ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਸਮੇਤ ਦੇਸ਼ ਦੇ ਵੀਵੀਆਈਪੀ ਵਿਅਕਤੀ ਦੀ ਆਵਾਜਾਈ ਲਈ ਖਰੀਦੇ ਗਏ ਬੋਇੰਗ ਜਹਾਜ਼ ਹੁਣ ਲਗਭਗ ਤਿਆਰ ਹੋ ਗਏ ਹਨ।
ਨਵੀਂ ਦਿੱਲੀ: ਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਸਮੇਤ ਦੇਸ਼ ਦੇ ਵੀਵੀਆਈਪੀ ਵਿਅਕਤੀਆਂ ਦੀ ਆਵਾਜਾਈ ਲਈ ਖਰੀਦੇ ਗਏ ਬੋਇੰਗ ਜਹਾਜ਼ ਹੁਣ ਲਗਭਗ ਤਿਆਰ ਹੋ ਗਏ ਹਨ। ਸੋਸ਼ਲ ਮੀਡੀਆ 'ਤੇ ਭਾਰਤ ਲਈ ਏਅਰਫੋਰਸ ਵਨ ਦੀ ਤਸਵੀਰ ਸਾਹਮਣੇ ਆਈ ਹੈ।
Airplane
ਸਫੈਦ ਅਤੇ ਹਲਕੇ ਸਲੇਟੀ ਰੰਗ ਅਤੇ ਦੇਸ਼ ਦੇ ਰਾਸ਼ਟਰੀ ਪ੍ਰਤੀਕ ਦੇ ਨਾਲ ਨਵੇਂ ਜਹਾਜ਼ ਬੋਇੰਗ 777 ਈਆਰ ਉੱਤੇ ਹਿੰਦੀ ਅਤੇ ਭਾਰਤ ਵਿਚ ਅੰਗਰੇਜ਼ੀ ਵਿਚ ਇੰਡੀਆ ਲਿਖਿਆ ਗਿਆ ਹੈ। ਭਾਰਤ ਨੇ 2018 ਵਿਚ ਬੋਇੰਗ ਕੰਪਨੀ ਤੋਂ ਖਰੀਦੇ ਗਏ ਦੋ ਜਹਾਜ਼ਾਂ ਨੂੰ ਵੀਵੀਆਈਪੀ ਆਵਾਜਾਈ ਜਹਾਜ਼ ਵਿਚ ਬਦਲਣ ਦਾ ਫੈਸਲਾ ਕੀਤਾ ਸੀ।
Airplane
ਇਹਨਾਂ ਜਹਾਜ਼ਾਂ ਨੂੰ ਕੁਝ ਸਮਾਂ ਪਹਿਲਾਂ ਸੁਰੱਖਿਆ ਜ਼ਰੂਰਤਾਂ ਲਈ ਤਿਆਰ ਕਰਨ ਲਈ ਅਮਰੀਕਾ ਭੇਜਿਆ ਗਿਆ ਸੀ। ਸੋਸ਼ਲ ਮੀਡੀਆ 'ਤੇ ਆਈ ਤਸਵੀਰ ਬਾਰੇ ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਉਸ ਸਮੇਂ ਲਈ ਗਈ ਜਦੋਂ ਜਹਾਜ਼ ਕੈਲੀਫੋਰਨੀਆ ਸੈਨ ਬਰਨਾਰਡੀਨੋ ਤੋਂ ਟੈਕਸਾਸ ਵਿਚ ਫੋਰਟ ਵਰਥ ਦੇ ਰਾਸਤੇ 'ਤੇ ਸੀ।
Airplane
ਦੱਸਿਆ ਜਾਂਦਾ ਹੈ ਕਿ ਤਸਵੀਰ ਇਕ ਜਹਾਜ਼ ਫੋਟੋਗ੍ਰਾਫਰ ਵੱਲੋਂ ਨੇ ਲਈ ਹੈ। ਹਾਲਾਂਕਿ ਇਸ ਤਸਵੀਰ ਸਬੰਧੀ ਕੋਈ ਅਧਿਕਾਰਕ ਬਿਆਨ ਨਹੀਂ ਆਇਆ ਹੈ। ਸੁਰੱਖਿਆ ਕਾਰਨਾਂ ਕਰਕੇ ਇਹਨਾਂ ਜਹਾਜ਼ਾਂ ਬਾਰੇ ਵਧੇਰੇ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਜਾ ਰਹੀ ਹੈ।
Airplane
ਹਾਲਾਂਕਿ ਸੂਤਰ ਦੱਸਦੇ ਹਨ ਕਿ ਇਹ ਜਹਾਜ਼ ਭਾਰਤੀ ਵੀਵੀਆਈਪੀ ਦੀ ਸੁਰੱਖਿਆ ਲੋੜਾਂ ਅਨੁਸਾਰ ਸਾਰੀਆਂ ਆਧੁਨਿਕ ਸੰਚਾਰ ਤੇ ਸੁਰੱਖਿਆ ਤਕਨਾਲੋਜੀ ਨਾਲ ਲੈਸ ਹਨ। ਇਸ ਦੀ ਆਪਣੀ ਇਕ ਮਿਜ਼ਾਈਲ ਰੱਖਿਆ ਪ੍ਰਣਾਲੀ ਵੀ ਹੋਵੇਗੀ। ਖ਼ਾਸ ਗੱਲ ਇਹ ਹੈ ਕਿ ਏਅਰ ਇੰਡੀਆ ਦੇ ਦੋ ਬੋਇੰਗ 777 ਐਕਸਟੇਂਡੇਡ ਰੇਂਜ ਜਹਾਜ਼ ਨੂੰ ਵੀਵੀਆਈ ਪੀ ਟ੍ਰਾਂਸਪੋਰਟ ਲਈ ਦਿੱਤਾ ਗਿਆ ਹੈ।
Airplane
ਜ਼ਿਕਰਯੋਗ ਹੈ ਕਿ ਹੁਣ ਤੱਕ ਰਾਸ਼ਟਰਪਤੀ, ਉਪਰਾਸ਼ਟਰਪਤੀ ਅਤੇ ਪ੍ਰਧਾਨ ਮੰਤਰੀ ਦੀ ਵਿਦੇਸ਼ ਯਾਤਰਾ ਲਈ ਏਅਰ ਇੰਡੀਆ ਦੇ ਜਹਾਜ਼ਾਂ ਦੀ ਵਰਤੋਂ ਕੀਤੀ ਜਾਂਦੀ ਸੀ। ਬੋਇੰਗ-747 ਏਅਰਕ੍ਰਾਫਟ ਦੇ ਬੇੜੇ ਤੋਂ ਜਹਾਜ਼ ਨੂੰ ਲੋੜ ਅਨੁਸਾਰ ਵੀਵੀਆਈਪੀ ਯਾਤਰਾ ਲਈ ਤਿਆਰ ਕੀਤਾ ਗਿਆ ਸੀ।
