ਸਾਬਣ ਦੇ ਰੂਪ ਵਿਚ ਕੋਕੀਨ ਲਿਜ਼ਾਦਾ ਵਿਅਕਤੀ ਕਾਬੂ
ਮੁੰਬਈ - ਮਹਾਰਾਸ਼ਟਰ ਦੀ ਰਾਜਧਾਨੀ ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਰੈਵੇਨਿਊ ਇੰਟੈਲੀਜੈਂਸ ਵਿਭਾਗ (ਡੀ.ਆਰ.ਆਈ.) ਨੇ ਵੱਡੀ ਕਾਰਵਾਈ ਨੂੰ ਅੰਜਾਮ ਦਿੱਤਾ ਹੈ। ਡੀਆਰਆਈ ਅਧਿਕਾਰੀਆਂ ਨੇ ਮੁੰਬਈ ਹਵਾਈ ਅੱਡੇ 'ਤੇ ਆਦਿਸ ਆਬਬਾ ਤੋਂ ਆਏ ਭਾਰਤੀ ਯਾਤਰੀ ਤੋਂ 33.60 ਕਰੋੜ ਰੁਪਏ ਦੀ ਕੋਕੀਨ ਜ਼ਬਤ ਕੀਤੀ ਹੈ।
ਵਿਅਕਤੀ ਸਾਬਣ ਦੇ ਰੂਪ ਵਿਚ 3360 ਕਿਲੋ ਨਸ਼ੀਲਾ ਪਦਾਰਥ ਛੁਪਾ ਕੇ ਲਿਆਇਆ ਸੀ। ਡੀਆਰਆਈ ਅਧਿਕਾਰੀਆਂ ਨੂੰ ਇਸ ਯਾਤਰੀ 'ਤੇ ਸ਼ੱਕ ਸੀ। ਇਸ ਤੋਂ ਬਾਅਦ ਜਦੋਂ ਤਲਾਸ਼ੀ ਲਈ ਗਈ ਤਾਂ ਅਧਿਕਾਰੀਆਂ ਦੇ ਹੱਥ ਇੱਕ ਸਾਬਣ ਆ ਗਿਆ। ਸਾਬਣ ਦੀ ਤਲਾਸ਼ੀ ਲਈ ਗਈ ਤਾਂ ਸੱਚ ਸਾਹਮਣੇ ਆਇਆ। ਦਰਅਸਲ, ਤਲਾਸ਼ੀ ਦੌਰਾਨ ਅਧਿਕਾਰੀਆਂ ਨੂੰ ਇੱਕ ਖੋਖਲਾ ਸਾਬਣ ਮਿਲਿਆ। ਜਦੋਂ ਅਫਸਰਾਂ ਨੇ ਸਾਬਣ ਵਾਲਾ ਕਵਰ ਚੈੱਕ ਕੀਤਾ ਤਾਂ ਅਧਿਕਾਰੀਆਂ ਦੇ ਹੱਥਾਂ ’ਤੇ ਮੋਮ ਚਿਪਕਣ ਲੱਗਾ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਸਾਬਣ ਰਗੜਨਾ ਸ਼ੁਰੂ ਕਰ ਦਿੱਤਾ। ਮੋਮ ਨੂੰ ਰਗੜਨ ਤੋਂ ਬਾਅਦ, ਅੰਦਰ ਇੱਕ ਸਾਬਣ ਵਰਗਾ ਟੁਕੜਾ ਦਿਖਾਈ ਦਿੱਤਾ। ਪਰ ਇਹ ਸਾਬਣ ਨਹੀਂ ਸੀ।
ਇਹ ਵੀ ਪੜ੍ਹੋ - ਲੁਧਿਆਣਾ ਦੀ ਰਾੜਾ ਸਾਹਿਬ ਨਹਿਰ 'ਚ ਡਿੱਗੀ ਕਾਰ, ਲੋਕਾਂ ਨੇ ਪਾਣੀ 'ਚ ਡੁੱਬ ਰਹੀ ਔਰਤ ਤੇ ਵਿਅਕਤੀ ਨੂੰ ਬਚਾਇਆ
ਸਹੀ ਜਾਂਚ ਕਰਨ 'ਤੇ ਪਤਾ ਲੱਗਾ ਕਿ ਇਹ ਸਾਬਣ ਨਹੀਂ ਸਗੋਂ ਕੋਕੀਨ ਸੀ। ਕੋਕੀਨ ਦੇ ਇਸ ਸਟਾਕ ਦੀ ਜਾਂਚ ਕਰਨ 'ਤੇ ਇਹ 3360 ਗ੍ਰਾਮ ਕੋਕੀਨ ਨਿਕਲਿਆ। ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਇਸ ਦੀ ਕੀਮਤ 33 ਕਰੋੜ 60 ਲੱਖ ਰੁਪਏ ਦੱਸੀ ਗਈ ਹੈ। ਡੀਆਰਆਈ ਅਧਿਕਾਰੀਆਂ ਨੇ ਆਦਿਸ ਆਬਬਾ ਤੋਂ ਆਏ ਇਸ ਭਾਰਤੀ ਯਾਤਰੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
