ਜੰਮੂ-ਕਸ਼ਮੀਰ ਵਿਚ ਭਾਰਤ ਸਰਕਾਰ ਦੁਆਰਾ ਰਮਜ਼ਾਨ ਦੌਰਾਨ ਕੀਤੀ ਗਈ ਗੋਲੀਬੰਦੀ ਦੌਰਾਨ ਅਤਿਵਾਦੀਟਾਂ ਦੇ ਹਮਲੇ ਵਧਦੇ ਜਾ ਰਹੇ ਹਨ...
ਨਵੀਂ ਦਿੱਲੀ : ਜੰਮੂ-ਕਸ਼ਮੀਰ ਵਿਚ ਭਾਰਤ ਸਰਕਾਰ ਦੁਆਰਾ ਰਮਜ਼ਾਨ ਦੌਰਾਨ ਕੀਤੀ ਗਈ ਗੋਲੀਬੰਦੀ ਦੌਰਾਨ ਅਤਿਵਾਦੀਟਾਂ ਦੇ ਹਮਲੇ ਵਧਦੇ ਜਾ ਰਹੇ ਹਨ। ਸ਼ੋਪੀਆਂ ਵਿਚ ਸੋਮਵਾਰ ਨੂੰ ਫਿਰ ਅਤਿਵਾਦੀਆਂ ਨੇ ਪੁਲਿਸ ਪਾਰਟੀ 'ਤੇ ਗ੍ਰਨੇਡ ਹਮਲਾ ਕੀਤਾ। ਇਹ ਹਮਲਾ ਬਾਟਾਪੋਰਾ ਚੌਂਕ 'ਤੇ ਹੋਇਆ। ਇਸ ਹਮਲੇ ਵਿਚ ਦੋ ਪੁਲਿਸ ਵਾਲਿਆਂ ਸਮੇਤ 10 ਨਾਗਰਿਕਾਂ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹੈ, ਜਿਨ੍ਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਦਸ ਦਈਏ ਕਿ ਪਿਛਲੇ ਚਾਰ ਦਿਨਾਂ ਵਿਚ ਦਸ ਥਾਵਾਂ 'ਤੇ ਅਤਿਵਾਦੀਆਂ ਨੇ ਗ੍ਰਨੇਡ ਨਾਲ ਹਮਲਾ ਕੀਤਾ ਹੈ।
Armyਪੁਲਿਸ ਅਨੁਸਾਰ ਅਤਿਵਾਦੀਆਂ ਨੇ ਸ਼ੋਪੀਆਂ ਸ਼ਹਿਰ ਸਥਿਤ ਪੁਲਿਸ ਥਾਣੇ ਨੂੰ ਨਿਸ਼ਾਨਾ ਬਣਾ ਕੇ ਗ੍ਰਨੇਡ ਸੁੱਟਿਆ ਪਰ ਗ੍ਰਨੇਡ ਅਪਣੇ ਨਿਸ਼ਾਨੇ ਤੋਂ ਚੂਕ ਗਿਆ ਅਤੇ ਸੜਕ ਕਿਨਾਰੇ ਫਟ ਗਿਆ, ਜਿਸ ਵਿਚ ਕਈ ਰਾਹਗੀਰ ਜ਼ਖ਼ਮੀ ਹੋ ਗਏ। ਇਕ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਜ਼ਖ਼ਮੀਆਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਹੈ। ਇਲਾਕੇ ਵਿਚ ਤਲਾਸ਼ੀ ਮੁਹਿੰਮ ਚਲਾਈ ਜਾ ਰਹੀ ਹੈ।
Armyਇਸ ਤੋਂ ਪਹਿਲਾਂ ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਹੰਸਰਾਜ ਅਹੀਰ ਨੇ ਕਿਹਾ ਕਿ ਪਾਕਿਸਤਾਨ ਅਪਣੀਆਂ ਹਰਕਤਾਂ ਤੋਂ ਬਾਜ਼ ਨਹੀਂ ਆਇਆ ਤਾਂ ਰਮਜ਼ਾਨ ਵਿਚ ਜੰਗਬੰਦੀ ਦੇ ਸਮਝੌਤੇ ਨੂੰ ਤੋੜਨ ਦੇ ਲਈ ਮਜਬੂਰ ਹੋ ਜਾਵਾਂਗੇ। ਪਿਛਲੇ ਮਹੀਨੇ ਸਰਕਾਰ ਨੇ ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਵਿਚ ਸਰਹੱਦ 'ਤੇ ਜੰਗਬੰਦੀ ਦਾ ਫ਼ੈਸਲਾ ਕੀਤਾ ਸੀ। ਹੰਸਰਾਜ ਅਹੀਰ ਨੇ ਇਹ ਵੀ ਕਿਹਾ ਕਿ ਭਾਰਤ ਅਜੇ ਵੀ ਪਹਿਲਾਂ ਹਮਲਾ ਨਾ ਕਰਨ ਦੀ ਨੀਤੀ 'ਤੇ ਕਾਇਮ ਹੈ।
Armyਦਸ ਦਈਏ ਕਿ ਦੋ ਜੂਨ ਨੂੰ ਅਤਿਵਾਦੀਆਂ ਨੇ ਸ੍ਰੀਨਗਰ ਵਿਚ ਬਟਾਸ ਚੌਕ 'ਤੇ ਸੀਆਰਪੀਐਫ ਪਾਰਟੀ ਹਮਲਾ ਕੀਤਾ ਸੀ। ਅਤਿਵਾਦੀਆਂ ਨੇ ਦਿਨ ਵਿਚ ਲੋਕਾਂ ਦੀ ਭੀੜ ਦੇ ਵਿਚਕਾਰ ਸੁਰੱਖਿਆ ਬਲ ਦੀ ਗੱਡੀ 'ਤੇ ਹਮਲਾ ਕੀਤਾ। ਉਥੇ ਪਾਕਿਸਤਾਨ ਦੀ ਗੋਲੀਬਾਰੀ ਵਿਚ ਸ਼ਹੀਦ ਹੋਏ ਬੀਐਸਐਫ ਕਾਂਸਟੇਬਲ ਵਿਜੈ ਪਾਂਡੇ ਦਾ ਉਨ੍ਹਾਂ ਦੇ ਗ੍ਰਹਿ ਜ਼ਿਲ੍ਹੇ ਉਤਰ ਪ੍ਰਦੇਸ਼ ਦੇ ਫਤਿਹਪੁਰ ਵਿਚ ਪੂਰੇ ਸਨਮਾਨ ਦੇ ਨਾਲ ਅੰਤਮ ਸਸਕਾਰ ਕੀਤਾ ਗਿਆ।
Armyਐਤਵਾਰ ਨੂੰ ਪਾਕਿ ਰੇਂਜਰਸ ਦੀ ਗੋਲੀਬਾਰੀ ਵਿਚ ਸ਼ਹੀਦ ਹੋਏ ਇਕ ਅਧਿਕਾਰੀ ਐਸਐਨ ਯਾਦਵ ਦਾ ਵੀ ਉਨ੍ਹਾਂ ਦੇ ਜੱਦੀ ਘਰ ਦੇਵਰੀਆ ਵਿਚ ਸੋਮਵਾਰ ਨੂੰ ਅੰਤਮ ਸਸਕਾਰ ਕੀਤਾ ਗਿਆ। ਇਕ ਹਫ਼ਤਾ ਪਹਿਲਾਂ ਹੀ ਦੋਹੇ ਦੇਸ਼ਾਂ ਦੀ ਡੀਜੀਐਮਓ ਪੱਧਰ ਦੀ ਵਾਰਤਾ ਵਿਚ ਗੋਲੀਬੰਦੀ 'ਤੇ ਸਹਿਮਤੀ ਬਣੀ ਸੀ। ਬਾਵਜੂਦ ਉਸ ਦੇ ਬਿਨਾਂ ਕਿਸੇ ਉਕਸਾਵੇ ਦੇ ਪਾਕਿ ਰੇਂਜਰਸ ਨੇ ਗੋਲੇ ਦਾਗ਼ੇ ਅਤੇ ਫਾਈਰਿੰਗ ਕੀਤੀ।
