ਲਾਸ਼ਾਂ ਨੂੰ ਮਲਬੇ 'ਚੋਂ ਬਾਹਰ ਕੱਢ ਲਿਆ ਗਿਆ ਹੈ ਅਤੇ ਮੁਰਦਾਘਰ 'ਚ ਰੱਖਵਾ ਦਿੱਤੀਆਂ ਗਈਆਂ ਹਨ
ਕੋਟਾ- ਰਾਜਸਥਾਨ 'ਚ ਮੀਂਹ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਅੱਜ ਇੱਥੋਂ ਦੇ ਬੂੰਦੀ ਜ਼ਿਲ੍ਹੇ 'ਚ ਭਾਰੀ ਮੀਂਹ ਕਾਰਨ ਇਕ ਘਰ ਦੀ ਕੰਧ ਢਹਿ ਗਈ ਅਤੇ ਇਕ ਹੀ ਪਰਿਵਾਰ ਦੇ 4 ਬੱਚਿਆਂ ਸਮੇਤ 7 ਮੈਂਬਰਾਂ ਦੀ ਮੌਤ ਹੋ ਗਈ। ਲਾਸ਼ਾਂ ਨੂੰ ਮਲਬੇ 'ਚੋਂ ਬਾਹਰ ਕੱਢ ਲਿਆ ਗਿਆ ਹੈ ਅਤੇ ਮੁਰਦਾਘਰ 'ਚ ਰੱਖਵਾ ਦਿੱਤੀਆਂ ਗਈਆਂ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਨਾਵ ਘਾਟ ਕੋਲ ਟਿੱਲੇ ਦੀ ਮਿੱਟੀ ਦੇ ਕਟਾਵ ਨੂੰ ਰੋਕਣ ਲਈ ਨਗਰਪਾਲਿਕਾ ਵਲੋਂ ਕੁਝ ਸਾਲ ਪਹਿਲਾਂ ਚੰਬਲ ਦੇ ਕਿਨਾਰੇ 'ਤੇ ਸੁਰੱਖਿਆ ਕੰਧ ਬਣਾਈ ਗਈ ਸੀ।
7 of a family including 4 kids die as house collapses due to rain
ਲਗਾਤਾਰ ਪੈ ਰਹੇ ਮੀਂਹ ਕਾਰਨ ਸੁਰੱਖਿਆ ਕੰਧ ਟੁੱਟ ਕੇ ਘਰ 'ਤੇ ਡਿੱਗ ਗਈ। ਘਟਨਾ ਬੁੱਧਵਾਰ ਦੁਪਹਿਰ 2.30 ਵਜੇ ਦੀ ਹੈ। ਨਾਵ ਘਾਟ ਨੇੜੇ ਰਹਿਣ ਵਾਲੇ 2 ਭਰਾਵਾਂ ਮਹਾਵੀਰ ਅਤੇ ਮਹੇਂਦਰ ਕੇਵਟ ਦਾ ਪਰਿਵਾਰ ਅਚਾਨਕ ਮਕਾਨ ਡਿੱਗਣ ਨਾਲ ਮਲਬੇ 'ਚ ਦੱਬ ਗਿਆ। ਹਾਦਸੇ 'ਚ ਮਹਾਵੀਰ ਦੀ ਪਤਨੀ ਮੀਰਾ (40), ਮਹਾਵੀਰ ਦੀ ਧੀ ਤਮੰਨਾ (9), ਸੁਖਲਾਲ ਦੇ ਪੁੱਤਰ ਮਹੇਂਦਰ (35), ਮਹੇਂਦਰ ਦੀ ਪਤਨੀ (32), ਮਹੇਂਦਰ ਦੀ ਧੀ ਦੀਪਿਕਾ (7), ਕਾਨਹਾ (5), ਮਹੇਂਦਰ ਦੇ ਪੁੱਤ ਖੁਸ਼ੀ (10) ਅਤੇ ਮਹੇਂਦਰ ਦੀ ਧੀ ਦੀ ਮੌਤ ਹੋ ਗਈ।
7 of a family including 4 kids die as house collapses due to rain
ਘਟਨਾ ਦੇ ਸਮੇਂ ਘਰ 'ਚ 8 ਲੋਕ ਮੌਜੂਦ ਸਨ। ਡਿੱਗਣ ਦੀ ਆਵਾਜ਼ ਸੁਣ ਕੇ ਮਹਾਵੀਰ ਤੁਰੰਤ ਘਰੋਂ ਬਾਹਰ ਆ ਗਿਆ। ਉਨ੍ਹਾਂ ਨੇ ਧੀ ਤਮੰਨਾ ਅਤੇ ਪਤਨੀ ਮੀਰਾ ਨੂੰ ਵੀ ਬਾਹਰ ਕੱਢਿਆ ਪਰ ਉਦੋਂ ਤੱਕ ਧੀ ਦੀ ਮੌਤ ਹੋ ਚੁੱਕੀ ਸੀ। ਹਾਲਾਂਕਿ ਉਨ੍ਹਾਂ ਦੀ ਪਤਨੀ ਨੂੰ ਕੋਟਾ ਐੱਮ.ਬੀ.ਐੱਸ. ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਇਲਾਜ ਦੌਰਾਨ ਉਸ ਨੇ ਵੀ ਦਮ ਤੜ ਦਿੱਤਾ। ਮਹਾਵੀਰ ਦਾ ਪੁੱਤ ਸੁਰੇਸ਼ ਆਪਣੇ ਨਾਨਾ-ਨਾਨੀ ਦੇ ਘਰ ਗਿਆ ਸੀ ਅਤੇ ਇਸ ਲਈ ਉਹ ਬਚ ਗਿਆ। ਪੁਲਿਸ ਡਿਪਟੀ ਸੁਪਰਡੈਂਟ ਨੀਤੀਰਾਜ ਸਿੰਘ ਨੇ ਕਿਹਾ ਕਿ ਬਚਾਅ ਮੁਹਿੰਮ ਜਾਰੀ ਹੈ।
