ਅਵਤਾਰ ਸਿੰਘ ਦੇ ਪਰਵਾਰ ਦੇ ਕਈ ਮੈਂਬਰ ਜ਼ਖ਼ਮੀ ਹੋਏ ਪਰ ਅਵਤਾਰ ਸਿੰਘ ਦੇ ਸਿਰ ’ਤੇ ਗਹਿਰੀ ਸੱਟ ਮਾਰੀ ਗਈ
Jammu News: ਆਕਲੈਂਡਵਿਚ ਸਟੇਸ਼ਨ ਰੋਡ, ਪਾਪਾਟੋਏਟੋਏ ਉਤੇ ਕਿਰਾਏ ਦੇ ਮਕਾਨ ਵਿਚ ਰਹਿੰਦੇ ਜੰਮੂ ਕਸ਼ਮੀਰ ਨਾਲ ਸਬੰਧਤ ਇਕ ਸਿੱਖ ਨੌਜਵਾਨ ਅਵਤਾਰ ਸਿੰਘ (35) ਦਾ ਜੰਮੂ ਦਾ ਇਕ ਜ਼ਮੀਨੀ ਝਗੜੇ ਦੌਰਾਨ ਕਤਲ ਕਰ ਦਿੱਤਾ ਗਿਆ।
ਇਸ ਪਰਵਾਰ ਦੇ 6-7 ਵਿਅਕਤੀ ਅਪਣੇ ਇਕ ਪਲਾਟ ਵਿਚ ਸਨ ਅਤੇ ਦੂਜੇ ਪਾਸਿਉਂ ਕਬਜ਼ਾ ਲੈਣ ਆਏ 60-70 ਲੋਕਾਂ ਨੇ ਉਨ੍ਹਾਂ ਉਤੇ ਜ਼ਮੀਨੀ ਝਗੜੇ ਦੇ ਚਲਦਿਆਂ ਹਮਲਾ ਕਰ ਦਿਤਾ। ਅਵਤਾਰ ਸਿੰਘ ਦੇ ਪਰਵਾਰ ਦੇ ਕਈ ਮੈਂਬਰ ਜ਼ਖ਼ਮੀ ਹੋਏ ਪਰ ਅਵਤਾਰ ਸਿੰਘ ਦੇ ਸਿਰ ’ਤੇ ਗਹਿਰੀ ਸੱਟ ਮਾਰੀ ਗਈ ਅਤੇ ਹਸਪਤਾਲ ਜਾ ਕੇ ਉਨ੍ਹਾਂ ਦੀ ਮੌਤ ਹੋ ਗਈ। ਘਟਨਾ ਕਲ ਸ਼ਾਮ ਦੀ ਹੈ।
ਸੱਟ ਲੱਗਣ ਉਪਰੰਤ ਲਹੂ ਲੁਹਾਨ ਹੋਏ ਉਹ ਵੀਡੀਉ ਲਾਈਵ ਕਰ ਕੇ ਸਾਰਾ ਕੱੁਝ ਦੱਸ ਵੀ ਰਹੇ ਸਨ ਪਰ ਜ਼ਖਮ ਐਨੇ ਡੂੰਘੇ ਹੋਣਗੇ ਕਿ ਜਾਨ ਲੈ ਗਏ। ਪੁਲਿਸ ਇਸ ਸਾਰੇ ਮਾਮਲੇ ਵਿਚ ਮੌਜੂਦ ਸੀ ਪਰ ਇਸ ਦੇ ਬਾਵਜੂਦ ਉਹ ਲੋਕ ਕਾਰਾ ਕਰ ਗਏ। ਕਤਲ ਦਾ ਕੇਸ ਹਮਲਾਵਰਾਂ ਉਤੇ ਦਰਜ ਕਰ ਲਿਆ ਗਿਆ ਹੈ।
ਇਹ ਪਰਵਾਰ ਇਥੇ ਬੀਤੇ 10 ਸਾਲ ਤੋਂ ਇਥੇ ਰਹਿ ਰਿਹਾ ਸੀ ਅਤੇ ਅਵਤਾਰ ਸਿੰਘ ਕਾਰ ਮਕੈਨਿਕ ਦਾ ਕੰਮ ਇਸ ਵੇਲੇ ਅਪਣੇ ਘਰ ਤੋਂ ਕਰ ਲੈਂਦੇ ਸਨ। ਉਹ ਅਪਣੇ ਪਿਛੇ ਅਪਣੀ ਪਤਨੀ, ਦੋ ਬੇਟੀਆਂ (12, 6) ਅਤੇ ਦੋ ਬੇਟੇ (2, 8 ਕੁ ਮਹੀਨੇ ਦਾ) ਛੱਡ ਗਏ ਹਨ।
