Advertisement
  ਖ਼ਬਰਾਂ   ਰਾਸ਼ਟਰੀ  06 Sep 2019  ਕਪਿਲ ਸਿੱਬਲ ਦਾ ਸਵਾਲ, ‘ਕੌਣ ਕਰੇਗਾ ਮੌਲਿਕ ਅਜ਼ਾਦੀ ਦੀ ਰੱਖਿਆ! ਸਰਕਾਰ, ਈਡੀ, ਸੀਬੀਆਈ ਜਾਂ ਅਦਾਲਤ’

ਕਪਿਲ ਸਿੱਬਲ ਦਾ ਸਵਾਲ, ‘ਕੌਣ ਕਰੇਗਾ ਮੌਲਿਕ ਅਜ਼ਾਦੀ ਦੀ ਰੱਖਿਆ! ਸਰਕਾਰ, ਈਡੀ, ਸੀਬੀਆਈ ਜਾਂ ਅਦਾਲਤ’

ਏਜੰਸੀ | Edited by : ਕਮਲਜੀਤ ਕੌਰ
Published Sep 6, 2019, 12:59 pm IST
Updated Sep 7, 2019, 10:23 am IST
ਕਾਂਗਰਸ ਦੇ ਸੀਨੀਅਰ ਆਗੂ ਅਤੇ ਵਕੀਲ ਕਪਿਲ ਸਿੱਬਲ ਨੇ ਸਾਬਕਾ ਵਿੱਤ ਮੰਤਰੀ ਪੀ ਚਿਦੰਬਰਮ ਨੂੰ ਜੇਲ ਭੇਜੇ ਜਾਣ ‘ਤੇ ਟਿੱਪਣੀ ਕੀਤੀ ਹੈ।
Kapil Sibal
 Kapil Sibal

ਨਵੀਂ ਦਿੱਲੀ: ਕਾਂਗਰਸ ਦੇ ਸੀਨੀਅਰ ਆਗੂ ਅਤੇ ਵਕੀਲ ਕਪਿਲ ਸਿੱਬਲ ਨੇ ਸਾਬਕਾ ਵਿੱਤ ਮੰਤਰੀ ਪੀ ਚਿਦੰਬਰਮ ਨੂੰ ਜੇਲ ਭੇਜੇ ਜਾਣ ‘ਤੇ ਟਿੱਪਣੀ ਕੀਤੀ ਹੈ। ਸ਼ੁੱਕਰਵਾਰ ਨੂੰ ਇਕ ਟਵੀਟ ਵਿਚ ਕਪਿਲ ਸਿੱਬਲ ਨੇ ਮੌਲਿਕ ਅਜ਼ਾਦੀ ਦੀ ਸੁਰੱਖਿਆ ਨਾਲ ਜੁੜੇ ਸਵਾਲ ਕੀਤੇ ਹਨ। ਦੱਸ ਦਈਏ ਕਿ ਕਪਿਲ ਸਿੱਬਲ ਪੀ ਚਿਦੰਬਰਮ ਦਾ ਕੇਸ ਲੜ੍ਹ ਰਹੇ ਹਨ ਅਤੇ ਉਹ ਵੀਰਵਾਰ ਨੂੰ ਉਹਨਾਂ ਨੂੰ ਜੇਲ ਜਾਣ ਤੋਂ ਨਹੀਂ ਬਚਾ ਸਕੇ। ਅਦਾਲਤ ਨੇ ਉਹਨਾਂ ਦੀਆਂ ਸਾਰੀਆਂ ਦਲੀਤਾਂ ਨੂੰ ਖ਼ਾਰਜ ਕਰਦੇ ਹੋਏ ਚਿਦੰਬਰਮ ਨੂੰ ਤਿਹਾੜ ਜੇਲ ਭੇਜ ਦਿੱਤਾ।

h

ਸਿੱਬਲ ਨੇ ਟਵਿਟਰ ‘ਤੇ ਲਿਖਿਆ, ‘ਸਾਡੀ ਮੌਲਿਕ ਅਜ਼ਾਦੀ ਦੀ ਰੱਖਿਆ ਕੌਣ ਕਰੇਗਾ? ਸਰਕਾਰ? ਈਡੀ? ਆਮਦਨ ਟੈਕਸ ਵਿਭਾਗ? ਜਾਂ ਫਿਰ ਅਦਾਲਤਾਂ???? ਜਿਸ ਦਿਨ ਅਦਾਲਤਾਂ ਇਹ ਮੰਨ ਲੈਣਗੀਆਂ ਕਿ ਈਡੀ, ਸੀਬੀਆਈ ਦਾ ਕਿਹਾ ਸੱਚ ਹੈ, ਉਸੇ ਦਿਨ ਅਜ਼ਾਦੀ ਦੇ ਥੰਮ ਢਹਿ ਜਾਣਗੇ ਅਤੇ ਉਹ ਦਿਨ ਹੁਣ ਦੂਰ ਨਹੀਂ ਹਨ’।

P ChitamabramP Chitamabram

ਦੱਸ ਦਈਏ ਕਿ ਦਿੱਲੀ ਦੀ ਅਦਾਲਤ ਦੇ ਵਿਸ਼ੇਸ਼ ਜੱਜ ਅਜੇ ਕੁਮਾਰ ਗੌੜ ਨੇ ਚਿਦੰਬਰਮ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ਵਿਚ 19 ਸਤੰਬਰ ਤਕ ਜੇਲ ਭੇਜ ਦਿਤਾ। ਅਦਾਲਤ ਨੇ ਉਸ ਨੂੰ ਜੇਲ ਵਿਚ ਅਪਣੀ ਦਵਾਈ ਲਿਜਾਣ ਦੀ ਆਗਿਆ ਦੇ ਦਿਤੀ। ਉਨ੍ਹਾਂ ਦੀ ਜ਼ੈਡ ਸੁਰੱਖਿਆ ਦਾ ਖ਼ਿਆਲ ਰਖਦਿਆਂ ਅਦਾਲਤ ਨੇ ਨਿਰਦੇਸ਼ ਦਿਤਾ ਕਿ ਚਿਦੰਬਰਮ ਨੂੰ ਜੇਲ ਵਿਚ ਵਖਰੀ ਕੋਠੜੀ ਵਿਚ ਰਖਿਆ ਜਾਵੇ। ਸਾਲਿਸਟਰ ਜਨਰਲ ਤੁਸ਼ਾਰ ਮਹਿਤਾ ਨੇ ਭਰੋਸਾ ਦਿਤਾ ਕਿ ਜੇਲ ਵਿਚ ਚਿਦੰਬਰਮ ਨੂੰ ਲੋੜੀਂਦੀ ਸੁਰੱਖਿਆ ਦਿਤੀ ਜਾਵੇਗੀ।

P ChitamabramP Chitamabram

ਕਾਲਾ ਧਨ ਮਾਮਲੇ ਵਿਚ ਆਤਮਸਮਰਪਣ ਕਰਨ ਦੀ ਚਿਦੰਬਰਮ ਦੀ ਪਟੀਸ਼ਨ ਦੇ ਸਬੰਧ ਵਿਚ ਅਦਾਲਤ ਨੇ ਈਡੀ ਨੂੰ ਨੋਟਿਸ ਜਾਰੀ ਕੀਤਾ। 73 ਸਾਲਾ ਚਿਦੰਬਰਮ ਦੀ ਦੋ ਦਿਨਾਂ ਦੀ ਸੀਬੀਆਈ ਹਿਰਾਸਤ ਖ਼ਤਮ ਹੋਣ ਮਗਰੋਂ ਵੀਰਵਾਰ ਨੂੰ ਉਨ੍ਹਾਂ ਨੂੰ ਦਿੱਲੀ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਸੀ। ਚਿਦੰਬਰਮ ਨੂੰ 21 ਅਗੱਸਤ ਦੀ ਰਾਤ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਮਗਰੋਂ ਪੰਜ ਪੜਾਵਾਂ ਵਿਚ 15 ਦਿਨਾਂ ਦੀ ਉਨ੍ਹਾਂ ਦੀ ਸੀਬੀਆਈ ਹਿਰਾਸਤ ਖ਼ਤਮ ਹੋਈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Location: India, Delhi, New Delhi
Advertisement
Advertisement

 

Advertisement
Advertisement