ਹੁਣ ਸਾਰੇ ਬੋਰਡ ਜਿੱਥੇ NCERT ਦੀਆਂ ਕਿਤਾਬਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਇਸ ਨਵੇਂ ਨਿਯਮ ਦੀ ਪਾਲਣਾ ਕਰਨਗੇ।
ਨਵੀਂ ਦਿੱਲੀ : ਨੈਸ਼ਨਲ ਕੌਂਸਲ ਆਫ਼ ਐਜੂਕੇਸ਼ਨਲ ਰਿਸਰਚ ਐਂਡ ਟ੍ਰੇਨਿੰਗ, NCERT ਨੇ 12ਵੀਂ ਜਮਾਤ ਲਈ ਇਤਿਹਾਸ ਵਿਸ਼ੇ ਦੇ ਸਿਲੇਬਸ ਵਿੱਚ ਬਦਲਾਅ ਕੀਤਾ ਹੈ। ਇਸ ਤਹਿਤ ਸਿਲੇਬਸ ਵਿੱਚੋਂ ਕਈ ਚੈਪਟਰ ਹਟਾ ਦਿੱਤੇ ਗਏ ਹਨ। ਇਸ 'ਚ ਮੁੱਖ ਤੌਰ 'ਤੇ ਮੁਗਲ ਬਾਦਸ਼ਾਹ ਦੇ ਚੈਪਟਰ ਨੂੰ ਹਟਾ ਦਿੱਤਾ ਗਿਆ ਹੈ, ਯਾਨੀ ਹੁਣ ਵਿਦਿਆਰਥੀ ਮੁਗਲ ਸਾਮਰਾਜ ਦਾ ਇਤਿਹਾਸ ਨਹੀਂ ਪੜ੍ਹ ਸਕਣਗੇ।
ਇਸ ਸਿਲੇਬਸ ਦੇ ਅਨੁਸਾਰ, ਹੁਣ ਸਾਰੇ ਬੋਰਡ ਜਿੱਥੇ NCERT ਦੀਆਂ ਕਿਤਾਬਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਇਸ ਨਵੇਂ ਨਿਯਮ ਦੀ ਪਾਲਣਾ ਕਰਨਗੇ। ਮੁੱਖ ਤੌਰ 'ਤੇ ਸੀਬੀਐਸਈ ਬੋਰਡ ਦੇ ਸਿਲੇਬਸ ਵਿੱਚ ਬਦਲਾਅ ਹੋਵੇਗਾ। ਇਸ ਤੋਂ ਇਲਾਵਾ ਯੂਪੀ ਬੋਰਡ ਨੇ ਐਨਸੀਈਆਰਟੀ ਦੀਆਂ ਕਈ ਕਿਤਾਬਾਂ ਵੀ ਪੇਸ਼ ਕੀਤੀਆਂ ਹਨ, ਇਹ ਬਦਲਾਅ ਉੱਥੇ ਵੀ ਲਾਗੂ ਹੋਵੇਗਾ।
ਇਹ ਬਦਲਾਅ ਅਕਾਦਮਿਕ ਸੈਸ਼ਨ 2023-24 ਤੋਂ ਲਾਗੂ ਹੋਵੇਗਾ। ਅੱਪਡੇਟ ਕੀਤੇ ਪਾਠਕ੍ਰਮ ਦੇ ਅਨੁਸਾਰ, NCERT ਨੇ 'ਕਿੰਗਜ਼ ਐਂਡ ਕ੍ਰੋਨਿਕਲਜ਼; ਮੁਗਲ ਦਰਬਾਰ (ਸੀ. 16ਵੀਂ ਅਤੇ 17ਵੀਂ ਸਦੀ)' ਨੂੰ ਇਤਿਹਾਸ ਦੀ ਪੁਸਤਕ 'ਥੀਮਜ਼ ਆਫ਼ ਇੰਡੀਅਨ ਹਿਸਟਰੀ-ਭਾਗ-2' ਵਿੱਚੋਂ ਹਟਾ ਦਿੱਤਾ ਗਿਆ ਹੈ।
ਇਤਿਹਾਸ ਦੇ ਨਾਲ NCERT ਨੇ ਸਿਵਿਕਸ ਦੇ ਸਿਲੇਬਸ ਨੂੰ ਵੀ ਬਦਲਿਆ ਹੈ। 'ਵਰਲਡ ਪਾਲੀਟਿਕਸ ਵਿਚ ਅਮਰੀਕਨ ਹੇਜਮਨੀ' ਅਤੇ 'ਦਿ ਕੋਲਡ ਵਾਰ ਏਰਾ' ਵਰਗੇ ਚੈਪਟਰ ਹਟਾ ਦਿੱਤੇ ਗਏ ਹਨ। ਨਾਲ ਹੀ 'ਰਾਈਜ਼ ਆਫ਼ ਪਾਪੂਲਰ ਮੂਵਮੈਂਟਸ' ਅਤੇ 'ਏਰਾ ਆਫ਼ ਵਨ-ਪਾਰਟੀ ਡੌਮੀਨੈਂਸ' ਦੇ ਅਧਿਆਏ 12ਵੀਂ ਜਮਾਤ ਦੀ 'ਆਜ਼ਾਦੀ ਤੋਂ ਬਾਅਦ ਦੀ ਭਾਰਤੀ ਰਾਜਨੀਤੀ' ਪਾਠ ਪੁਸਤਕ ਵਿੱਚੋਂ ਹਟਾ ਦਿੱਤੇ ਗਏ ਹਨ।
12ਵੀਂ ਦੇ ਨਾਲ-ਨਾਲ NCERT ਨੇ 10ਵੀਂ ਅਤੇ 11ਵੀਂ ਦੀਆਂ ਕੁਝ ਕਿਤਾਬਾਂ ਵੀ ਹਟਾ ਦਿੱਤੀਆਂ ਹਨ। 11ਵੀਂ ਜਮਾਤ ਦੀ ਪਾਠ ਪੁਸਤਕ 'ਥੀਮਜ਼ ਇਨ ਵਰਲਡ ਹਿਸਟਰੀ' ਤੋਂ 'ਸੈਂਟਰਲ ਇਸਲਾਮਿਕ ਲੈਂਡਜ਼', 'ਕਲੈਸ਼ ਆਫ਼ ਕਲਚਰ' ਅਤੇ 'ਇੰਡਸਟ੍ਰੀਅਲ ਰੈਵੋਲਿਊਸ਼ਨ' ਵਰਗੇ ਚੈਪਟਰ ਹਟਾ ਦਿੱਤੇ ਗਏ ਹਨ।
ਇਸੇ ਤਰ੍ਹਾਂ 10ਵੀਂ ਜਮਾਤ ਦੀ ਪਾਠ ਪੁਸਤਕ 'ਡੈਮੋਕਰੇਟਿਕ ਪਾਲੀਟਿਕਸ-2' ਵਿੱਚੋਂ 'ਲੋਕਤੰਤਰ ਅਤੇ ਵਿਭਿੰਨਤਾ', 'ਪ੍ਰਸਿੱਧ ਸੰਘਰਸ਼ ਅਤੇ ਅੰਦੋਲਨ', 'ਲੋਕਤੰਤਰ ਦੀਆਂ ਚੁਣੌਤੀਆਂ' ਵਿਸ਼ੇ 'ਤੇ ਚੈਪਟਰ ਹਟਾ ਦਿੱਤੇ ਗਏ ਹਨ।
ਇਨ੍ਹਾਂ ਤਬਦੀਲੀਆਂ ਦੀ ਪੁਸ਼ਟੀ ਕਰਦਿਆਂ, ਉੱਤਰ ਪ੍ਰਦੇਸ਼ ਬੋਰਡ ਦੇ ਸਕੱਤਰ ਦਿਬਯਕਾਂਤ ਸ਼ੁਕਲਾ ਨੇ ਕਿਹਾ ਕਿ ਯੂਪੀ ਬੋਰਡ ਦੇ ਸਿਲੇਬਸ 2023-24 ਵਿੱਚ ਨਵੇਂ ਸਿਲੇਬਸ ਨੂੰ ਅਪਡੇਟ ਕੀਤਾ ਗਿਆ ਹੈ। ਇਸ ਨੂੰ ਜਲਦ ਹੀ ਅਧਿਕਾਰਤ ਵੈੱਬਸਾਈਟ 'ਤੇ ਹੀ ਉਪਲੱਬਧ ਕਰਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਬਾਜ਼ਾਰ ਵਿੱਚ ਨਵੇਂ ਸਿਲੇਬਸ ਵਾਲੀਆਂ ਕਿਤਾਬਾਂ ਉਪਲਬਧ ਕਰਵਾਈਆਂ ਗਈਆਂ ਹਨ।
