ਭਾਰਤੀ ਤੇ ਚੀਨੀ ਫੌਜਾਂ ਵਿਚਾਲੇ ਪਿਛਲੇ ਕੁਝ ਸਮੇਂ ਤੋਂ ਚੱਲ ਰਹੇ ਤਣਾਅ ਬਾਰੇ ਹੁਣ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਬੂਲਿਆ ਹੈ
ਨਵੀਂ ਦਿੱਲੀ : ਭਾਰਤੀ ਤੇ ਚੀਨੀ ਫੌਜਾਂ ਵਿਚਾਲੇ ਪਿਛਲੇ ਕੁਝ ਸਮੇਂ ਤੋਂ ਚੱਲ ਰਹੇ ਤਣਾਅ ਬਾਰੇ ਹੁਣ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਬੂਲਿਆ ਹੈ ਕਿ ਪੂਰਬੀ ਲਦਾਖ ਵਿਚ ਚੀਨੀ ਦੀਆਂ ਫੌਜਾਂ ਕਾਫੀ ਵੱਡੀ ਗਿਣਤੀ ਵਿਚ ਆ ਗਈਆਂ ਹਨ। ਭਾਰਤ ਵੀ ਇਸ ਸਥਿਤੀ ਨਾਲ ਨਜਿੱਠਿਆ ਹੈ। ਇਸ ਸਬੰਧੀ ਸਾਰੇ ਜਰੂਰੀ ਕਦਮ ਚੁੱਕੇ ਗਏ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਭਾਰਤ ਤੇ ਚੀਨ ਦੇ ਸੀਨੀਅਰ ਸੈਨਿਕ ਅਧਿਕਾਰੀਆਂ ਨਾਲ ਬੈਠਕ 6 ਜੂਨ ਨੂੰ ਹੋਣ ਵਾਲੀ ਹੈ। ਰੱਖਿਆ ਮੰਤਰੀ ਨੇ ਭਰੋਸਾ ਦਿੱਤਾ ਹੈ ਕਿ ਭਾਰਤ ਆਪਣੀ ਸਥਿਤੀ ਤੋਂ ਪਿਛੇ ਨਹੀਂ ਹਟੇਗਾ।
rajnath singh
ਪੂਰਬੀ ਲੱਦਾਖ ਦੇ ਸੰਵੇਧਨਸ਼ੀਲ ਇਲਾਕਿਆਂ ਬਾਰੇ ਪੁੱਛਣ ਤੇ ਰਾਜਨਾਥ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਇਲਾਕਿਆਂ ਵਿਚ ਚੀਨੀ ਫੌਜ ਆਪਣੇ ਇਲਾਕੇ ਦਾ ਦਾਅਵਾ ਕਰਨ ਆਈ ਹੈ। ਉਧਰ ਇਨ੍ਹਾਂ ਖੇਤਰਾ ਦੇ ਬਾਰੇ ਭਾਰਤ ਦਾ ਕਹਿਣਾ ਹੈ ਕਿ ਉਹ ਅਸਲ ਕੰਟਰੋਲ ਰੇਖਾ ਦੇ ਭਾਰਤ ਦੇ ਪਾਸਿਓ ਹਨ। ਉੱਧਰ ਰਿਪੋਰਟ ਦੇ ਮੁਤਾਬਿਕ, ਚੀਨੀ ਸੈਨਿਕ ਭਾਰਤੀ ਪੱਖ ਦੇ ਗਲਵਾਨ ਘਾਟੀ ਤੇ ਪੈਨਗੋਂਗ ਤਸੋ ਖੇਤਰ ਵਿੱਚ ਐਲਏਸੀ ‘ਤੇ ਵੱਡੀ ਗਿਣਤੀ ਵਿੱਚ ਡੇਰਾ ਲਾ ਰਹੇ ਹਨ। ਰਾਜਨਾਥ ਸਿੰਘ ਨੇ ਕਿਹਾ, “ਡੋਕਲਾਮ ਵਿਵਾਦ ਕੂਟਨੀਤਕ ਤੇ ਸੈਨਿਕ ਗੱਲਬਾਤ ਰਾਹੀਂ ਹੱਲ ਕੀਤਾ ਗਿਆ ਸੀ।
China Army
ਅਸੀਂ ਅਜਿਹੀਆਂ ਸਥਿਤੀਆਂ ਲਈ ਪਿਛਲੇ ਸਮੇਂ ਵਿੱਚ ਵੀ ਇਸੇ ਤਰ੍ਹਾਂ ਦੇ ਹੱਲ ਲੱਭੇ ਹਨ। ਮੌਜੂਦਾ ਮੁੱਦੇ ਨੂੰ ਸੁਲਝਾਉਣ ਲਈ ਸੈਨਿਕ ਤੇ ਕੂਟਨੀਤਕ ਪੱਧਰ 'ਤੇ ਗੱਲਬਾਤ ਚੱਲ ਰਹੀ ਹੈ।“ ਪੇਅਰਗੋਗ ਦੇ ਇਲਾਕਿਆਂ ਦੇ ਆਸਪਾਸ ਫਿੰਗਰ ਖੇਤਰ ਵਿਚ ਸੜਕ ਨਿਰਮਾਣ ਤੋਂ ਇਲਾਵਾ ਗੈਲਵਾਨ ਘਾਟੀ ‘ਚ ਦਾਰਬੁਕ-ਸ਼ਯੋਕ-ਦੌਲਤ ਬੇਗ ਓਲਡੀ ਦੇ ਵਿਚਕਾਰ ਭਾਰਤ ਦੇ ਸੜਕ ਨਿਰਮਾਣ ਦੇ ਚੀਨ ਦੇ ਸਖ਼ਤ ਵਿਰੋਧ ਦੇ ਬਾਅਦ ਰੁਕਾਵਟ ਸ਼ੁਰੂ ਹੋਈ। ਚੀਨ ਫਿੰਗਰ ਖੇਤਰ ‘ਚ ਇੱਕ ਸੜਕ ਵੀ ਬਣਾ ਰਿਹਾ ਹੈ ਜੋ ਭਾਰਤ ਨੂੰ ਮਨਜ਼ੂਰ ਨਹੀਂ ਹੈ।
Rajnath Singh
ਦੱਸ ਦੱਈਏ ਕਿ ਭਾਰਤੀ ਸੂਤਰਾਂ ਦੇ ਅਨੁਸਾਰ ਕਿ ਭਾਰਤੀ ਸੈਨਾ ਦੇ ਚੀਨੀ ਸੈਨਾ ਦੇ ਹਮਲਾਵਰ ਇਸ਼ਾਰਿਆਂ ਵਿਚ ਆਪਣੀ ਸਥਿਤੀ ਨੂੰ ਮਜਬੂਤ ਕਰਨ ਲਈ ਸੈਨਾਂ, ਵਾਹਨਾਂ ਅਤੇ ਤੋਪਾਂ ਨੂੰ ਭੇਜਿਆ ਹੈ ਦੱਸ ਦਈਏ ਕਿ ਪੂਰਬੀ ਲੱਦਾਖ ਵਿਚ ਸਥਿਤੀ ਉਸ ਵੇਲੇ ਜਿਆਦਾ ਖਰਾਬ ਹੋ ਗਈ ਜਦੋਂ 5 ਮਈ ਨੂੰ ਭਾਰਤ ਅਤੇ ਚੀਨ ਦੇ ਤਕਰੀਬਨ 250 ਫੋਜੀਆਂ ਵਿਚਾਲੇ ਹਿੰਸਕ ਝੜਪ ਹੋ ਗਈ, ਜੋ ਕਿ ਅਗਲੇ ਦਿਨ ਵੀ ਜਾਰੀ ਰਹੀ। ਉਸ ਤੋਂ ਬਾਅਦ ਦੋਵੇਂ ਧਿਰਾਂ ਵੱਖ ਹੋ ਗਈਆਂ ਸਨ।
Indian Army
