਗੇਡ, ਐਨਡੀਆਰਐਫ ਅਤੇ ਮੈਡੀਕਲ ਟੀਮਾਂ ਨੇ 21 ਘੰਟੇ ਤਕ ਬਚਾਅ ਮੁਹਿੰਮ ਚਲਾਈ ਸੀ।
(For more Punjabi news apart from Toddler who fell into 30-ft depth borewell in Gujarat dies, stay tuned to Rozana Spokesman)
