Advertisement
  ਖ਼ਬਰਾਂ   ਰਾਸ਼ਟਰੀ  03 Jun 2020  ਸਵਾਈਨ ਫਲੂ ਦੀ ਦਵਾ ਨਾਲ ਹੋਵੇਗਾ ਕੋਰੋਨਾ ਦਾ ਇਲਾਜ, ਮਿਲ ਸਕਦੀ ਹੈ ਮਨਜ਼ੂਰੀ

ਸਵਾਈਨ ਫਲੂ ਦੀ ਦਵਾ ਨਾਲ ਹੋਵੇਗਾ ਕੋਰੋਨਾ ਦਾ ਇਲਾਜ, ਮਿਲ ਸਕਦੀ ਹੈ ਮਨਜ਼ੂਰੀ

ਏਜੰਸੀ
Published Jun 3, 2020, 12:04 pm IST
Updated Jun 3, 2020, 12:37 pm IST
ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵਧ ਰਹੇ ਹਨ ਪਰ ਰਾਹਤ ਦੀ ਗੱਲ ਇਹ ਹੈ ਕਿ ਮਰੀਜ਼ਾਂ ਦੀ ਠੀਕ ਹੋਣ ਦੀ ਗਿਣਤੀ ਵੀ ਵਧ ਰਹੀ ਹੈ।
Corona Virus
 Corona Virus

ਨਵੀਂ ਦਿੱਲੀ: ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵਧ ਰਹੇ ਹਨ ਪਰ ਰਾਹਤ ਦੀ ਗੱਲ ਇਹ ਹੈ ਕਿ ਮਰੀਜ਼ਾਂ ਦੀ ਠੀਕ ਹੋਣ ਦੀ ਗਿਣਤੀ ਵੀ ਵਧ ਰਹੀ ਹੈ। ਸਿਹਤ ਮੰਤਰਾਲੇ ਮੁਤਾਬਕ ਦੇਸ਼ ਵਿਚ ਕੋਰੋਨਾ ਦਾ ਰਿਕਵਰੀ ਰੇਟ 48.07 ਫੀਸਦੀ ਹੋ ਗਿਆ ਹੈ। ਕਾਰਨ ਇਹ ਹੈ ਕਿ ਇੱਥੇ ਡਾਕਟਰਾਂ ਨੇ ਕੁਝ ਅਜਿਹੀਆਂ ਦਵਾਈਆਂ ਦੇ ਕੰਬੀਨੇਸ਼ਨ ਦੀ ਇਜਾਜ਼ਤ ਦੇ ਦਿੱਤੀ ਹੈ, ਜਿਸ ਨਾਲ ਮਰੀਜ ਜਲਦੀ ਠੀਕ ਹੋ ਰਹੇ ਹਨ।

Corona VirusCorona Virus

ਹੁਣ ਇਕ ਹੋਰ ਦਵਾਈ ਨੂੰ ਕੋਰੋਨਾ ਮਰੀਜਾਂ ਦੇ ਇਲਾਜ ਲਈ ਭਾਰਤ ਵਿਚ ਮਨਜ਼ੂਰੀ ਮਿਲ ਸਕਦੀ ਹੈ। ਇੰਡੀਅਨ ਕਾਂਊਸਿਲ ਆਫ ਮੈਡੀਕਲ ਰਿਸਰਚ ਨੇ ਪਹਿਲਾਂ ਹਾਈਡ੍ਰੋਕਸਾਈਕਲੋਰੋਕਿਨ ਦੀ ਵਰਤੋਂ ਲਈ ਕਿਹਾ ਫਿਰ ਇਬੋਲਾ ਨੂੰ ਠੀਕ ਕਰਨ ਵਾਲੀ ਰੈਮਡੇਸਿਵਿਰ ਨੂੰ ਵੀ ਮਨਜ਼ੂਦੀ ਦੇ ਦਿੱਤੀ ਹੈ। ਹੁਣ ਹੋ ਸਕਦਾ ਹੈ ਕਿ ਆਈਸੀਐਮਆਰ ਇਕ ਹੋਰ ਦਵਾ ਨੂੰ ਮਨਜ਼ੂਰੀ ਦੇ ਸਕਦੀ ਹੈ।

Corona Virus Vaccine Corona Virus 

ਇਸ ਦਵਾ ਨੂੰ ਪੇਰਾਮਿਵਿਰ ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ। ਇਸ ਦਵਾਈ ਨੂੰ ਅਮਰੀਕੀ ਫੂ਼ਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ ਨੇ ਵੀ ਮਾਨਤਾ ਦਿੱਤੀ ਹੈ। ਇਸ ਦੀ ਵਰਤੋਂ ਨਾਲ ਸਵਾਈਨ ਫਲੂ ਅਤੇ ਉਸ ਦੇ ਵਰਗੀਆਂ ਬਿਮਾਰੀਆਂ ਦਾ ਇਲਾਜ ਕੀਤਾ ਜਾਂਦਾ ਹੈ।

Corona virus vaccine could be ready for september says scientist Corona virus 

ਇਸ ਐਂਟੀਵਾਇਰਲ ਦਵਾਈ ਦੀ ਵਰਤੋਂ ਸਿਰਫ ਐਮਰਜੈਂਸੀ ਵਿਚ ਕੀਤੀ ਜਾ ਸਕਦੀ ਹੈ, ਉਹ ਵੀ ਡਾਕਟਰਾਂ ਦੀ ਨਿਗਰਾਨੀ ਵਿਚ। ਇਸ ਦਵਾਈ ਨੂੰ ਅਮਰੀਕੀ ਕੰਪਨੀ ਬਾਇਓਕ੍ਰਿਸਟ ਫਾਰਮਾਸਿਊਟੀਕਲ ਨਾਮ ਦੀ ਕੰਪਨੀ ਬਣਾਉਂਦੀ ਹੈ। ਇਸ ਦਵਾਈ ਨੂੰ ਲੈ ਕੇ 2008 ਤੋਂ ਹੀ ਟ੍ਰਾਇਲ ਸ਼ੁਰੂ ਹੋਏ ਸੀ, ਜਿਸ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਦਸੰਬਰ 2014 ਵਿਚ ਮਾਨਤਾ ਮਿਲੀ ਹੈ।

Corona Virus Vaccine Corona Virus

ਇਹ ਇਕ ਬੇਹੱਦ ਅਸਰਦਾਰ ਐਂਟੀਵਾਇਰਲ ਦਵਾਈ ਹੈ, ਜਿਸ ਦੀ ਜ਼ਿਆਦਾਤਰ ਵਰਤੋਂ ਐਚ1ਐਨ1 ਇੰਫਲੂਐਂਜ਼ਾ ਯਾਨੀ ਸਵਾਈਨ ਫਲੂ ਰੋਕਣ ਲਈ ਕੀਤੀ ਗਈ ਸੀ। ਇਸ ਦਵਾਈ ਦੀ ਵਰਤੋਂ ਨਾਲ ਕੁੱਝ ਸਾਈਡ ਈਫੈਕਟ ਵੀ ਹੋ ਸਕਦੇ ਹਨ। ਜਿਵੇਂ -ਡਾਇਰਿਆ, ਸੀਰਮ ਗਲੂਕੋਸ ਦਾ ਵਧਣਾ, ਨੀਂਦ ਨਾ ਆਉਣਾ, ਕਬਜ਼, ਤਣਾਅ, ਰੈਸ਼ੇਸ ਆਦਿ। ਇਸ ਲਈ ਦੁਨੀਆ ਭਰ ਵਿਚ ਇਸ ਦਵਾਈ ਨੂੰ ਡਾਕਟਰਾਂ ਦੀ ਨਿਗਰਾਨੀ ਵਿਚ ਦਿੱਤਾ ਜਾਂਦਾ ਹੈ। 

Location: India, Delhi, New Delhi
Advertisement
Advertisement

 

Advertisement