ਕੋਰੋਨਾ ਨਾਲ ਲੜਾਈ ਵਿਚ ਸਿਹਤ ਕਰਮਚਾਰੀਆਂ ਦੀ ਸੁਰੱਖਿਆ ਦੇ ਬਾਰੇ ਵਿਚ...
ਨਵੀਂ ਦਿੱਲੀ: ਕੋਰੋਨਾ ਖਿਲਾਫ ਲੜਾਈ ਵਿਚ ਮੋਦੀ ਸਰਕਾਰ ਸਿਹਤ ਕਰਮਚਾਰੀਆਂ ਦੀ ਸੁਰੱਖਿਆ ਤੇ ਧਿਆਨ ਦੇ ਰਹੀ ਹੈ। ਕੇਂਦਰ ਸਰਕਾਰ ਨੇ ਸਿਹਤ ਕਰਮਚਾਰੀਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿਚ ਰੱਖਦੇ ਹੋਏ ਦੇਸ਼ ਦੇ ਸਾਰੇ ਰਾਜਾਂ ਵਿਚ 53 ਲੱਖ ਤੋਂ ਵੀ ਜ਼ਿਆਦਾ N95 ਮਾਸਕ ਵੰਡੇ ਗਏ ਹਨ। ਇਸ ਤੋਂ ਇਲਾਵਾ ਪਰਸਨਲ ਪ੍ਰੋਟੈਕਸ਼ਨ ਇਕਿਊਪਮੈਂਟ ਵੀ ਉਪਲੱਬਧ ਕਰਾਏ ਗਏ ਹਨ।
PM Narendra Modi
ਕੋਰੋਨਾ ਨਾਲ ਲੜਾਈ ਵਿਚ ਸਿਹਤ ਕਰਮਚਾਰੀਆਂ ਦੀ ਸੁਰੱਖਿਆ ਦੇ ਬਾਰੇ ਵਿਚ ਭਾਜਪਾ (ਬੀਜੇਪੀ) ਨੇ ਆਪਣਾ ਟਵਿੱਟਰ ਤੇ ਲਿਖਿਆ- “ਮੋਦੀ ਸਰਕਾਰ ਕੋਰੋਨਾ ਵਿਰੁੱਧ ਲੜਾਈ ਵਿਚ ਸਿਹਤ ਕਰਮਚਾਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾ ਰਹੀ ਹੈ। ਕੇਂਦਰ ਸਰਕਾਰ ਨੇ ਦੇਸ਼ ਦੇ ਸਾਰੇ ਰਾਜਾਂ ਵਿੱਚ 53.72 ਲੱਖ N95 ਦੇ ਵਧੇਰੇ ਮਾਸਕ ਵੰਡੇ ਹਨ। ਮਹਾਰਾਸ਼ਟਰ ਵਿੱਚ 9.75 ਲੱਖ ਤੋਂ ਵੱਧ N95 ਮਾਸਕ ਵੰਡੇ ਗਏ ਹਨ।
PM Narendra Modi
ਇਸ ਤੋਂ ਇਲਾਵਾ ਭਾਜਪਾ ਨੇ ਮਹਾਰਾਸ਼ਟਰ, ਦਿੱਲੀ, ਰਾਜਸਥਾਨ, ਉੱਤਰ ਪ੍ਰਦੇਸ਼ ਅਤੇ ਕੇਂਦਰੀ ਸੰਸਥਾ ਸਮੇਤ ਹੋਰ ਰਾਜਾਂ ਵਿਚ ਵੰਡੇ ਗਏ ਮਾਸਕ ਦੀ ਗਿਣਤੀ ਵੀ ਦੱਸੀ ਹੈ। ਪੀਪੀਈ ਕਿੱਟ ਬਾਰੇ ਜਾਣਕਾਰੀ ਦਿੰਦੇ ਹੋਏ ਭਾਜਪਾ ਨੇ ਅੱਗੇ ਲਿਖਿਆ ਕਿ ਕੇਂਦਰ ਸਰਕਾਰ ਦੇਸ਼ ਦੇ ਸਾਰੇ ਰਾਜਾਂ ਵਿਚ 21.32 ਲੱਖ ਤੋਂ ਵਧ PPE ਵੰਡੇ ਹਨ। ਮਹਾਰਾਸ਼ਟਰ ਵਿਚ 4.10 ਲੱਖ ਤੋਂ ਵਧ PPE ਵੰਡੇ ਗਏ ਹਨ।
Doctors
ਉੱਥੇ ਹੀ ਐਮਰਜੈਂਸੀ ਸਥਿਤੀ ਲਈ ਵੀ ਮੋਦੀ ਸਰਕਾਰ ਤਿਆਰੀ ਕਰ ਰਹੀ ਹੈ। ਇਸ ਬਾਬਤ ਕੇਂਦਰ ਸਰਕਾਰ ਨੇ ਨਵੇਂ ਵੈਂਟੀਲੇਟਰ ਦੇ ਆਰਡਰ ਵੀ ਦਿੱਤੇ ਹਨ। ਭਾਜਪਾ ਦੇ ਟਵੀਟ ਮੁਤਾਬਕ ਮੋਦੀ ਸਰਕਾਰ ਐਮਰਜੈਂਸੀ ਸਥਿਤੀ ਲਈ ਵੈਂਟੀਲੇਟਰ ਦਾ ਇੰਤਜ਼ਾਮ ਕਰ ਰਹੀ ਹੈ।
PPE Suit
4 ਮਈ 2020 ਤਕ ਅੰਕੜਿਆਂ ਮੁਤਾਬਕ ਦੇਸ਼ ਵਿਚ 19,280 ਵੈਂਟੀਲੇਟਰ ਉਪਲੱਬਧ ਹਨ ਜਦਕਿ ਕੁੱਲ ਐਕਟਿਵ ਮਾਮਲਿਆਂ ਵਿਚ ਕੇਵਲ 88 ਮਰੀਜ਼ਾਂ ਨੂੰ ਹੀ ਇਸ ਦੀ ਲੋੜ ਹੈ। ਕੇਂਦਰ ਸਰਕਾਰ ਨੇ 60,848 ਹੋਰ ਵੈਂਟੀਲੇਟਰਸ ਦਾ ਆਰਡਰ ਦਿੱਤਾ ਹੈ। ਦੇਸ਼ ਵਿਚ ਕੋਰੋਨਾ ਨੂੰ ਫੈਲਣ ਤੋਂ ਰੋਕਣ ਲਈ ਕੇਂਦਰ ਸਰਕਾਰ ਵੱਲੋਂ ਜ਼ਰੂਰੀ ਕਦਮ ਚੁੱਕੇ ਜਾ ਰਹੇ ਹਨ।
Mask and Gloves
ਹਾਲਾਂਕਿ ਭਾਰਤ ਵਿਚ ਕੋਰੋਨਾ ਵਾਇਰਸ ਪੀੜਤਾਂ ਦੀ ਗਿਣਤੀ ਵਿਚ ਤੇਜ਼ੀ ਨਾਲ ਵਾਧਾ ਹੋ ਰਿਹਾ ਹੈ। ਸਿਹਤ ਵਿਭਾਗ ਮੁਤਾਬਕ ਦੇਸ਼ ਵਿਚ ਕੋਰੋਨਾ-19 ਦੇ ਕੁੱਲ ਕੰਫਰਮ ਕੇਸ 49,391 ਇਸ ਬਿਮਾਰੀ ਤੋਂ ਠੀਕ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ 14,183 ਅਤੇ ਮੌਤ ਦਾ ਅੰਕੜਾ 1,694 ਹੋ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
