ਹਰਿਆਣਾ ਸਰਕਾਰ ਨੇ ਸਕੂਲਾਂ ਵਿਚ 'ਸੁਪਰ ਬ੍ਰੇਨ' ਯੋਗ ਸ਼ੁਰੂ ਕਰਨ ਦੀ ਕੀਤਾ ਫ਼ੈਸਲਾ
ਭਿਵਾਨੀ : ਹਰਿਆਣਾ ਦੇ ਸਰਕਾਰੀ ਸਕੂਲਾਂ ਵਿਚ ਵਿਦਿਆਰਥੀ ਜਲਦੀ ਹੀ ਰੋਜ਼ਾਨਾ ਕੰਨ ਫੜ ਕੇ 14 ਵਾਰ ਊਠਕ-ਬੈਠਕ ਕਰਦੇ ਨਜ਼ਰ ਆ ਸਕਦੇ ਹਨ। ਹਰਿਆਣਾ ਸਿਖਿਆ ਬੋਰਡ ਨੇ ਅਜਿਹੀ ਸ਼ੁਰੂਆਤ ਕਰਨ ਦਾ ਫ਼ੈਸਲਾ ਕੀਤਾ ਹੈ।
Haryana schools students will do super brain yoga everyday
ਸਿੱਖਿਆ ਬੋਰਡ ਦੇ ਸਕੱਤਰ ਰਾਜੀਵ ਪ੍ਰਸਾਦ ਨੇ ਦਸਿਆ ਕਿ ਸੁਪਰ ਬ੍ਰੇਨ ਯੋਗ ਦੀ ਸ਼ੁਰੂਆਤ ਹਿੰਦੁਸਤਾਨ 'ਚ ਬਹੁਤ ਪਹਿਲਾਂ ਹੋਈ ਸੀ ਅਤੇ ਹੁਣ ਸਮਾਂ ਆ ਗਿਆ ਹੈ ਕਿ ਸਾਡੇ ਦੇਸ਼ ਦੀਆਂ ਪ੍ਰਾਚੀਨ ਰਿਵਾਇਤਾਂ ਨੂੰ ਇਕ ਵਾਰ ਫਿਰ ਤੋਂ ਲਿਆਂਦਾ ਜਾਵੇ। ਉਨ੍ਹਾਂ ਕਿਹਾ ਕਿ ਇਸ ਤਹਿਤ ਬੋਰਡ ਦੇ ਸਕੂਲ ਵਿਚ 'ਸੁਪਰ ਬ੍ਰੇਨ' (ਊਠਕ-ਬੈਠਕ) ਯੋਗ ਸ਼ੁਰੂ ਕਰਵਾਇਆ ਜਾ ਰਿਹਾ ਹੈ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਊਠਕ-ਬੈਠਕ ਨਾਲ ਦਿਮਾਗ ਤੇਜ਼ ਚਲਣ ਲੱਗਦਾ ਹੈ।
Haryana schools students will do super brain yoga everyday
ਬੋਰਡ ਨੇ ਕਿਹਾ ਕਿ ਇਸ ਦੀ ਸ਼ੁਰੂਆਤ ਹਰਿਆਣਾ ਸਿਖਿਆ ਬੋਰਡ ਦੇ ਡਾ. ਐਸ ਰਾਧਾਕ੍ਰਿਸ਼ਣਨ ਸਕੂਲ 'ਚ 4 ਜੁਲਾਈ ਤੋਂ ਕੀਤੀ ਗਈ ਹੈ। ਵੀਰਵਾਰ ਨੂੰ ਇਹ ਕਿਰਿਆ ਸਿਰਫ਼ ਅਧਿਆਪਕਾਂ ਨੇ ਹੀ ਕੀਤੀ। ਹੁਣ ਸਕੂਲ ਖੁਲ੍ਹਣ ਮਗਰੋਂ 8 ਜੁਲਾਈ ਨੂੰ ਸਕੂਲ ਦੇ ਬੱਚਿਆਂ ਨੂੰ ਯੋਗ ਅਤੇ ਊਠਕ-ਬੈਠਕ ਕਰਵਾਈ ਜਾਵੇਗੀ। ਬੋਰਡ ਪ੍ਰਸ਼ਾਸਨ ਦਾ ਦਾਅਵਾ ਹੈ ਕਿ ਵਿਗਿਆਨਕ ਤੌਰ 'ਤੇ ਸਾਬਤ ਹੋ ਚੁੱਕਾ ਹੈ ਕਿ ਸੁਪਰ ਬ੍ਰੇਨ ਯੋਗ ਯਾਨੀ ਕੰਨਾਂ ਨੂੰ ਫੜ ਕੇ ਊਠਕ-ਬੈਠਕ ਕਰਨ ਨਾਲ ਬੁੱਧੀ ਤੇਜ਼ ਹੁੰਦੀ ਹੈ। 14 ਵਾਰ ਊਠਕ-ਬੈਠਕ ਕਰਨ ਨਾਲ ਫ਼ਾਇਦਾ ਹੋਵੇਗਾ।
