ਦਿੱਲੀ ਏਅਰਪੋਰਟ 'ਤੇ ਜਦੋਂ ਯਾਤਰੀ ਦਿੱਲੀ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਏਅਰ ਲਾਈਨ ਦੀ ਉਡਾਣ' ਤੇ ਸਵਾਰ ਹੋ ਰਹੇ ਸਨ, ਤਾਂ ਕਿਸੇ ਨੇ ਫੋਨ ਕਰਕੇ.....
ਨਵੀਂ ਦਿੱਲੀ- ਦਿੱਲੀ ਏਅਰਪੋਰਟ 'ਤੇ ਜਦੋਂ ਯਾਤਰੀ ਦਿੱਲੀ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਏਅਰ ਲਾਈਨ ਦੀ ਉਡਾਣ 'ਤੇ ਸਵਾਰ ਹੋ ਰਹੇ ਸਨ, ਤਾਂ ਕਿਸੇ ਨੇ ਫੋਨ ਕਰਕੇ ਦੱਸਿਆ ਕਿ ਜਹਾਜ਼ ਵਿਚ ਬੰਬ ਰੱਖਿਆ ਗਿਆ ਹੈ। ਜਦੋਂ ਜਹਾਜ਼ ਦੀ ਜਾਂਚ ਕੀਤੀ ਗਈ, ਤਾਂ ਕੁਝ ਵੀ ਨਹੀਂ ਨਿਕਲਿਆ। ਜਾਂਚ ਕਰਨ ਤੇ ਪਤਾ ਚੱਲਿਆ ਕਿ ਕਿਸੇ ਨੇ ਫਰਜ਼ੀ ਕਾਲ ਕੀਤੀ ਸੀ।
ਪੂਰੀ ਜਾਂਚ ਕਰਨ ਤੋਂ ਬਾਅਦ ਆਰੋਪੀ ਨੂੰ ਫੜ ਲਿਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਕ ਪੁੱਤਰ ਨੇ ਆਪਣੀ ਮਾਂ ਦੀ ਫਲਾਈਟ ਛੁੱਟਣ ਤੋਂ ਬਚਾਉਣ ਲਈ ਇੰਝ ਕੀਤਾ। ਪੁਲਿਸ ਜਾਂਚ ਵਿਚ ਪਤਾ ਲੱਗਿਆ ਹੈ ਕਿ ਦੋ ਔਰਤਾਂ ਇੰਡੀਗੋ ਏਅਰ ਲਾਈਨ ਦੀ ਉਡਾਣ ‘ਤੇ ਦੇਰ ਨਾਲ ਦਿੱਲੀ ਏਅਰਪੋਰਟ ਟੀ -1 ਤੋਂ ਪਹੁੰਚੀਆਂ ਸਨ।
ਪੁੱਛਗਿੱਛ ਦੌਰਾਨ ਔਰਤਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਮੁੰਬਈ ਵਿਚ ਰਹਿੰਦੇ ਆਪਣੇ ਬੇਟੇ ਕੇਸ਼ਵ ਨੂੰ ਉਡਾਨ ਵਿੱਚ ਦੇਰੀ ਬਾਰੇ ਦੱਸਿਆ ਸੀ। 'ਔਰਤਾਂ ਨੇ ਦੱਸਿਆ ਕਿ ਕੇਸ਼ਵ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਤੁਸੀਂ ਅਰਾਮ ਨਾਲ ਏਅਰਪੋਰਟ ਪਹੁੰਚੋਂ ਤੁਹਾਡੀ ਫਲਈਟ ਨਹੀਂ ਛੁੱਟੇਗੀ'।
ਜਦੋਂ ਉਸ ਕਾਲ ਵਾਲੇ ਨੰਬਰ ਦੀ ਜਾਂਚ ਕੀਤੀ ਗਈ ਤਾਂ ਉਹ ਨੰਬਰ ਕੇਸ਼ਵ ਦਾ ਹੀ ਨਿਕਲਿਆ। ਆਈਜੀਆਈ ਏਅਰਪੋਰਟ ਦੇ ਡੀਸੀਪੀ ਸੰਜੇ ਭਾਟੀਆ ਨੇ ਦੱਸਿਆ ਕਿ ਫਲਾਈਟ ਵਿਚ ਬੰਬ ਹੋਣ ਦੀ ਸੂਚਨਾ ਸੋਮਵਰ ਸ਼ਾਮ 7:38 ਵਜੇ ਇੰਡੀਗੋ ਦੇ ਗੁਰੂਗ੍ਰਾਮ ਸਥਿਤ ਕਸਟਮਰ ਕੇਅਰ 'ਤੇ ਕੀਤੀ ਗਈ ਸੀ। ਜਾਂਚ ਤੋਂ ਬਾਅਦ ਆਰੋਪੀ ਨੂੰ ਫੜ ਲਿਆ ਗਿਆ ਹੈ ਫਿਲਹਾਲ ਉਹ ਪੁਲਿਸ ਦੀ ਹਿਰਾਸਤ ਵਿਚ ਹੈ।
