ਕੋਲਕਾਤਾ ਪੁਲਿਸ ਕਮਿਸ਼ਨਰ ਰਾਜੀਵ ਕੁਮਾਰ ਨੂੰ ਲੈ ਕੇ ਦਿਤੇ ਗਏ ਸੁਪ੍ਰੀਮ ਕੋਰਟ ਦੇ ਆਦੇਸ਼ 'ਤੇ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬਨਰਜੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ...
ਨਵੀਂ ਦਿੱਲੀ: ਕੋਲਕਾਤਾ ਪੁਲਿਸ ਕਮਿਸ਼ਨਰ ਰਾਜੀਵ ਕੁਮਾਰ ਨੂੰ ਲੈ ਕੇ ਦਿਤੇ ਗਏ ਸੁਪ੍ਰੀਮ ਕੋਰਟ ਦੇ ਆਦੇਸ਼ 'ਤੇ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬਨਰਜੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਹ ਸਾਡੀ ਨੈਤਿਕ ਜਿੱਤ ਹੈ। ਐਤਵਾਰ ਤੋਂ ਧਰਨੇ 'ਤੇ ਬੈਠੀ ਮਮਤਾ ਬੈਨਰਜੀ ਨੇ ਕਿਹਾ ਕਿ ਅਦਾਲਤ ਅਤੇ ਸਾਰੇ ਸੰਸਥਾਨਾਂ ਦੇ ਪ੍ਰਤੀ ਸਾਡਾ ਸਨਮਾਨ ਹੈ।
ਅਸੀ ਬਹੁਤ ਅਹਿਸਾਨਮੰਦ ਹਾਂ। ਮਮਤਾ ਬੈਨਰਜੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਸਾਡੇ ਲੋਕਾਂ ਨੂੰ ਬਹੁਤ ਤੰਗ ਕਰਦੀ ਹੈ। ਮੇਰਾ ਦਿਲ ਬਹੁਤ ਰੋ ਰਿਹਾ ਸੀ। ਕੋਲਕਾਤਾ ਪੁਲਿਸ ਕਮਿਸ਼ਨਰ ਨੂੰ ਜਾਂਚ 'ਚ ਸਹਿਯੋਗ ਕਰਨ ਨੂੰ ਲੈ ਕੇ ਦਿਤੇ ਗਏ ਸੁਪ੍ਰੀਮ ਕੋਰਟ ਦੇ ਨਿਰਦੇਸ਼ 'ਤੇ ਮਮਤਾ ਬੈਨਰਜੀ ਨੇ ਕਿਹਾ ਕਿ ਰਾਜੀਵ ਕੁਮਾਰ ਨੇ ਕਦੇ ਨਹੀਂ ਕਿਹਾ ਕਿ ਉਹ ਮੌਜੂਦ ਨਹੀਂ ਰਹਾਂਗੇ। ਰਾਜੀਵ ਕੁਮਾਰ ਨੇ ਕਿਹਾ ਹੈ ਕਿ ਜੇਕਰ ਕੋਈ ਸਪਸ਼ਟੀਕਰਨ ਚਾਹੀਦਾ ਹੈ ਤਾਂ ਫਿਰ ਅਸੀ ਕਿਸੇ ਆਪਸੀ ਸਹਿਮਤੀ ਵਾਲੀ ਥਾਂ ਮਿਲ ਸੱਕਦੇ ਹਾਂ ਅਤੇ ਬੈਠ ਸਕਦੇ ਹਾਂ।
ਇਸ ਤੋਂ ਇਲਾਵਾ ਮਮਤਾ ਬੈਨਰਜੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਸੂਬਾ ਸਰਕਾਰ ਦੇ ਕੰਮ ਵਿਚ ਦਖਲ ਦੇ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਹਾਲਾਤ 'ਤੇ ਮੇਰਾ ਦਿਲ ਰੋ ਰਿਹਾ ਹੈ। ਉਥੇ ਹੀ, ਅੱਗੇ ਧਰਨਾ ਜਾਰੀ ਰਹੇਗਾ, ਇਸ ਸਵਾਲ 'ਤੇ ਮਮਤਾ ਬੈਨਰਜੀ ਨੇ ਕਿਹਾ ਕਿ ਅਸੀ ਇਸ ਨੂੰ ਲੈ ਕੇ ਅਪਣੇ ਨੇਤਾਵਾਂ ਨਾਲ ਗੱਲ ਕਰਾਂਗੇ। ਜਿਨ੍ਹਾਂ ਨੇ ਸਾਡਾ ਸਮਰਥਨ ਕੀਤਾ, ਅਸੀ ਉਨ੍ਹਾਂ ਨਾਲ ਗੱਲ ਕਰ ਕੇ ਤੁਹਾਨੂੰ ਦੱਸਾਂਗੇ।
ਕੋਈ ਵੀ ਕੰਮ ਜਲਦਬਾਜੀ 'ਚ ਨਹੀਂ ਕਰਾਂਗੇ। ਮਮਤਾ ਬੈਨਰਜੀ ਨੇ ਕੇਂਦਰ ਸਰਕਾਰ 'ਤੇ ਇਲਜ਼ਾਮ ਲਗਾਇਆ ਕਿ ਉਹ ਰਾਜ ਅਤੇ ਕੇਂਦਰ ਦੀ ਫੋਰਸ ਦੀ ਵੰਡ ਕਰ ਰਹੀ ਹੈ। ਮੈਂ ਕਿਸੇ ਵੀ ਏਜੰਸੀ ਦੇ ਖਿਲਾਫ ਨਹੀਂ ਹਾਂ। ਕੇਂਦਰੀ ਮੰਤਰੀ ਅਰੁਣ ਜੇਟਲੀ ਨੇ ਕੇਂਦਰ ਸਰਕਾਰ ਦੇ ਖਿਲਾਫ ਧਰਨੇ 'ਤੇ ਬੈਠੀ ਪੱਛਮ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦਾ ਸਮਰਥਨ ਕਰਨ 'ਤੇ ਵਿਰੋਧੀ ਪੱਖ ਦੀ ਆਲੋਚਨਾ ਕਰਦੇ ਹੋਏ ਉਨ੍ਹਾਂ ਨੂੰ ਕਲੈਪਟੋਕਰੈਟਸ ਕਲੱਬ ਦੀ ਸੰਗਿਆ ਦਿੱਤੀ ਹੈ।
ਜੇਟਲੀ ਨੇ ਮੰਗਲਵਾਰ ਨੂੰ ਇਕ ਬਲਾਗ ਵਿਚ ਬੈਨਰਜੀ 'ਤੇ ਹਮਲਾ ਕਰਦੇ ਹੋਏ ਉਨ੍ਹਾਂ ਦੇ ਕਦਮ ਨੂੰ ਲੋੜ ਤੋਂ ਜਿਆਦਾ ਪ੍ਰਤੀਕਿਰਆ ਦੱਸਿਆ ਜਿਸ ਦੇ ਨਾਲ ਉਹ ਅਪਣੇ ਆਪ ਨੂੰ ਵਿਰੋਧੀ ਦਲਾਂ ਦੇ ਕੇਂਦਰ 'ਚ ਸਥਾਪਤ ਕਰ ਸਕਨ। ਉਨ੍ਹਾਂ ਨੇ ਕਿਹਾ ਕਿ ਸੀਬੀਆਈ ਦੇ ਕੋਲਕਾਤਾ ਪੁਲਿਸ ਮੁੱਖ ਨਾਲ ਪੁੱਛਗਿਛ ਕਰਨ ਦੀ ਕੋਸ਼ਿਸ਼ 'ਤੇ ਉਨ੍ਹਾਂ ਦੀ ਲੋੜ ਤੋਂ ਜਿਆਦਾ ਪ੍ਰਤੀਕਿਰਆ ਨੇ ਕਈ ਮੁੱਦੇ ਖੜੇ ਕਰ ਦਿਤੇ ਹਨ। ਸੱਭ ਤੋਂ ਮਹਤਵਪੂਰਣ ਗੱਲ ਇਹ ਹੈ ਕਿ ਇਕ ਕਲੈਪਟੋਕਰੈਟਸ ਕਲੱਬ ਹੁਣ ਭਾਰਤ 'ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।