ਲੰਗਰ ਲੈਂਦੇ ਭਿਖਾਰੀ ਨੇ ਚੁਪਚਾਪ 25 ਹਜ਼ਾਰ ਰੁਪਏ ਲੰਗਰ ਲਈ ਦਾਨ ਕੀਤੇ
ਨਾਗਪੁਰ : ਮਹਾਰਾਸ਼ਟਰ ਦੇ ਨਾਗਪੁਰ ਸ਼ਹਿਰ ਵਿਚ ਇਕ ਸਰਦਾਰ ਜੀ ਕੋਰੋਨਾ ਵਾਇਰਸ ਮਹਾਂਮਾਰੀ ਕਾਰਨ ਪੈਦਾ ਹੋਏ ਚਿੰਤਾਜਨਕ ਹਾਲਾਤ ਦੌਰਾਨ ਵੀ ਅਪਣੇ ਦੋ-ਪਹੀਆ ਵਾਹਨ ’ਤੇ ਗਲੀ-ਗਲੀ ਘੁੰਮ ਕੇ ਜ਼ਰੂਰਤਮੰਦ ਲੋਕਾਂ ਨੂੰ ਮੁਫ਼ਤ ਭੋਜਨ ਪ੍ਰਦਾਨ ਕਰ ਰਹੇ ਹਨ। ਪੇਸ਼ੇ ਤੋਂ ਜੋਤਸ਼ੀ 41 ਸਾਲਾ ਜਮਸ਼ੇਦ ਸਿੰਘ ਕਪੂਰ ਲੰਗਰ ਸੇਵਾ ਤਹਿਤ ਰੋਜ਼ਾਨਾ ਦੁਪਹਿਰ 3 ਵਜੇ ਤੋਂ ਬਾਅਦ 5 ਘੰਟੇ ਤਕ ਸੈਂਕੜੇ ਲੋਕਾਂ ਨੂੰ ‘ਦਾਲ ਖਿਚੜੀ’ ਵੰਡਦੇ ਹਨ।
corona virus
‘ਲੰਗਰ ਸੇਵਾ’ ਲਿਖੀ ਟੀ-ਸ਼ਰਟ ਪਾ ਕੇ ਕਪੂਰ ਨੂੰ ਸ਼ਹਿਰ ਦੀਆਂ ਵੱਖ-ਵੱਖ ਥਾਵਾਂ ’ਤੇ ਦਾਲ ਖਿਚੜੀ ਪਰੋਸਦੇ ਆਸਾਨੀ ਨਾਲ ਵੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਦੇ ਦੋ-ਪਹੀਆ ਵਾਹਨ ਤੋਂ ਭੋਜਨ ਸਮੱਗਰੀ ਨਾਲ ਭਰਿਆ ਡਰਮ ਬੰਨ੍ਹਿਆ ਰਹਿੰਦਾ ਹੈ। ਲੰਗਰ ਦਾ ਸ਼ਾਬਦਿਕ ਅਰਥ ਹੈ ਭਾਈਚਾਰਕ ਰਸੋਈ ਅਤੇ ਇਸ ਦੇ ਤਹਿਤ ਗੁਰਦੁਆਰਿਆਂ ਵਿਚ ਰੋਜ਼ਾਨਾ ਲੰਗਰ ਵਰਤਾਇਆ ਜਾਂਦਾ ਹੈ।
langar
ਕਪੂਰ ਨੇ ਅਪਣੀ ਪਹਿਲ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਹ ਨਾਗਪੁਰ ਵਿਚ 2013 ਤੋਂ ਲੰਗਰ ਸੇਵਾ ਚਲਾ ਰਹੇ ਹਨ। ਕਪੂਰ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਸਿਰਫ਼ ਕਮਜ਼ੋਰ ਅਤੇ ਗ਼ਰੀਬ ਲੋਕ ਲੰਗਰ ਲੈਂਦੇ ਸਨ ਪਰ ਮਹਾਂਮਾਰੀ ਅਤੇ ਪਾਬੰਦੀਆਂ ਦੇ ਚਲਦੇ ਛੋਟੇ ਰੈਸਟੋਰੈਂਟ ਬੰਦ ਹੋਣ ਕਾਰਨ ਹਰ ਤਰ੍ਹਾਂ ਦੇ ਲੋਕ ਇਸ ਸੇਵਾ ਦਾ ਲਾਭ ਲੈ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਲੋਕ ਉਨ੍ਹਾਂ ਨੂੰ ਦਾਲ ਅਤੇ ਚੌਲ ਦਾਨ ਕਰ ਕੇ ਸਹਿਯੋਗ ਦਿੰਦੇ ਹਨ, ਤਾਂ ਕਿ ਉਹ ਲੋੜਵੰਦਾਂ ਦੀ ਸੇਵਾ ਜਾਰੀ ਰੱਖਣ।
langar
