Advertisement
  ਖ਼ਬਰਾਂ   ਰਾਸ਼ਟਰੀ  06 May 2021  ਘਰੇਲੂ ਇਕਾਂਤਵਾਸ ਮਰੀਜ਼ਾਂ ਲਈ ਦਿੱਲੀ ਸਰਕਾਰ ਦੀ ਸਹੂਲਤ, ਆਨਲਾਈਨ ਪੋਰਟਲ ਜ਼ਰੀਏ ਮਿਲੇਗਾ ਆਕਸੀਜਨ ਸਿਲੰਡਰ

ਘਰੇਲੂ ਇਕਾਂਤਵਾਸ ਮਰੀਜ਼ਾਂ ਲਈ ਦਿੱਲੀ ਸਰਕਾਰ ਦੀ ਸਹੂਲਤ, ਆਨਲਾਈਨ ਪੋਰਟਲ ਜ਼ਰੀਏ ਮਿਲੇਗਾ ਆਕਸੀਜਨ ਸਿਲੰਡਰ

ਏਜੰਸੀ
Published May 6, 2021, 12:28 pm IST
Updated May 6, 2021, 12:28 pm IST
ਆਕਸੀਜਨ ਲਈ ਇਹਨਾਂ ਚੀਜ਼ਾਂ ਦੀ ਹੋਵੇਗੀ ਲੋੜ
Delhi Covid-19 patients in home isolation can apply online to get oxygen
 Delhi Covid-19 patients in home isolation can apply online to get oxygen

ਨਵੀਂ ਦਿੱਲੀ: ਦੇਸ਼ ਵਿਚ ਆਕਸੀਜਨ ਦੀ ਕਮੀ ਦੇ ਚਲਦਿਆਂ ਇਕ ਰਾਹਤ ਦੀ ਖ਼ਬਰ ਆਈ ਹੈ। ਦਰਅਸਲ ਦਿੱਲੀ ਵਿਚ ਘਰੇਲੂ ਇਕਾਂਤਵਾਸ ਵਿਚ ਰਹਿ ਰਹੇ ਕੋਰੋਨਾ ਮਰੀਜ਼ਾਂ ਲਈ ਕੇਜਰੀਵਾਲ ਸਰਕਾਰ ਵੱਲੋਂ ਇਕ ਸਿਸਟਮ ਬਣਾਇਆ ਗਿਆ ਹੈ।

OxygenOxygen cylinder

ਇਸ ਜ਼ਰੀਏ ਜਿਨ੍ਹਾਂ ਲੋਕਾਂ ਜਾਂ ਪਰਿਵਾਰਾਂ ਨੂੰ ਹੋਮ ਆਈਸੋਲੇਸ਼ਨ ਵਿਚ ਰਹਿ ਰਹੇ ਲੋਕਾਂ ਲਈ ਆਕਸੀਜਨ ਦੀ ਲੋੜ ਹੈ ਉਹ ਦਿੱਲੀ ਸਰਕਾਰ ਦੇ ਪੋਰਟਲ  https://delhi.gov.in ’ਤੇ ਅਪਲਾਈ ਕਰ ਸਕਦੇ ਹਨ। ਇਸ ਪੋਰਟਲ ’ਤੇ ਸਿਲੰਡ਼ਰ ਲਈ ਅੱਜ (6 ਮਈ) ਤੋਂ ਅਪਲਾਈ ਕੀਤਾ ਜਾ ਸਕਦਾ ਹੈ।

oxygen cylinderOxygen cylinder

ਆਕਸੀਜਨ ਲਈ ਇਹਨਾਂ ਚੀਜ਼ਾਂ ਦੀ ਹੋਵੇਗੀ ਲੋੜ

ਆਕਸੀਜਨ ਲਈ ਅਪਲਾਈ ਕਰਦੇ ਸਮੇਂ ਫੋਟੋ, ਅਧਾਰ ਕਾਰਡ, ਕੋਵਿਡ ਪਾਜ਼ੇਟਿਵ ਰਿਪੋਰਟ ਆਦਿ ਜਾਣਕਾਰੀ ਅਪਲੋਡ ਕਰਨੀ ਹੋਵੇਗੀ। ਜੇਕਰ ਕਿਸੇ ਮਾਮਲੇ ਵਿਚ ਸੀਟੀ ਸਕੈਨ ਦੀ ਰਿਪੋਰਟ ਹੈ ਤਾਂ ਉਸ ਨੂੰ ਵੀ ਅਪਲੋਡ ਕੀਤਾ ਜਾ ਸਕਦਾ ਹੈ ਤਾਂਕਿ ਇਹ ਪਤਾ ਚੱਲ ਸਕੇ ਕਿ ਮਰੀਜ਼ ਨੂੰ ਆਕਸੀਜਨ ਦੀ ਲੋੜ ਹੈ।

Oxygen CylindersOxygen Cylinder

ਇਸ ਸਬੰਧੀ ਸਾਰੇ ਜ਼ਿਲ੍ਹਿਆਂ ਦੇ ਮੈਜਿਸਟਰੇਟ ਨੂੰ ਕਿਹਾ ਗਿਆ ਹੈ ਕਿ ਜੋ ਵੀ ਅਰਜ਼ੀ ਆਕਸੀਜਨ ਲਈ ਆਉਂਦੀ ਹੈ, ਉਸ ਦੀ ਛਾਂਟੀ ਲਈ ਕਰਮਚਾਰੀ ਲਗਾਏ ਜਾਣ ਤਾਂਕਿ ਜਿਨ੍ਹਾਂ ਲੋਕਾਂ ਨੂੰ ਆਕਸੀਜਨ ਦੀ ਤੁਰੰਤ ਲੋੜ ਹੈ ਉਹਨਾਂ ਨੂੰ ਤਰਜੀਹ ਦੇ ਅਧਾਰ ’ਤੇ ਆਕਸੀਜਨ ਮਿਲ ਸਕੇ। ਇਹਨਾਂ ਲੋਕਾਂ ਨੂੰ ਡੀਐਮ ਵੱਲੋਂ ਜਾਰੀ ਪਾਸ ਵੀ ਮਿਲੇਗਾ, ਜਿਸ ਵਿਚ ਲਿਖਿਆ ਹੋਵੇਗਾ ਕਿ ਕਿਸ ਤਰੀਕ ਨੂੰ, ਕਿਸ ਥਾਂ, ਕਿਸ ਸਮੇਂ ਅਤੇ ਕਿਸ ਡਿਪੂ ’ਤੇ ਸਿਲੰਡਰ ਮਿਲੇਗਾ। ਇਹ ਸਟਾਕ ਦੀ ਉਪਲਬਧਤਾ ’ਤੇ ਨਿਰਭਰ ਹੋਵੇਗਾ।

Coronavirus Coronavirus

ਜ਼ਿਲ੍ਹਾ ਮੈਜਿਸਟਰੇਟ ਨੂੰ ਇਹ ਵੀ ਨਿਰਦੇਸ਼ ਦਿੱਤੇ ਗਏ ਕਿ ਅਜਿਹੇ ਡੀਲਰ ਰੱਖੇ ਜਾਣ, ਜਿੱਥੇ ਜਾ ਕੇ ਵਿਅਕਤੀ ਨੂੰ ਆਕਸੀਜਨ ਸਿਲੰਡਰ ਸਿੱਧਾ ਮਿਲ ਸਕੇ।
ਦੱਸ ਦਈਏ ਕਿ ਦਿੱਲੀ ਵਿਚ ਆਕਸੀਜਨ ਸਿਲੰਡਰ ਨੂੰ ਭਰਵਾਉਣ ਲਈ ਵੱਖ-ਵੱਖ ਥਾਵਾਂ ’ਤੇ ਲੰਬੀਆਂ ਲਾਈਨਾਂ ਦੇਖਣ ਨੂੰ ਮਿਲ ਰਹੀਆਂ ਹਨ, ਜਿਸ ਦੇ ਮੱਦੇਨਜ਼ਰ ਦਿੱਲੀ ਸਰਕਾਰ ਨੇ ਇਹ ਆਦੇਸ਼ ਜਾਰੀ ਕੀਤਾ ਹੈ।

Location: India, Delhi, New Delhi
Advertisement

 

Advertisement