ਤੇਜਸਵੀ ਯਾਦਵ ਨੇ ਵੀ ਦਿੱਲੀ ਪਹੁੰਚਦੇ ਵੱਡਾ ਬਿਆਨ ਦਿੱਤਾ ,ਕਿਹਾ - 'ਸਬਰ ਰੱਖੋ, ਦੇਖਦੇ ਜਾਓ ਕੀ ਹੁੰਦਾ'
Nitish Kumar : ਦੇਸ਼ ਦੀ ਸਿਆਸਤ 'ਚ ਫਿਲਹਾਲ ਨਿਤੀਸ਼ ਕੁਮਾਰ ਕਾਫੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਦੇਸ਼ ਦੀਆਂ ਨਜ਼ਰਾਂ ਨਿਤੀਸ਼ ਕੁਮਾਰ 'ਤੇ ਟਿਕੀਆਂ ਹੋਈਆਂ ਹਨ। ਦੇਸ਼ 'ਚ ਚੱਲ ਰਹੀ ਸਿਆਸੀ ਉਥਲ-ਪੁਥਲ ਦਰਮਿਆਨ ਸੀਐੱਮ ਨਿਤੀਸ਼ ਕੁਮਾਰ ਦਿੱਲੀ ਪਹੁੰਚ ਗਏ ਹਨ।
ਦਿੱਲੀ ਪਹੁੰਚਦੇ ਹੀ ਨਿਤੀਸ਼ ਕੁਮਾਰ ਨੇ ਵੱਡਾ ਬਿਆਨ ਦਿੱਤਾ ਹੈ। ਲੋਕ ਸਭਾ ਚੋਣਾਂ ਦੇ ਨਤੀਜਿਆਂ ਤੋਂ ਬਾਅਦ ਪਹਿਲੀ ਵਾਰ ਪ੍ਰਤੀਕਿਰਿਆ ਦਿੰਦੇ ਹੋਏ ਨਿਤੀਸ਼ ਕੁਮਾਰ ਨੇ ਕਿਹਾ ਕਿ ਸਰਕਾਰ ਤਾਂ ਬਣੇਗੀ ਹੀ। ਨਿਤੀਸ਼ ਕੁਮਾਰ ਦਿੱਲੀ ਹਵਾਈ ਅੱਡੇ ਤੋਂ ਸਿੱਧੇ ਆਪਣੀ ਰਿਹਾਇਸ਼ ਲਈ ਰਵਾਨਾ ਹੋ ਗਏ ਹਨ।
ਓਥੇ ਹੀ ਐਨਡੀਏ ਦੀ ਮੀਟਿੰਗ ਵਿੱਚ ਜਾਣ ਤੋਂ ਪਹਿਲਾਂ ਜੇਡੀਯੂ ਦੇ ਸੰਸਦ ਮੈਂਬਰ ਸੰਜੇ ਝਾਅ ਨੇ ਕਿਹਾ ਕਿ ਅਸੀਂ ਐਨਡੀਏ ਦੇ ਨਾਲ ਹਾਂ ਅਤੇ ਨਿਤੀਸ਼ ਕੁਮਾਰ ਅੱਜ ਮੀਟਿੰਗ ਵਿੱਚ ਜਾਣਗੇ। 'ਇੰਡੀਆ ਗਠਜੋੜ' ਨਾਲ ਗੱਲਬਾਤ 'ਤੇ ਕਿਹਾ ਕਿ ਇਹ ਅਫਵਾਹ ਹੈ ਕਿ ਅਸੀਂ ਪੂਰੀ ਤਰ੍ਹਾਂ ਨਾਲ ਐੱਨ.ਡੀ.ਏ. ਨਾਲ ਹਾਂ। 'ਇੰਡੀਆ ਗਠਜੋੜ' ਨਾਲ ਸਾਡੀ ਕੋਈ ਗੱਲਬਾਤ ਨਹੀਂ ਹੈ
ਤੇਜਸਵੀ ਯਾਦਵ ਵੀ ਦਿੱਲੀ ਪਹੁੰਚ ਚੁੱਕੇ ਹਨ। ਤੇਜਸਵੀ ਯਾਦਵ ਨੇ ਵੀ ਦਿੱਲੀ ਪਹੁੰਚਦੇ ਹੀ ਵੱਡਾ ਬਿਆਨ ਦਿੱਤਾ ਅਤੇ ਕਿਹਾ ਕਿ ਦੇਖੋ ਅੱਜ ਦੀ ਮੀਟਿੰਗ ਵਿੱਚ ਕੀ ਹੁੰਦਾ ਹੈ? ਓਥੇ ਹੀ ਨਿਤੀਸ਼ ਕੁਮਾਰ ਨਾਲ ਦਿੱਲੀ ਆਉਣ 'ਤੇ ਕਿਹਾ "ਦੁਆ ਸਲਾਮ" ਹੋਈ ਅਤੇ ਕੀ ਗੱਲ ਹੋਈ ? ਸਬਰ ਰੱਖੋ, ਦੇਖਦੇ ਜਾਓ ਕੀ ਹੁੰਦਾ ਅਤੇ ਇੰਤਜ਼ਾਰ ਕਰੋ। ਜਦੋਂ ਕਿ ਤੇਜਸਵੀ ਦਿੱਲੀ ਏਅਰਪੋਰਟ ਤੋਂ ਆਪਣੀ ਰਿਹਾਇਸ਼ ਲਈ ਰਵਾਨਾ ਹੋਏ। ਤੇਜਸਵੀ ਦਿੱਲੀ ਏਅਰਪੋਰਟ ਤੋਂ ਆਪਣੀ ਰਿਹਾਇਸ਼ ਲਈ ਰਵਾਨਾ ਹੋਏ।
ਇਸ ਦੌਰਾਨ ਸੂਤਰਾਂ ਦੇ ਹਵਾਲੇ ਨਾਲ ਖ਼ਬਰਾਂ ਆ ਰਹੀਆਂ ਹਨ ਕਿ ਸੀਐਮ ਨਿਤੀਸ਼ ਕੁਮਾਰ ਅੱਜ ਹੀ ਰਾਸ਼ਟਰਪਤੀ ਨੂੰ ਆਪਣਾ ਸਮਰਥਨ ਪੱਤਰ ਸੌਂਪਣਗੇ। ਜੇਡੀਯੂ ਦੇ ਸੂਤਰਾਂ ਮੁਤਾਬਕ ਨਿਤੀਸ਼ ਕੁਮਾਰ ਅੱਜ ਹੀ ਪੀਐਮ ਮੋਦੀ ਦੇ ਸਮਰਥਨ ਵਿੱਚ ਰਾਸ਼ਟਰਪਤੀ ਨੂੰ ਆਪਣਾ ਪੱਤਰ ਸੌਂਪਣ ਜਾ ਰਹੇ ਹਨ। ਨਿਤੀਸ਼ ਕੁਮਾਰ ਦੇ ਦਿੱਲੀ ਰਵਾਨਾ ਹੋਣ ਤੋਂ ਪਹਿਲਾਂ ਬਿਹਾਰ ਸਮੇਤ ਪੂਰੇ ਦੇਸ਼ ਦੀ ਰਾਜਨੀਤੀ ਵਿੱਚ ਉਨ੍ਹਾਂ ਬਾਰੇ ਚਰਚਾ ਤੇਜ਼ ਹੋ ਗਈ ਹੈ। ਦਰਅਸਲ, ਨਿਤੀਸ਼ ਕੁਮਾਰ ਦੀ ਪਾਰਟੀ ਜੇਡੀਯੂ ਨੇ ਲੋਕ ਸਭਾ ਚੋਣਾਂ ਵਿੱਚ 12 ਸੀਟਾਂ ਜਿੱਤੀਆਂ ਹਨ। ਇਸ ਤੋਂ ਬਾਅਦ ਸਿਆਸੀ ਹਲਕਿਆਂ 'ਚ ਨਿਤੀਸ਼ ਕੁਮਾਰ ਨੂੰ ਲੈ ਕੇ ਚਰਚਾ ਤੇਜ਼ ਹੋ ਗਈ ਹੈ। ਹੁਣ ਨਿਤੀਸ਼ ਕੁਮਾਰ ਨੇ ਸੋਸ਼ਲ ਸਾਈਟ ਐਕਸ 'ਤੇ ਟ੍ਰੈਂਡ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
