ਨਵੇਂ ਸਾਲ 'ਤੇ ਟ੍ਰੇਨਾਂ ਵਿਚ ਲੰਬੀ ਵੇਟਿੰਗ ਲਿਸਟ ਨੂੰ ਘਟਾਉਣ ਲਈ ਰੇਲਵੇ ਵਿਭਾਗ ਵੱਲੋ ਗੱਡੀਆਂ ਵਿਚ ਹੋਰ ਬੋਗੀਆਂ ਨੂੰ ਜੋੜਿਆ ਜਾ ਰਿਹਾ ਹੈ।
ਸੂਰਤ, ( ਭਾਸ਼ਾ ) : ਨਵੇਂ ਸਾਲ 'ਤੇ ਟ੍ਰੇਨਾਂ ਵਿਚ ਲੰਬੀ ਵੇਟਿੰਗ ਲਿਸਟ ਨੂੰ ਘਟਾਉਣ ਲਈ ਰੇਲਵੇ ਵਿਭਾਗ ਵੱਲੋ ਗੱਡੀਆਂ ਵਿਚ ਹੋਰ ਬੋਗੀਆਂ ਨੂੰ ਜੋੜਿਆ ਜਾ ਰਿਹਾ ਹੈ। ਊਧਨਾ-ਦਾਨਾਪੁਰ ਅਤੇ ਵਾਰਾਣਸੀ ਸਮੇਤ ਮੁੰਬਈ ਦੀਆਂ 34 ਰੇਲਗੱਡੀਆਂ ਵਿਚ ਅਸਥਾਈ ਤੌਰ 'ਤੇ ਵਾਧੂ ਡੱਬੇ ਜੋੜੇ ਗਏ ਹਨ। ਵਲਸਾਡ-ਹਰਿਦਾਰ ਐਕਸਪ੍ਰੈਸ ਵਿਚ ਇਕ ਵਾਧੂ ਏਸੀ 2 ਟਾਇਰ-ਕਮ-ਏਸੀ 3 ਟਾਇਰ ਡੱਬਾ ਮਿਤੀ 4 ਦਸੰਬਰ ਤੋਂ 26 ਦਸੰਬਰ ਤੱਕ ਜੋੜਿਆ ਗਿਆ ਹੈ।
Indian Railways
ਊਧਨਾ-ਵਾਰਾਣਸੀ ਐਕਸਪ੍ਰੈਸ ਵਿਚ ਇਕ ਵਾਧੂ ਏਸੀ 2 ਟਾਇਰ-ਕਮ-ਏਸੀ 3 ਟਾਇਰ ਡੱਬਾ 30 ਦਸੰਬਰ ਤੱਕ ਜੋੜਿਆ ਜਾਵੇਗਾ। ਬਾਂਦਰਾ-ਰਾਮਨਗਰ ਐਕਸਪ੍ਰੈਸ ਵਿਚ ਇਕ ਵਾਧੂ ਏਸੀ 3 ਟਾਇਰ ਡੱਬਾ 6 ਤੋਂ 28 ਦਸੰਬਰ ਤੱਕ ਲਈ ਜੋੜਿਆ ਗਿਆ ਹੈ। ਬਾਂਦਰਾ-ਜੈਸਲਮੇਰ ਐਕਸਪ੍ਰੈਸ ਵਿਚ ਇਕ ਵਾਧੂ ਏਸੀ 3 ਟਾਇਰ ਅਤੇ ਇਕ ਸਲੀਪਰ ਡੱਬਾ 7 ਤੋਂ 29 ਦਸੰਬਰ ਤੱਕ ਜੋੜਿਆ ਜਾਵੇਗਾ।
Danapur Udhna Express
ਬਾਂਦਰਾ-ਜੈਪੂਰ ਸੁਪਰਫਾਸਟ ਐਕਸਪ੍ਰੈਸ ਵਿਚ ਇਕ ਵਾਧੂ ਏਸੀ 3 ਟਾਇਰ ਅਤੇ ਇਕ ਸਲੀਪਰ ਡੱਬਾ 3 ਦਸੰਬਰ ਤੋਂ 1 ਜਨਵਰੀ ਤੱਕ ਲਈ ਜੋੜਿਆ ਗਿਆ ਹੈ। ਬਾਂਦਰਾ ਟਰਮਿਨਸ-ਪਾਲਿਤਾਨਾ ਸੁਪਰਫਾਸਟ ਐਕਸਪ੍ਰੈਸ ਟ੍ਰੇਨ ਵਿਚ ਇਕ ਵਾਧੂ ਏਸੀ 3 ਟਾਇਰ ਡੱਬਾ ਜੋੜਿਆ ਜਾਵੇਗਾ। ਇਹ ਵਾਧੂ ਡੱਬਾ 7 ਦਸੰਬਰ ਤੋਂ 29 ਦਸੰਬਰ ਤੱਕ ਜੋੜਿਆ ਜਾਵੇਗਾ। ਇਨ੍ਹਾਂ ਗੱਡੀਆਂ ਸਮੇਤ ਦੇਸ਼ ਦੀਆਂ ਕੁਲ 34 ਟ੍ਰੇਨਾਂ ਵਿਚ ਬੋਗੀਆਂ ਨੂੰ ਜੋੜ ਕੇ ਯਾਤਰੀਆਂ ਨੂੰ ਸੁਵਿਧਾ ਦਿਤੀ ਜਾ ਰਹੀ ਹੈ।
