ਬਾਕੀ ਖਰਚੇ ਜਾਣਕੇ ਉੱਡ ਜਾਣਗੇ ਹੋਸ਼
Ajab Gajab News : ਇੱਕ ਆਲੀਸ਼ਾਨ ਵਿਆਹ ਕਰਵਾਉਣਾ ਸੀ, ਹੋਣ ਵਾਲੀ ਪਤਨੀ ਨੂੰ ਹਨੀਮੂਨ 'ਤੇ ਚੰਗੀ ਜਗ੍ਹਾ 'ਤੇ ਲੈ ਕੇ ਜਾਣਾ ਸੀ, ਜ਼ਿੰਦਗੀ ਵਿਚ ਮਜ਼ੇ ਕਰਨੇ ਸੀ ਪਰ ਪੈਸੇ ਨਹੀਂ ਸਨ ਤਾਂ ਇੱਕ ਸ਼ਖਸ ਨੇ ਆਪਣੀ ਹੀ ਕੰਪਨੀ ਨਾਲ ਧੋਖਾ ਕੀਤਾ ਅਤੇ ਧੋਖਾਧੜੀ ਕਰਨ ਤੋਂ ਬਾਅਦ ਆਪਣੇ ਸੁਪਨੇ ਪੂਰੇ ਕੀਤੇ।
ਦਰਅਸਲ, ਮੁੰਬਈ ਤੋਂ ਇੱਕ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਇੱਕ ਵਿਅਕਤੀ ਨੇ ਆਪਣੀ ਹੀ ਕੰਪਨੀ ਨੂੰ 10.6 ਕਰੋੜ ਰੁਪਏ ਦਾ ਚੂਨਾ ਲਗਾਇਆ ਅਤੇ ਇਸ ਇਸ ਤੋਂ ਬਾਅਦ ਇਸ ਪੈਸੇ ਇਸ ਸਿਤੇਮਾਲ ਵਿਆਹ ਕਰਵਾਉਣ , ਹਨੀਮੂਨ ਅਤੇ ਹੋਰ ਕਈ ਸ਼ੌਕ ਪੂਰੇ ਕਰਨ ਲਈ ਕੀਤਾ। ਇਸ ਗੱਲ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਆਰਥਿਕ ਅਪਰਾਧ ਸ਼ਾਖਾ ਨੇ ਇੱਕ ਪੁਰਾਣੇ ਮਾਮਲੇ ਵਿੱਚ ਚਾਰਜਸ਼ੀਟ ਦਾਇਰ ਕੀਤੀ।
ਟਾਈਮਜ਼ ਆਫ ਇੰਡੀਆ ਦੀ ਰਿਪੋਰਟ ਮੁਤਾਬਕ 32 ਸਾਲਾ ਸ਼ਖਸ ਰਾਜ ਮੁਕੇਸ਼ ਨੇ ਕੁਝ ਦਿਨ ਪਹਿਲਾਂ ਆਪਣੀ ਕੰਪਨੀ ਨਾਲ 10.6 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ ਇਸ ਪੈਸੇ ਨਾਲ ਆਪਣੇ 40-40 ਲੱਖ ਰੁਪਏ ਦੇ ਦੋ ਕਰਜ਼ੇ ਅਦਾ ਕਰ ਦਿੱਤੇ। ਰਾਜ 'ਤੇ 30 ਲੱਖ ਰੁਪਏ ਦਾ ਕਰਜ਼ਾ ਕ੍ਰਿਕਟ ਮੈਚਾਂ 'ਤੇ ਸੱਟਾ ਲਗਾਉਣ ਦੀ ਵਜ੍ਹਾ ਨਾਲ ਚੜ ਗਿਆ ਸੀ ਅਤੇ ਇੱਕ ਹੋਰ 10 ਲੱਖ ਰੁਪਏ ਦਾ ਕਰਜ਼ਾ ਸੀ, ਜਿਸ ਨੂੰ ਰਾਜ ਨੇ ਅਦਾ ਕੀਤਾ।
ਵਿਆਹ 'ਤੇ ਕੀਤਾ ਮੋਟਾ ਖਰਚ
ਇਸ ਤੋਂ ਬਾਅਦ ਬਚੇ ਹੋਏ ਪੈਸਿਆਂ 'ਚੋਂ ਰਾਜ ਨੇ 15 ਲੱਖ ਰੁਪਏ ਸ਼ੇਅਰਾਂ ਅਤੇ ਮਿਊਚੁਅਲ ਫੰਡ 'ਚ ਨਿਵੇਸ਼ ਕੀਤੇ ਅਤੇ 15 ਲੱਖ ਰੁਪਏ ਆਪਣੇ 'ਤੇ ਖਰਚ ਕੀਤੇ। ਇੰਨਾ ਹੀ ਨਹੀਂ ਵਿਅਕਤੀ ਨੇ ਇਸ ਪੈਸੇ 'ਚੋਂ 16 ਲੱਖ ਰੁਪਏ ਖਰਚ ਕਰਕੇ ਵਿਆਹ ਕਰਵਾ ਲਿਆ। ਇਸ ਤੋਂ ਬਾਅਦ ਹਨੀਮੂਨ 'ਤੇ 3.5 ਲੱਖ ਰੁਪਏ ਖਰਚ ਕੀਤੇ ਗਏ।
ਦੱਸ ਦਈਏ ਕਿ ਇਹ ਮਾਮਲਾ ਕੁਝ ਮਹੀਨੇ ਪੁਰਾਣਾ ਹੈ ਅਤੇ ਪੁਲਿਸ ਦੀ ਚਾਰਜਸ਼ੀਟ 'ਚ ਉਸ ਦੇ ਪੈਸੇ ਖਰਚ ਕਰਨ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਰਾਜ ਟਰਾਈਡੈਂਟ ਕ੍ਰਿਏਸ਼ਨ ਨਾਂ ਦੀ ਕੰਪਨੀ ਵਿੱਚ ਸੀਨੀਅਰ ਅਹੁਦੇ ’ਤੇ ਕੰਮ ਕਰਦਾ ਸੀ। ਇਸ ਵਿਅਕਤੀ ਨੇ ਬਿੱਲ ਵਧਾ ਕੇ ਅਤੇ ਹੋਰ ਗਾਹਕਾਂ ਤੋਂ ਕਮਿਸ਼ਨ ਲੈ ਕੇ 10 ਕਰੋੜ ਰੁਪਏ ਦਾ ਇਹ ਘਪਲਾ ਕੀਤਾ ਸੀ। ਉਹ ਘੁਟਾਲੇ ਦੇ ਪੈਸੇ ਟਰਾਂਸਫਰ ਕਰਨ ਲਈ ਆਪਣੀ ਭੈਣ, ਦੋਸਤ ਅਤੇ ਪਤਨੀ ਦੇ ਖਾਤਿਆਂ ਦੀ ਵਰਤੋਂ ਕਰ ਰਿਹਾ ਸੀ। ਪੁਲਸ ਨੇ ਉਸ ਨੂੰ ਅਪ੍ਰੈਲ 'ਚ ਗ੍ਰਿਫਤਾਰ ਕਰ ਲਿਆ ਸੀ।
ਕੰਪਨੀ ਵੱਲੋਂ ਦਾਇਰ ਸ਼ਿਕਾਇਤ ਵਿੱਚ ਕਿਹਾ ਗਿਆ ਸੀ ਕਿ ਰਾਜ ਨੇ 2016 ਤੋਂ 2022 ਤੱਕ 55 ਗਾਹਕਾਂ ਨਾਲ ਸੰਪਰਕ ਕੀਤਾ ਅਤੇ ਹਰੇਕ ਬਿੱਲ ਵਿੱਚ 10 ਤੋਂ 15 ਫੀਸਦੀ ਤੱਕ ਬਦਲਾਅ ਕੀਤਾ। ਇਸ ਤੋਂ ਬਾਅਦ ਪੁਲਸ ਨੇ ਜਾਂਚ ਸ਼ੁਰੂ ਕੀਤੀ ਤਾਂ ਬਾਅਦ 'ਚ ਪਤਾ ਲੱਗਾ ਕਿ ਇਹ ਵਿਅਕਤੀ ਆਪਣੇ ਸ਼ੌਕ ਪੂਰੇ ਕਰਨ ਅਤੇ ਕਰਜ਼ਾ ਚੁਕਾਉਣ ਲਈ ਅਜਿਹੇ ਪੈਸੇ ਕਮਾ ਰਿਹਾ ਸੀ।
