ਮੌਜੂਦਾ ਮੀਟਰ ਦੀ ਜਗ੍ਹਾ ਹੁਣ ਲਗਣਗੇ ਪ੍ਰੀ-ਪੇਡ ਮੀਟਰ
Published : Feb 2, 2020, 9:44 am IST
Updated : Feb 2, 2020, 9:44 am IST
SHARE ARTICLE
File photo
File photo

ਬਜਟ ਦੌਰਾਨ ਭਵਿੱਖ ਦੀਆਂ ਯੋਜਨਾਵਾਂ 'ਤੇ ਗੱਲ ਕਰਦਿਆਂ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ 'ਚ ਪੂਰੇ ਦੇਸ਼ ਵਿਚ ਪ੍ਰੀ-ਪੇਡ ਮੀਟਰ ਲੱਗਣਗੇ...

ਨਵੀਂ ਦਿੱਲੀ : ਬਜਟ ਦੌਰਾਨ ਭਵਿੱਖ ਦੀਆਂ ਯੋਜਨਾਵਾਂ 'ਤੇ ਗੱਲ ਕਰਦਿਆਂ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ 'ਚ ਪੂਰੇ ਦੇਸ਼ ਵਿਚ ਪ੍ਰੀ-ਪੇਡ ਮੀਟਰ ਲੱਗਣਗੇ। ਇਹ ਸਮਾਰਟ ਮੀਟਰ ਹੋਵੇਗਾ, ਜਿਸ ਦੀ ਮਦਦ ਨਾਲ ਸਪਲਾਇਰ ਅਤੇ ਰੇਟ ਚੁਣਨ ਦਾ ਬਦਲ ਹੋਵੇਗਾ। ਜ਼ਿਕਰਯੋਗ ਹੈ ਕਿ ਊਰਜਾ ਖੇਤਰ ਨੂੰ 22 ਹਜ਼ਾਰ ਕਰੋੜ ਰੁਪਏ ਦਿਤੇ ਗਏ ਹਨ।

Nirmala SitaramanFile Photo

ਇਸ ਯੋਜਨਾ ਤਹਿਤ ਪੁਰਾਣੇ ਮੀਟਰਾਂ ਨੂੰ ਹੌਲੀ-ਹੌਲੀ ਹਟਾਇਆ ਜਾਵੇਗਾ। ਪ੍ਰੀ-ਪੇਡ ਮੀਟਰਾਂ ਦੇ ਰਾਹੀਂ ਬਿਜਲੀ ਕੰਪਨੀ ਚੁਣਨ ਦੀ ਆਜ਼ਾਦੀ ਹੋਵੇਗੀ। ਇਸ ਯੋਜਨਾ ਦਾ ਐਲਾਨ ਕਰਦੇ ਹੋਏ ਸੀਤਾਰਮਨ ਨੇ ਕਿਹਾ ਕਿ ਮੈਂ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਸੂਬਿਆਂ ਤੋਂ ਪੁਰਾਣੇ ਮੀਟਰ ਬਦਲ ਕੇ ਪ੍ਰੀ-ਪੇਡ ਸਮਾਰਟ ਮੀਟਰ ਅਗਲੇ 3 ਸਾਲ 'ਚ ਲਗਾਉਣ ਦੀ ਅਪੀਲ ਕਰਦੀ ਹਾਂ।

File PhotoFile Photo

ਉਨ੍ਹਾਂ ਦਸਿਆ ਕਿ ਉਸ ਨਾਲ ਗਾਹਕ ਅਪਣੀ ਸਹੂਲਤ ਅਨੁਸਾਰ ਕੰਪਨੀ ਅਤੇ ਰੇਟ ਚੁਣ ਸਕਦੇ ਹਨ। ਇਹ ਸਭ ਨੂੰ ਬਿਜਲੀ ਦੇਣ ਦੀ ਦਿਸ਼ਾ 'ਚ ਮੁੱਖ ਕਦਮ ਹੈ। ਡਿਸਕਾਮ 'ਚ ਬਦਲਾਅ ਲਈ 22,000 ਕਰੋੜ ਰੁਪਏ ਪਾਵਰ ਅਤੇ ਅਕਸੈ ਊਰਜਾ ਲਈ ਪ੍ਰਸਤਾਵਿਤ ਕੀਤੇ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਦਸਿਆ ਕਿ ਕੁਦਰਤੀ ਗੈਸ ਪਾਈਪਲਾਈਨ ਗ੍ਰਿਡ ਨੂੰ 16,000 ਕਿਲੋਮੀਟਰ ਤੋਂ ਵਧਾ ਕੇ 27,000 ਕਿਲੋਮੀਟਰ ਕੀਤਾ ਜਾਵੇਗਾ।

Central GovernmentFile Photo

ਜ਼ਿਕਰਯੋਗ ਹੈ ਕਿ ਪ੍ਰੀ-ਪੇਡ ਮੀਟਰ ਦੇ ਪਲਾਨ 'ਤੇ ਕੇਂਦਰ ਸਰਕਾਰ ਕਾਫੀ ਪਹਿਲਾਂ ਤੋਂ ਕੰਮ ਕਰ ਰਹੀ ਹੈ। ਸਾਲ 2018 'ਚ ਵੀ ਸਰਕਾਰ ਨੇ ਅਜਿਹੀ ਇੱਛਾ ਜ਼ਾਹਰ ਕੀਤੀ ਸੀ। ਸਰਕਾਰ ਨੇ 2022 ਤਕ ਸਾਰੇ ਮੀਟਰਾਂ ਨੂੰ ਬਦਲਣ ਦਾ ਟੀਚਾ ਰੱਖਿਆ ਹੈ।

File PhotoFile Photo

ਕੀ ਹੁੰਦੈ ਪ੍ਰੀਪੇਡ ਮੀਟਰ?
ਪ੍ਰੀ-ਪੇਡ, ਜਿਵੇਂ ਕਿ ਨਾਂ ਤੋਂ ਹੀ ਸਾਫ ਹੈ ਕਿ ਤੁਹਾਨੂੰ ਪੇਮੈਂਟ ਪਹਿਲਾਂ ਕਰਨੀ ਹੋਵੇਗੀ। ਜਿਵੇਂ ਪ੍ਰੀ-ਪੇਡ ਨੰਬਰ, ਡਿਸ਼ ਟੀ.ਵੀ. ਦਾ ਪਹਿਲਾਂ ਰੀਚਾਰਜ ਕਰਨਾ ਹੁੰਦਾ ਹੈ ਫਿਰ ਸਹੂਲਤ ਮਿਲਦੀ ਹੈ, ਠੀਕ ਉਸੇ ਤਰ੍ਹਾਂ ਹੀ ਹੁਣ ਹੋਵੇਗਾ।

File PhotoFile Photo

ਆਮ ਮੀਟਰ ਵਿਚ ਪਹਿਲਾਂ ਬਿਜਲੀ ਵਰਤੋਂ ਕਰਦੇ ਹਾਂ ਫਿਰ ਬਿੱਲ ਆਉਂਦਾ ਹੈ ਪਰ ਪ੍ਰੀ-ਪੇਡ 'ਚ ਪਹਿਲਾਂ ਰੀਚਾਰਜ ਕਰਨਾ ਹੋਵੇਗਾ ਫਿਰ ਬਿਜਲੀ ਵਰਤੋਂ ਕਰ ਸਕਾਂਗੇ। ਜ਼ਿਕਰਯੋਗ ਹੈ ਕਿ ਉੱਤਰ ਪ੍ਰਦੇਸ਼, ਦਿੱਲੀ (ਕਿਰਾਏਦਾਰਾਂ ਲਈ) ਵਿਚ ਪਹਿਲਾਂ ਤੋਂ ਪ੍ਰੀ-ਪੇਡ ਮੀਟਰ ਚੱਲ ਰਹੇ ਹਨ।  

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement