ਉਹਨਾਂ ਦੇਸ਼ ਨੂੰ ਪ੍ਰੇਰਨਾ ਦਿੱਤੀ ਕਿ ਅਸੀਂ ਇਸ ਕੋਰੋਨਾ ਦੀ ਲੜਾਈ ਨੂੰ ਹਰਾ ਕੇ ਰੌਸ਼ਨੀ ਵੱਲ ਜਾਣਾ ਹੈ ਅਤੇ ਚਾਰੇ ਪਾਸੇ ਰੌਸ਼ਨੀ ਫੈਲਾਉਣੀ ਹੈ
ਨਵੀਂ ਦਿੱਲੀ- 21 ਦਿਨਾਂ ਦੇ ਲੌਕਡਾਊਨ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਕ ਵਾਰ ਫਿਰ ਦੇਸ਼ ਨੂੰ ਸੰਬੋਧਨ ਕੀਤਾ। ਦਰਅਸਲ ਵੀਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟਵੀਟ ਕੀਤਾ, ਜਿਸ ਵਿਚ ਉਹਨਾਂ ਨੇ ਲਿਖਿਆ, ‘ਕੱਲ ਸਵੇਰੇ 9 ਵਜੇ ਦੇਸ਼ਵਾਸੀਆਂ ਦੇ ਨਾਲ ਮੈਂ ਇਕ ਵੀਡੀਓ ਸੰਦੇਸ਼ ਸਾਂਝਾ ਕਰਾਂਗਾ’। ਅੱਜ ਪੀਐਮ ਮੋਦੀ ਨੇ ਕਿਹਾ ਕਿ ਦੇਸ਼ ਵਿਚ ਲੌਕਡਾਊਨ ਦਾ ਅੱਜ 9ਵਾਂ ਦਿਨ ਹੈ ਅਤੇ ਜਿਸ ਤਰ੍ਹਾਂ ਦੇਸ਼ ਦੇ ਲੋਕਾਂ ਨੇ ਇਸ ਲੌਕਡਾਊਨ ਦਾ ਪਾਲਣ ਕੀਤਾ ਅਤੇ ਦੇਸ਼ ਲਈ ਸੇਵਾ ਕੀਤੀ ਉਹ ਪ੍ਰਸ਼ੰਸ਼ਾ ਲਾਇਕ ਹੈ।
File photo
ਉਹਨਾਂ ਕਿਹਾ ਕਿ ਦੇਸ਼ ਦੇ ਲੋਕਾਂ ਨੇ 22 ਮਾਰਚ ਨੂੰ ਜੋ ਦੇਸ਼ ਵਿਚ ਸੇਵਾ ਕਰ ਰਹੇ ਹਨ ਉਹਨਾਂ ਨੂੰ ਤਾੜੀਆਂ ਵਜਾ ਕੇ ਸੰਬੋਧਨ ਕੀਤਾ ਸੀ ਉਹ ਵੀ ਇਕ ਮਿਸਾਲ ਪੇਸ਼ ਕਰਨ ਵਾਲੀ ਗੱਲ ਹੈ। ਪੀਐਮ ਮੋਦੀ ਨੇ ਕਿਹਾ ਕਿ ਭਾਰਤ ਨੇ ਜੋ ਤਾੜੀਆਂ ਵਜਾ ਕੇ ਦੇਸ਼ ਲਈ ਮਿਸਾਲ ਪੈਂਦਾ ਕੀਤੀ ਸੀ ਅੱਜ ਉਹੀ ਮਿਸਾਲ ਹੋਰ ਦੇਸ਼ ਵੀ ਪੈਦਾ ਕਰ ਰਹੇ ਹਨ। ਉਹਨਾਂ ਕਿਹਾ ਦੇਸ਼ ਦੇ ਲੋਕਾਂ ਨੇ ਇਹ ਸਾਬਿਤ ਕਰ ਦਿੱਤਾ ਹੈ ਕਿ ਉਹ ਇਸ ਕੋਰੋਨਾ ਦੀ ਜੰਗ ਨੂੰ ਜਿੱਤ ਸਕਦੇ ਹਨ।
File photo
ਉਹਨਾਂ ਕਿਹਾ ਕਿ ਦੇਸ਼ ਦੇ ਕਈ ਲੋਕਾਂ ਦੇ ਮਨ ਵਿਚ ਸਵਾਲ ਆਉਂਦੇ ਹੋਣਗੇ ਕਿ ਉਹ ਇਕੱਲੇ ਘਰਾਂ ਵਿਚ ਰਹਿ ਕੇ ਇਹ ਲੜਾਈ ਕਿਸ ਤਰ੍ਹਾਂ ਲੜ ਸਕਣਗੇ। ਮੋਦੀ ਨੇ ਕਿਹਾ ਕਿ ਦੇਸ਼ ਦੇ ਲੋਕ ਇਹ ਨਾ ਸੋਚਣ ਕਿ ਉਹ ਇਕੱਲੇ ਹਨ ਅਸੀਂ ਸਭ ਉਹਨਾਂ ਦੇ ਨਾਲ ਹਾਂ। ਉਹਨਾਂ ਕਿਹਾ ਕਿ 130 ਕਰੋੜ ਲੋਕਾਂ ਦੀ ਸ਼ਕਤੀ ਹਰ ਇਕ ਵਿਅਕਤੀ ਦੇ ਨਾਲ ਹੈ।
Corona Virus
ਉਹਨਾਂ ਦੇਸ਼ ਨੂੰ ਪ੍ਰੇਰਨਾ ਦਿੱਤੀ ਕਿ ਅਸੀਂ ਇਸ ਕੋਰੋਨਾ ਦੀ ਲੜਾਈ ਨੂੰ ਹਰਾ ਕੇ ਰੌਸ਼ਨੀ ਵੱਲ ਜਾਣਾ ਹੈ ਅਤੇ ਚਾਰੇ ਪਾਸੇ ਰੌਸ਼ਨੀ ਫੈਲਾਉਣੀ ਹੈ। ਇਸ ਲਈ ਉਹਨਾਂ ਨੇ ਕਿਹਾ ਕਿ ਇਸ ਐਤਵਾਰ 5 ਅ੍ਰਪੈਲ ਨੂੰ ਅਸੀਂ ਕੋਰੋਨਾ ਵਾਇਰਸ ਨੂੰ ਚੁਣੌਤੀ ਦੇਣੀ ਹੈ ਅਤੇ 5 ਅ੍ਰਪੈਲ ਦੇ ਦਿਨ ਰਾਤ ਨੂੰ 9 ਵਜੇ ਘਰ ਦੀਆਂ ਲਾਈਟਾਂ ਬੰਦ ਕਰ ਕੇ, ਘਰ ਦੇ ਦਰਵਾਜ਼ੇ 'ਤੇ ਮੋਮਬੱਤੀ, ਦੀਵਾ ਜਾਂ ਕੋਈ ਫਲੈਸ਼ ਲਾਈਟ ਜਗਾਉਣੀ ਹੈ। ਪੀਐਮ ਮੋਦੀ ਨੇ ਕਿਹਾ ਕਿ ਇਸ ਦਿਨ ਡਿਸਟੈਂਸਿੰਗ ਦੀ ਉਲੰਘਣਾ ਨਾ ਹੋਵੇ ਇਸ ਦਾ ਵੀ ਧਿਆਨ ਰੱਖਣਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
