ਕਰੋਨਾ ਨਾਲ ਜੰਗ ਲੜ ਰਹੇ ਯੋਧਿਆਂ ਨੇ ਵੀ ਇਸ ਸਲਾਮੀਂ ਨੂੰ ਸਵੀਕਾਰ ਕੀਤਾ।
ਨਵੀਂ ਦਿੱਲੀ : ਦੇਸ਼ ਵਿਚ ਕਰੋਨਾ ਵਾਇਰਸ ਨੇ ਤਬਾਹੀ ਮਚਾ ਰੱਖੀ ਹੈ, ਜਿਸ ਤੋਂ ਬਾਅਦ ਇਸ ਮੁਸ਼ਕਿਲ ਸਮੇਂ ਵਿਚ ਵੀ ਪੁਲਿਸ, ਡਾਕਟਰ ਅਤੇ ਸਫਾਈ ਕਰਚਾਰੀ ਆਪਣੀ ਜਾਨ ਦੀ ਪ੍ਰਵਾਹ ਕੀਤੇ ਬਿਨਾ ਫਰੰਟ-ਲਾਈਨ ਤੇ ਆ ਕੇ ਕਰੋਨਾ ਨਾਲ ਲੜ ਰਹੇ ਹਨ। ਇਨ੍ਹਾਂ ਯੋਧਿਆ ਦੇ ਹੌਸਲਾ ਵਧਾਉਂਣ ਅਤੇ ਇਨ੍ਹਾਂ ਨੂੰ ਸਲਾਮੀ ਦੇਣ ਲਈ ਦੇਸ਼ ਦੀਆਂ ਤਿੰਨੋਂ ਸੈਨਾਵਾਂ ਨੇ ਅੱਜ ਹਸਪਤਾਲਾਂ ਤੇ ਫੁੱਲ ਵਰਸਾਏ ਹਨ।
photo
ਦੱਸ ਦੱਈਏ ਕਿ ਅੱਜ (ਐਤਵਾਰ) ਨੂੰ ਦੇਸ਼ ਦੀਆਂ ਤਿੰਨੋਂ ਸੈਨਾਵਾਂ (ਜਲ, ਵਾਯੂ ਅਤੇ ਹਵਾਈ ਸੈਨਾ) ਵੱਲੋਂ ਆਪਣੇ-ਆਪਣੇ ਤਰੀਕੇ ਨਾਲ ਇਨ੍ਹਾਂ ਯੋਧਿਆਂ ਨੂੰ ਸਲਾਮੀ ਦਿੱਤੀ ਹੈ। ਜਿਸ ਵਿਚ ਜੰਮੂ-ਕਸ਼ਮੀਰ ਤੋਂ ਲੈ ਕੇ ਕੰਨਿਆ ਕੁਮਾਰੀ ਤੱਕ ਅਤੇ ਪੱਛਮੀਂ ਰਾਜ ਮਹਾਂਰਾਸ਼ਟਰ ਤੋਂ ਲੈ ਕੇ ਬੰਗਾਲ ਦੀ ਖਾੜੀ ਤੱਕ ਸੈਨਾਵਾਂ ਨੇ ਇਨ੍ਹਾਂ ਕਰਮਚਾਰੀਆਂ ਦਾ ਧੰਨਵਾਦ ਕੀਤਾ ਹੈ। ਤਿੰਨ ਸੈਨਾਵਾਂ ਨੇ ਕੋਰੋਨਾ ਯੋਧਿਆਂ ਨੂੰ ਸਲਾਮ ਕਰਨ ਲਈ ਇਕ ਵਿਲੱਖਣ ਸ਼ੈਲੀ ਅਪਣਾਈ। ਏਅਰਫੋਰਸ ਨੇ ਦੇਸ਼ ਦੇ ਵੱਖ-ਵੱਖ ਜਗ੍ਹਾ ਫੁੱਲਾਂ ਦੀ ਵਰਖਾ ਕੀਤੀ ਅਤੇ ਡਾਕਟਰਾਂ, ਪੁਲਿਸ ਮੁਲਾਜ਼ਮਾਂ ਅਤੇ ਸੈਨਿਕਾਂ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਦੀ ਹੌਸਲਾ-ਅਫ਼ਜਾਈ ਵੀ ਕੀਤੀ।
Photo
ਜ਼ਿਕਰਯੋਗ ਹੈ ਕਿ ਸੀਨੀਅਰ ਭਾਰਤੀ ਜਲ ਸੈਨਾ ਅਧਿਕਾਰੀ ਨੇ ਮੁੰਬਈ ਦੇ ਕਸਤੂਰਬਾ ਗਾਂਧੀ ਹਸਪਤਾਲ ਦਾ ਦੌਰਾ ਕੀਤਾ ਅਤੇ ਸਿਹਤ ਕਰਮਚਾਰੀ ਦੀ ਅਟੱਲ ਵਚਨਬੱਧਤਾ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਜਦੋਂਕਿ ਭਾਰਤੀ ਜਲ ਸੈਨਾ ਦੇ ਚੇਤਕ ਹੈਲੀਕਾਪਟਰ ਨੇ ਵੀ ਕਸਤੂਰਬਾ ਗਾਂਧੀ ਹਸਪਤਾਲ, ਅਸਵਨੀ ਨੇਵਲ ਹਸਪਤਾਲ, ਕੋਲਾਬਾ ਦੇ ਫੁੱਲਾਂ ਦੀਆਂ ਪੱਤੀਆਂ ਦੀ ਵਰਖਾ ਨਾਲ ਉਡਾਣ ਭਰੀ। ਉਸੇ ਸਮੇਂ ਦਿੱਲੀ ਵਿਚ ਹਵਾਈ ਫੌਜ ਨੇ ਰਾਜਪਥ ਤੋਂ ਉਡਾਣ ਭਰੀ ਅਤੇ ਕਰੋਨਾ ਯੋਧਿਆਂ ਨੂੰ ਸਲਾਮੀਂ ਦਿੱਤੀ।
file
ਹਾਲਾਂਕਿ ਖਰਾਬ ਮੌਸਮ ਦੇ ਕਾਰਨ ਇਸ ਵਿਚ 45 ਮਿੰਟ ਦੀ ਦੇਰੀ ਹੋਈ। ਇਹ ਜਹਾਜ਼ ਅਤੇ ਹੈਲੀਕਪਟਰ ਫੁੱਲ ਬਿਖੇਰਦੇ ਹੋਏ ਇਸੇ ਤਰ੍ਹਾਂ ਦੇਸ਼ ਦੇ ਵੱਖ-ਵੱਖ ਪਿੰਡਾਂ ਅਤੇ ਸ਼ਹਿਰਾਂ ਵਿਚੋਂ ਗੁਜਰੇ। ਇਹ ਜਹਾਜ਼ ਜਿਸ ਵੀ ਇਲਾਕੇ ਵਿਚੋਂ ਗੁਜਰ ਰਹੇ ਸੀ ਉੱਥੇ ਲੋਕਾਂ ਵਿਚ ਉਤਸ਼ਾਹ ਅਤੇ ਰੋਮਾਂਚ ਦੇਖਣ ਨੂੰ ਮਿਲ ਰਿਹਾ ਸੀ। ਉਧਰ ਕਰੋਨਾ ਨਾਲ ਜੰਗ ਲੜ ਰਹੇ ਯੋਧਿਆਂ ਨੇ ਵੀ ਇਸ ਸਲਾਮੀਂ ਨੂੰ ਸਵੀਕਾਰ ਕੀਤਾ।
file
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
