ਚੰਡੀਗੜ੍ਹ- ਸੈਕਟਰ 30 ਵਿਚ 26 ਦਿਨ ਦੇ ਬਾਅਦ ਫਿਰ ਨਵਾਂ ਕੋਰੋਨਾ ਪਾਜ਼ੇਟਿਵ ਕੇਸ ਆਇਆ ਹੈ। ਇਸ ਸੈਕਟਰ ਦੀ 80 ਸਾਲਾ ਔਰਤ ਦੀ ਮੌਤ ਦੇ ਬਾਅਦ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਔਰਤ ਕਿਡਨੀ ਅਤੇ ਲਿਵਰ ਦੀ ਬੀਮਾਰੀ ਦਾ ਇਲਾਜ ਖਰੜ ਅਤੇ ਸੈਕਟਰ-16 ਦੇ ਸਰਕਾਰੀ ਹਸਪਤਾਲ ਤੋਂ ਕਰਵਾ ਰਹੀ ਸੀ। ਇਹ ਕੇਸ ਆਉਂਦੇ ਹੀ ਪੂਰੇ ਸ਼ਹਿਰ ਵਿਚ ਹੜਕੰਪ ਮੰਚ ਗਿਆ।
Corona Virus
ਇਸ ਨਾਲ ਸੱਭ ਤੋਂ ਵਧ ਝਟਕਾ ਸੈਕਟਰ-30ਬੀ ਦੇ ਰਹਿਣ ਵਾਲਿਆਂ ਨੂੰ ਲੱਗਾ ਹੈ, ਜੋ 28 ਦਿਨ ਬਾਅਦ ਵੀਰਵਾਰ ਨੂੰ ਕੰਟੇਨਮੈਂਟ ਜ਼ੋਨ ਤੋਂ ਆਜ਼ਾਦ ਹੋਣ ਦੀ ਉਡੀਕ ਕਰ ਰਹੇ ਸਨ। ਪਰ ਇਨ੍ਹਾਂ ਦੀ ਇਹ ਉਮੀਦ ਦੋ ਦਿਨ ਪਹਿਲਾਂ ਹੀ ਟੁੱਟ ਗਈ। ਇਸ ਸੈਕਟਰ ਦੇ ਲੋਕ ਢਾਈ ਮਹੀਨੇ ਤੋਂ ਕੰਟੇਨਮੈਂਟ ਜ਼ੋਨ ਵਿਚ ਹਨ। ਜਿਸ ਵਜ੍ਹਾ ਨਾਲ ਇਥੇ ਕਿਸੇ ਤਰ੍ਹਾਂ ਦੀ ਕੋਈ ਛੋਟ ਨਹੀਂ ਮਿਲ ਰਹੀ ਹੈ।
Corona Virus
ਕੇਵਲ ਜ਼ਰੂਰੀ ਸੇਵਾਵਾਂ ਹੀ ਉਪਲੱਬਧ ਕਰਵਾਈ ਜਾ ਰਹੀ ਹਨ। ਇਸ ਬਲਾਕ ਦੇ ਆਉਣ-ਜਾਣ ਵਾਲੇ ਸਾਰੇ ਰਸਤਿਆਂ ਤੇ ਪੁਲਿਸ ਅਤੇ ਸੀਆਰਪੀਐਫ ਤੈਨਾਤ ਹੈ। ਸੈਕਟਰ 30-29 ਦੇ ਡਿਵਾਇਡਿੰਗ ਰੋਡ ਨੂੰ ਵੀ ਵਨ-ਵੇ ਕੀਤਾ ਹੋਇਆ ਹੈ। ਬਲਾਕ ਦੇ ਚਾਰੇ ਪਾਸੇ ਬੱਲੀਆਂ ਲੱਗੀ ਹਨ। ਜਿਸ ਦੇ ਨਾਲ ਲੋਕ ਬਾਹਰ ਨਹੀਂ ਆ ਜਾ ਸਕਦੇ। ਮਹਿਲਾ ਦੀ ਮੌਤ ਦੇ ਬਾਅਦ ਚੰਡੀਗੜ੍ਹ ਵਿਚ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਪੰਜ ਹੋ ਗਈ ਹੈ ਜਦਕਿ ਕੁਲ ਪਾਜੇਟਿਵ ਕੇਸ 301 ਹੋ ਗਏ ਹਨ।
Corona Virus
ਮੰਗਲਵਾਰ ਰਾਤ ਤਕ ਇਸ ਦੇ ਹੋਰ ਵਧਣ ਦੀ ਪੂਰੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਇਸ ਦਾ ਕਾਰਨ ਇਹ ਵੀ ਹੈ ਕਿ ਬਹੁਤ ਸਾਰੇ ਸੈਂਪਲ ਅਜਿਹੇ ਹਨ, ਜਿਨ੍ਹਾਂ ਦੀ ਰਿਪੋਰਟ ਆਉਣੀ ਬਾਕੀ ਹੈ। ਔਰਤ ਦੇ ਪਰਵਾਰ ਨੂੰ ਕੀਤਾ ਇਕਾਂਤਵਾਸ- ਔਰਤ ਦੀ ਰਿਪੋਰਟ ਜਿਵੇਂ ਹੀ ਸੈਕਟਰ-16 ਦੇ ਸਰਕਾਰੀ ਹਸਪਤਾਲ ਵਿਚ ਪਾਜ਼ੇਟਿਵ ਆਈ। ਸਿਹਤ ਵਿਭਾਗ ਦੀ ਟੀਮ ਨੇ ਮਹਿਲਾ ਦੇ ਪਰਵਾਰ ਨੂੰ ਘਰ ਵਿਚ ਹੀ ਰੁਕਣ ਦੀ ਸਲਾਹ ਦਿਤੀ।
Corona Virusਇਸ ਤੋਂ ਬਾਅਦ ਟੀਮ ਨੇ ਸੈਕਟਰ-30 ਪਹੁੰਚ ਕੇ ਸਾਰਿਆਂ ਨੂੰ ਕਵਾਰੰਟਾਇਨ ਕੀਤਾ। ਗੁਆਂਢ ਨੂੰ ਵੀ ਸੁਚੇਤ ਰਹਿਣ ਦੀ ਸਲਾਹ ਦਿਤੀ ਗਈ। ਹੁਣ ਗੁਆਂਢ ਦੇ ਘਰਾਂ ਵਿਚ ਵੀ ਡਰ ਦਾ ਮਾਹੌਲ ਹੈ। ਹੁਣ ਸ਼ਹਿਰ 'ਚ ਤਿੰਨ ਕੰਟੇਨਮੈਂਟ ਜ਼ੋਨ : ਚੰਡੀਗੜ੍ਹ ਵਿਚ ਸੈਕਟਰ 30ਬੀ, ਸੈਕਟਰ 26 ਬਾਪੂਧਾਮ ਕਾਲੋਨੀ ਅਤੇ ਕੱਚੀ ਕਲੋਨੀ ਧਨਾਸ ਤਿੰਨ ਅਜਿਹੇ ਇਲਾਕੇ ਹਨ ਜੋ ਕੰਟੇਨਮੈਂਟ ਜੋਨ ਵਿਚ ਹਨ।
Corona Virus
ਜਦੋਂ ਕਿ ਸੈਕਟਰ 38, 52 ਅਤੇ ਮਨੀਮਾਜਰਾ ਸ਼ਾਸਤਰੀ ਨਗਰ ਕੋਰੋਨਾ ਨੂੰ ਮਾਤ ਦੇਕੇ ਕੰਟੇਨਮੈਂਟ ਜੋਨ ਤੋਂ ਬਾਹਰ ਆ ਚੁੱਕੇ ਹਨ। ਆਉਣ ਵਾਲੇ ਵੀਰਵਾਰ ਤੋਂ ਸੈਕਟਰ- 30ਬੀ ਵੀ ਕੰਟੇਨਮੈਂਟ ਜ਼ੋਨ ਦੀਆਂ ਪਾਬੰਦੀਆਂ ਤੋਂ ਆਜ਼ਾਦ ਹੋਣ ਵਾਲਾ ਸੀ। ਪਰ ਮਹਿਲਾ ਦੇ ਪਾਜ਼ੇਟਿਵ ਆਉਣ ਨਾਲ ਸਾਰੀ ਉਮੀਦਾਂ ਤੇ ਪਾਣੀ ਫਿਰ ਗਿਆ ਹੈ। ਹੁਣ ਇਸ ਏਰਿਆ ਦੇ ਲੋਕਾਂ ਵਿਚ ਜਬਰਦਸਤ ਰੋਸ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
