ਖਣਨ ਘਪਲੇ 'ਚ ਆਈਏਐਸ ਬੀ.ਚੰਦਰਕਲਾ ਦੇ ਘਰ ਸਮੇਤ 12 ਥਾਵਾਂ 'ਤੇ ਸੀਬੀਆਈ ਦੇ ਛਾਪੇ 
Published : Jan 5, 2019, 6:45 pm IST
Updated : Jan 5, 2019, 6:50 pm IST
SHARE ARTICLE
IAS Officer B Chandrakala
IAS Officer B Chandrakala

ਗ਼ੈਰ-ਕਾਨੂੰਨੀ ਖਣਨ ਨੂੰ ਲੈ ਕੇ ਮਿਲ ਰਹੀਆਂ ਸ਼ਿਕਾਇਤਾਂ ਅਤੇ ਪਟੀਸ਼ਨ ਦੇ ਸੁਣਵਾਈ ਕਰਦੇ ਹੋਏ ਹਾਈਕੋਰਟ ਨੇ 28 ਜੁਲਾਈ 2016 ਨੂੰ ਜਾਂਚ ਸੀਬੀਆਈ ਨੂੰ ਸੌਂਪ ਦਿਤੀ ਸੀ।

ਲਖਨਊ : ਸੀਬੀਆਈ ਨੇ ਆਈਏਐਸ ਬੀ. ਚੰਦਰਕਲਾ ਦੇ ਲਖਨਊ ਸਥਿਤ ਘਰ ਸਮੇਤ 12 ਥਾਵਾਂ 'ਤੇ ਛਾਪੇ ਮਾਰੇ। ਇਹ ਕਾਰਵਾਈ 2012 ਹਮੀਰਪੁਰ ਖਣਨ ਘਪਲੇ ਦੇ ਮਾਮਲੇ ਵਿਚ ਕੀਤੀ ਗਈ। ਖ਼ਬਰਾਂ ਮੁਤਾਬਕ ਸੀਬੀਆਈ ਇਸ ਮਾਮਲੇ ਵਿਚ ਅਖਿਲੇਸ਼ ਯਾਦਵ  ਤੋਂ ਵੀ ਪੁਛਗਿਛ ਕਰ ਸਕਦੀ ਹੈ। ਉਹ ਮੁੱਖ ਮੰਤਰੀ ਦੇ ਨਾਲ-ਨਾਲ 2012 ਤੋਂ 2013 ਤੱਕ ਖਣਨ ਮੰਤਰੀ ਵੀ ਰਹੇ ਸਨ। ਸੀਬੀਆਈ ਦਾ ਕਹਿਣਾ ਹੈ ਕਿ ਉਸ ਦੌਰਾਨ ਜੋ ਵੀ ਮੰਤਰੀ ਸਨ, ਉਹਨਾਂ ਦੀ ਭੂਮਿਕਾ ਦੀ ਜਾਂਚ ਕੀਤੀ ਜਾਵੇਗੀ।

CBICBI

ਚੰਦਰਕਲਾ ਦੇ ਘਰ ਤੋਂ ਇਲਾਵਾ ਸੀਬੀਆਈ ਨੇ ਲਖਨਊ ਨੋਇਡਾ, ਹਮੀਰਪੁਰ, ਜਾਲੌਨ ਅਤੇ ਕਾਨਪੁਰ ਵਿਚ ਬਸਪਾ ਅਤੇ ਸਪਾ ਨੇਤਾਵਾਂ ਦੇ ਘਰ ਵੀ ਛਾਪੇ ਮਾਰੇ ਗਏ। ਹਮੀਰਪੁਰ ਵਿਚ ਬਸਪਾ ਨੇਤਾ ਸਤਿਆ ਦੇਵ ਦੀਕਸ਼ਿਤ, ਸਪਾ ਐਮਐਲਸੀ ਰਮੇਸ਼ ਮਿਸ਼ਰਾ,ਜਾਲੌਨ ਵਿਚ ਬਸਪਾ ਨੇਤਾ ਰਾਮ ਅਵਤਾਰ ਰਾਜਪੂਰ ਅਤੇ ਕਰਨ ਸਿੰਘ ਰਾਜਪੂਤ ਦੇ ਘਰਾਂ 'ਤੇ ਇਸੇ ਮਾਮਲੇ ਵਿਚ ਕਾਰਵਾਈ ਕੀਤੀ ਗਈ। ਅਖਿਲੇਸ਼ ਸਰਕਾਰ ਵਿਚ 2008 ਬੈਚ ਦੀ ਆਈਏਐਸ ਬੀ.ਚੰਦਰਕਲਾ ਦੀ ਪਹਿਲੀ ਪੋਸਟਿੰਗ ਹਮੀਰਪੁਰ ਵਿਖੇ ਜ਼ਿਲ੍ਹਾ ਅਧਿਕਾਰੀ ਦੇ ਅਹੁਦੇ 'ਤੇ ਕੀਤੀ ਗਈ ਸੀ।

illegal miningillegal mining

ਦੋਸ਼ ਹੈ ਕਿ 2012 ਵਿਚ ਉਹਨਾਂ ਨੇ ਨਿਯਮਾਂ ਨੂੰ ਅਣਗੌਲਿਆ ਕਰਦੇ ਹੋਏ ਸਪਾ ਨੇਤਾਵਾਂ ਨੂੰ ਖਣਨ ਦੇ 60 ਪੱਟੇ ਜਾਰੀ ਕੀਤੇ, ਜਦਕਿ ਈ-ਟੇਂਡਰ ਰਾਹੀਂ ਇਸ ਨੂੰ ਪ੍ਰਵਾਨਗੀ ਦੇਣ ਦਾ ਪ੍ਰਬੰਧ ਹੈ। ਲਖਨਊ ਵਿਚ ਯੋਜਨਾ ਭਵਨ ਦੇ ਨੇੜੇ ਸਥਿਤ ਸਫਾਇਰ ਅਪਾਰਟਮੈਂਟ ਵਿਚ ਚੰਦਰਕਲਾ ਦੇ ਫਲੈਟ ਨੰਬਰ 101 ਵਿਖੇ ਸੀਬੀਆਈ ਨੇ ਛਾਪਾ ਮਾਰਿਆ। ਉਸ ਵੇਲ੍ਹੇ ਚੰਦਰਕਲਾ ਫਲੈਟ ਵਿਚ ਨਹੀਂ ਸੀ। ਟੀਮ ਨੇ ਇਥੋਂ ਮਹੱਤਵਪੂਰਨ ਦਸਤਾਵੇਜ਼ ਜ਼ਬਤ ਕੀਤੇ। ਸੀਬੀਆਈ ਮੁਤਾਬਕ ਇਸ ਮਾਮਲੇ ਵਿਚ ਆਦਿਲ ਖਾਨ, ਉਸ ਵੇਲ੍ਹੇ ਦੇ ਅਧਿਕਾਰੀ ਮੋਇਨੂਦੀਨ,

Akhilesh Yadav Akhilesh Yadav

ਸਪਾ ਐਮਐਲਸੀ ਰਮੇਸ਼ ਮਿਸ਼ਰਾ ਅਤੇ ਉਹਨਾਂ ਦੇ ਭਰਾ ਰਮੇਸ਼ ਮਿਸ਼ਰਾ, ਖਣਨ ਕਲਰਕ ਰਾਮ ਆਸ਼ਰਿਆ ਪ੍ਰਜਾਪਤੀ, ਅੰਬਿਕਾ ਤਿਵਾੜੀ, ਖਣਨ ਕਲਰਕ ਰਾਮ ਅਵਤਾਰ ਸਿੰਘ ਅਤੇ ਉਹਨਾਂ ਦੇ ਰਿਸ਼ਤੇਦਾਰ ਸੰਜੇ ਦੀਕਸ਼ਿਤ ਦੋਸ਼ੀ ਹਨ। ਸਾਲ 2015 ਵਿਚ ਗ਼ੈਰ-ਕਾਨੂੰਨੀ ਖਣਨ 'ਤੇ ਕਾਰਵਾਈ ਦੀ ਮੰਗ ਲਈ ਇਲਾਹਾਬਾਦ ਹਾਈਕੋਰਟ ਵਿਚ ਇਕ ਪਟੀਸਨ ਦਾਖਲ ਕੀਤੀ ਗਈ ਸੀ।

Allahabad High Court Allahabad High Court

ਹਾਈਕੋਰਟ ਨੇ 16 ਅਕਤੂਬਰ 2015 ਨੂੰ ਹਮੀਰਪੁਰ ਵਿਚ ਜਾਰੀ ਕੀਤੇ ਗਏ ਸਾਰੇ 60 ਮੌਰੰਗ ਖਣਨ ਦੇ ਪੱਟਿਆਂ ਨੂੰ ਗ਼ੈਰ-ਕਾਨੂੰਨੀ ਐਲਾਨ ਕਰਦੇ ਹੋਏ ਰੱਦ ਕਰ ਦਿਤਾ ਸੀ। ਗ਼ੈਰ-ਕਾਨੂੰਨੀ ਖਣਨ ਨੂੰ ਲੈ ਕੇ ਮਿਲ ਰਹੀਆਂ ਸ਼ਿਕਾਇਤਾਂ ਅਤੇ ਪਟੀਸ਼ਨ ਦੇ ਸੁਣਵਾਈ ਕਰਦੇ ਹੋਏ ਹਾਈਕੋਰਟ ਨੇ 28 ਜੁਲਾਈ 2016 ਨੂੰ ਜਾਂਚ ਸੀਬੀਆਈ ਨੂੰ ਸੌਂਪ ਦਿਤੀ ਸੀ।
 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement