ਰਾਏਪੁਰ ਪੁਲਿਸ ਨੇ ਸ਼ਨੀਵਾਰ ਨੂੰ ਭਾਜਪਾ ਦੇ ਚਾਰ ਅਹੁਦਾਧਿਕਾਰੀਆਂ ਨੂੰ ਪਾਰਟੀ ਦਫ਼ਤਰ 'ਚ ਕਥੀਤ ਤੌਰ 'ਤੇ ਇਕ ਪੱਤਰਕਾਰ ਨਾਲ ਕੁੱਟ ਮਾਰ ਕਰਨ ਦੇ ਮਾਮਲੇ 'ਚ....
ਰਾਏਪੁਰ: ਰਾਏਪੁਰ ਪੁਲਿਸ ਨੇ ਸ਼ਨੀਵਾਰ ਨੂੰ ਭਾਜਪਾ ਦੇ ਚਾਰ ਅਹੁਦਾਧਿਕਾਰੀਆਂ ਨੂੰ ਪਾਰਟੀ ਦਫ਼ਤਰ 'ਚ ਕਥੀਤ ਤੌਰ 'ਤੇ ਇਕ ਪੱਤਰਕਾਰ ਨਾਲ ਕੁੱਟ ਮਾਰ ਕਰਨ ਦੇ ਮਾਮਲੇ 'ਚ ਗਿ੍ਰਫਤਾਰ ਕਰ ਲਿਆ ਹੈ। ਇਹ ਗਿ੍ਰਫਤਾਰੀ ਉਦੋਂ ਹੋਈ ਜਦੋਂ ਭਾਜਪਾ ਦੇ ਜਿਲ੍ਹਾ ਅਧਿਕਾਰੀ ਰਾਜੀਵ ਅੱਗਰਵਾਲ, ਸਥਾਨਕ ਨੇਤਾ ਫਤਹਿ ਵਿਆਸ, ਉਤਕਰਸ਼ ਤਿ੍ਰਵੇਦੀ ਅਤੇ ਡੀਨਾ ਡੋਗਰੇ ਦੇ ਖਿਲਾਫ ਮਾਮਲਾ ਦਰਜ ਹੋਇਆ।
ਪੱਤਰਕਾਰ ਨੇ ਭਾਜਪਾ ਦਫ਼ਤਰ 'ਚ ਚਾਰੇ ਮੁਲਜ਼ਮਾਂ ਦੀ ਗਿ੍ਰਫਤਾਰੀ ਲਈ ਵਿਰੋਧ ਪ੍ਰਦਰਸ਼ਨ ਕੀਤਾ। ਪੱਤਰਕਾਰ ਸੁਮਨ ਪੰਡਿਤ ਨੇ ਕਿਹਾ ਕਿ ਉਹ ਭਾਜਪਾ ਦੀ ਬੈਠਕ ਨੂੰ ਕਵਰ ਕਰਨ ਲਈ ਗਏ ਸਨ ਜਿਸ ਨੂੰ ਉਨ੍ਹਾਂ ਨੇ ਚੋਣ 'ਚ ਮਿਲੀ ਹਾਰ ਦੀ ਸਮੀਖਿਆ ਲਈ ਬੁਲਾਇਆ ਸੀ। ਪੰਡਿਤ ਨੇ ਕਿਹਾ ਕਿ ਬਹੁਤ ਸਾਰੇ ਸਥਾਨਕ ਨੇਤਾ ਅਤੇ ਰਾਏਪੁਰ ਭਾਜਪਾ ਪ੍ਰਧਾਨ ਸਹਿਤ ਹੋਰ ਉੱਥੇ ਮੌਜੂਦ ਸਨ।
ਦੂਜੇ ਪਾਸੇ ਪੰਡਿਤ ਨੇ ਕਿਹਾ ਕਿ ਮੈਂ ਉੱਥੇ ਬੈਠਕ ਕਵਰ ਕਰਨ ਗਿਆ ਸੀ ਅਤੇ ਅਚਾਨਕ ਭਾਜਪਾ ਦੇ ਕੁੱਝ ਨੇਤਾਵਾਂ ਨੇ ਦੂੱਜੇ ਨੇਤਾ ਦੇ ਨਾਲ ਮਾਰ ਕੁੱਟ ਸ਼ੁਰੂ ਕਰ ਦਿਤੀ ਜਿਨੂੰ ਮੈਂ ਅਪਣੇ ਮੋਬਾਇਲ ਫੋਨ 'ਚ ਰਿਕਾਰਡ ਕਰਨ ਲਗਾ। ਇਸ ਤੋਂ ਬਾਅਦ ਉਤਕਰਸ਼ ਤਰਿਵੇਦੀ ਅਤੇ ਰਾਏਪੁਰ ਪ੍ਰਧਾਨ ਰਾਜੀਵ ਅੱਗਰਵਾਲ ਨੇ ਮੇਰੇ ਤੇ ਹਮਲਾ ਕਰ ਦਿਤਾ ਅਤੇ ਮੇਰੀ ਨਾਲ ਕੁਟ ਮਾਰ ਕਰਨ ਲੱਗੇ। ਉਨ੍ਹਾਂ ਨੇ ਮੇਰਾ ਫੋਨ ਖੌਹ ਲਿਆ ਅਤੇ ਰਿਕਾਰਡਿੰਗ ਨੂੰ ਡਿਲੀਟ ਕਰ ਦਿਤੀ। ਉਨ੍ਹਾਂ ਨੇ ਮੈਨੂੰ 20 ਮਿੰਟ ਤੱਕ ਕਮਰੇ 'ਚ ਬੰਦ ਰੱਖਿਆ।
ਦੱਸ ਦਈਏ ਕਿ ਪੱਤਰਕਾਰ ਨੂੰ ਮਾਮੂਲੀ ਸੱਟਾਂ ਵਜੀਆਂ ਹਨ। ਉਹ ਸ਼ਨੀਵਾਰ ਨੂੰ ਦੂੱਜੇ ਪੱਤਰਕਾਰ ਦੇ ਨਾਲ ਭਾਜਪਾ ਦਫ਼ਤਰ ਦੇ ਅੰਦਰ ਧਰਨੇ 'ਤੇ ਬੈਠ ਗਏ। ਗਿ੍ਰਫਤਾਰੀ ਤੋਂ ਬਾਅਦ ਰਾਏਪੁਰ ਦੇ ਪੁਲਿਸ ਪ੍ਰਧਾਨ ਨੇ ਕਿਹਾ ਕਿ ਅਸੀਂ ਸੁਮਨ ਪੰਡਿਤ ਦੀ ਸ਼ਿਕਾਇਤ 'ਤੇ ਭਾਰਤੀ ਸਜਾ ਸੰਹਿਤਾ ਦੀ ਧਾਰਾ 342, 323, ਅਤੇ 504 ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਉੱਥੇ ਹੀ ਭਾਜਪਾ ਦੇ ਉੱਤਮ ਨੇਤਾ ਅਤੇ ਪਾਰਟੀ ਦੇ ਬੁਲਾਰੇ ਸਚਿਦਾਨੰਦ ਉਪਾਸਨੇ ਜੋ ਕਿ ਇਸ ਬੈਠਕ 'ਚ ਸ਼ਾਮਿਲ ਸਨ ਉਨ੍ਹਾਂ ਨੇ ਸਾਰੇ ਇਲਜ਼ਾਮਾਂ ਤੋਂ ਮਨ੍ਹਾਂ ਕਰ ਦਿਤਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਿਸੇ ਨੇ ਵੀ ਪੱਤਰਕਾਰ ਨੂੰ ਨਹੀਂ ਮਾਰਿਆ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਮੀਖਿਆ ਬੈਠਕ ਸੀ ਅਤੇ ਸਿਰਫ ਪਾਰਟੀ ਕਰਮਚਾਰੀਆਂ ਨੂੰ ਆਉਣ ਦੀ ਇਜਾਜ਼ਤ ਸੀ।
ਇਸ ਤੋਂ ਬਾਵਜੂਦ ਪੱਤਰਕਾਰ ਬੈਠਕ 'ਚ ਆ ਕੇ ਰਿਕਾਰਡਿੰਗ ਕਰ ਰਿਹਾ ਸੀ। ਕੁੱਝ ਕਰਮਚਾਰੀਆਂ ਨੇ ਇਸ ਦਾ ਵਿਰੋਧ ਕੀਤਾ ਅਤੇ ਉਸ ਨੂੰ ਰਿਕਾਰਡਿੰਗ ਨੂੰ ਡਿਲੀਟ ਕਰਨ ਨੂੰ ਕਿਹਾ। ਉਸ ਨਾਲ ਕੁੱਟ ਮਾਰ ਨਹੀਂ ਕੀਤੀ ਗਈ। ਇਹ ਇਕ ਛੋਟਾ ਜਿਹਾ ਮਸਲਾ ਸੀ ਇਸ ਦੇ ਬਾਵਜੂਦ ਸਾਡੇ ਜਿਲਾਧਿਕਾਰੀ 'ਤੇ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ।