ਰੱਖਿਆ ਮੰਤਰਾਲੇ ਨੇ ਅਧਿਕਾਰਕ ਤੌਰ ‘ਤੇ ਮੰਨਿਆ ਹੈ ਕਿ ਚੀਨੀ ਫੌਜੀਆਂ ਨੇ ਭਾਰਤੀ ਖੇਤਰ ਪੂਰਬੀ ਲਦਾਖ ਵਿਚ ਮਈ ਮਹੀਨੇ ‘ਚ ਘੁਸਪੈਠ ਕੀਤੀ ਸੀ।
ਨਵੀਂ ਦਿੱਲੀ: ਰੱਖਿਆ ਮੰਤਰਾਲੇ ਨੇ ਅਧਿਕਾਰਕ ਤੌਰ ‘ਤੇ ਮੰਨਿਆ ਹੈ ਕਿ ਚੀਨੀ ਫੌਜੀਆਂ ਨੇ ਭਾਰਤੀ ਖੇਤਰ ਪੂਰਬੀ ਲਦਾਖ ਵਿਚ ਮਈ ਮਹੀਨੇ ‘ਚ ਘੁਸਪੈਠ ਕੀਤੀ ਸੀ। ਮੰਤਰਾਲੇ ਦਾ ਇਹ ਬਿਆਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਉੱਚ ਪੱਧਰੀ ਪੰਜ ਬੈਠਕਾਂ ਦੇ ਬਾਵਜੂਦ ਵੀ ਪੈਂਗੋਂਗ ਤਸੋ ਅਤੇ ਗੋਗਰਾ ਵਿਚ ਤਣਾਅ ਜਾਰੀ ਹੈ।
Army
ਬੀਤੇ ਮੰਗਲਵਾਰ ਨੂੰ ਰੱਖਿਆ ਮੰਤਰਾਲੇ ਦੀ ਵੈੱਬਸਾਈਟ ‘ਤੇ ਅਪਲੋਡ ਕੀਤੇ ਗਏ ਨਵੇਂ ਦਸਤਾਵੇਜ਼ ਵਿਚ ਦੱਸਿਆ ਗਿਆ ਕਿ ਬੀਜਿੰਗ ਪੱਖ ਨੇ ਕੁਗਰਾਂਗ ਨਾਲਾ ( ਹਾਟ ਸਪ੍ਰਿੰਗਸ ਦੇ ਉੱਤਰ ਵਿਚ ਪੈਟਰੋਲਿੰਗ ਪੁਆਇੰਟ-1 ਦੇ ਕੋਲ ) ਗੋਗਰਾ (ਪੀਪੀ-17ਏ) ਅਤੇ ਪੈਂਗੋਂਗ ਤਸੋ ਦੇ ਉੱਤਰੀ ਤੱਟ ਦੇ ਖੇਤਰਾਂ ਵਿਚ 17-18 ਮਈ ਨੂੰ ਸੀਮਾ ਦਾ ਉਲੰਘਣ ਕੀਤਾ ਹੈ।
Chinese aggression has been increasing along the LAC & more particularly in Galwan Valley since 5th May 2020. Chinese side transgressed into the areas of Kugrang Nala, Gogra and north bank of Pangong Tso lake on May 17 –18 2020: Defence Ministry on its major activities in June pic.twitter.com/YG9rbp7C89
— ANI (@ANI) August 6, 2020
ਮੰਤਰਾਲੇ ਨੇ ਦਸਤਾਵੇਜ਼ ਵਿਚ ਕਿਹਾ ਕਿ ‘5 ਮਈ ਤੋਂ ਗਲਵਾਨ ਵਿਚ ਚੀਨ ਦੀਆਂ ਗਤੀਵਿਧੀਆਂ ਵਧੀਆਂ ਸਨ’। ਇਹ ਵੀ ਲਿਖਿਆ ਗਿਆ ਹੈ ਕਿ ‘ਇਹ ਵਿਵਾਦ ਲੰਬਾ ਚੱਲ ਸਕਦਾ ਹੈ। ਭਾਰਤ ਚੀਨ ਦੇ ਵਿਵਾਦ ਨੂੰ ਖਤਮ ਕਰਨ ਲਈ ਦੋਵੇਂ ਦੇਸ਼ਾਂ ਦੇ ਕੋਰ ਕਮਾਂਡਰਾਂ ਵਿਚ 5 ਵਾਰ ਗੱਲਬਾਤ ਹੋ ਚੁੱਕੀ ਹੈ। ਐਲਏਸੀ ‘ਤੇ ਤਣਾਅ ਤਾਂ ਘਟ ਹੈ ਪਰ ਹਲਾਤਾਂ ਵਿਚ ਕਿਸੇ ਤਰ੍ਹਾਂ ਦਾ ਬਦਲਾਅ ਨਹੀਂ ਹੈ’।
India and China
ਇਸ ਤੋਂ ਪਹਿਲਾਂ ਖੁਦ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਅਪਣੇ ਲੇਹ ਦੌਰੇ ਦੌਰਾਨ ਫੌਜੀਆਂ ਨੂੰ ਸੰਬੋਧਨ ਕਰਦਿਆਂ ਇਸ ਗੱਲ ‘ਤੇ ਇਸ਼ਾਰਾ ਕੀਤਾ ਸੀ ਕਿ ਹੱਲ ਕੱਢਣ ਲਈ ਗੱਲਬਾਤ ਜਾਰੀ ਹੈ ਪਰ ਇਸ ਗੱਲ ਦੀ ਗਰੰਟੀ ਨਹੀਂ ਦੇ ਸਕਦੇ ਕਿ ਇਹ ਵਿਵਾਦ ਕਦੋਂ ਤੱਕ ਹੱਲ ਹੋਵੇਗਾ।
China and India Border
ਦੱਸ ਦਈਏ ਕਿ ਇਸ ਸਾਲ ਮਈ ਵਿਚ ਚੀਨ ਨੇ ਪੂਰਬੀ ਲਦਾਖ ਸੀਮਾ ਦੇ ਅੰਦਰ ਘੁਸਪੈਠ ਕੀਤੀ ਹੈ ਅਤੇ ਹਲਾਤ ਉਸ਼ ਸਮੇਂ ਜ਼ਿਆਦਾ ਵਿਗੜ ਗਏ ਜਦੋਂ ਦੋਵੇਂ ਦੇਸ਼ਾਂ ਦੀਆਂ ਫੌਜਾਂ ਵਿਚ ਹਿੰਸਕ ਝੜਪ ਹੋ ਗਈ, ਜਿਸ ਵਿਚ 20 ਫੌਜੀ ਸ਼ਹੀਦ ਹੋਏ ਸੀ। ਇਸ ਤੋਂ ਬਾਅਦ ਦੋਵੇਂ ਦੇਸ਼ਾਂ ਵਿਚ ਗੱਲਬਾਤ ਜਾਰੀ ਹੈ।
