ਗਲੈਮਰ ਜਗਤ ਦੀ ਮਸ਼ਹੂਰ ਹਸਤੀ ਰਹਿ ਚੁੱਕੀ ਫੈਸ਼ਨ ਡਿਜ਼ਾਇਨਰ ਸੁਨੀਤਾ ਸਿੰਘ ਦਾ ਕਤਲ ਉਸ ਦੇ ਅਪਣੇ ਬੇਟੇ ਨੇ ਕਰ ਦਿਤਾ।
ਮੁੰਬਈ : ਕਦੇ ਗਲੈਮਰ ਜਗਤ ਦੀ ਮਸ਼ਹੂਰ ਹਸਤੀ ਰਹਿ ਚੁੱਕੀ ਫੈਸ਼ਨ ਡਿਜ਼ਾਇਨਰ ਸੁਨੀਤਾ ਸਿੰਘ ਦਾ ਕਤਲ ਉਸ ਦੇ ਅਪਣੇ ਬੇਟੇ ਨੇ ਕਰ ਦਿਤਾ। ਸੁਨੀਤਾ ਨੂੰ ਡਰੱਗਜ਼ ਦੀ ਅਜਿਹੀ ਲਤ ਸੀ ਕਿ ਉਨਾਂ ਦੀ ਇਸ ਆਦਤ ਵਿਚ ਉਸਦਾ ਬੇਟਾ ਲਕਸ਼ ਅਤੇ ਉਸਦੀ ਪ੍ਰੇਮਿਕਾ ਵੀ ਸ਼ਾਮਿਲ ਹੋ ਗਏ। ਤਿੰਨੋ ਅਕਸਰ ਦੇਰ ਰਾਤ ਤਕ ਲੋਖੰਡਵਾਲਾ ਸਥਿਤ ਸੁਨੀਤਾ ਦੇ ਕਿਰਾਏ ਦੇ ਫਲੈਟ ਵਿਚ ਡਰੱਗਜ਼ ਪਾਰਟੀ ਕਰਿਆ ਕਰਦੇ ਸਨ। ਇਸ ਦੌਰਾਨ ਕਿਸੇ ਨੂੰ ਰਿਸ਼ਤਿਆਂ ਦੀ ਪਰਵਾਹ ਨਹੀਂ ਸੀ ਰਹਿੰਦੀ, ਪਰ ਬੁੱਧਵਾਰ ਰਾਤ ਸੁਨੀਤਾ ਦੇ ਬੇਟੇ ਲਕਸ਼ ਨੇ ਉਸਦਾ ਕਤਲ ਕਰ ਦਿਤਾ।
The Building
ਦਰਅਸਲ ਸੁਨੀਤਾ ਦਾ ਬੇਟਾ ਲਕਸ਼ ਹਮੇਂਸ਼ਾ ਤੋਂ ਹੀ ਖਤਰਨਾਕ ਡਰੱਗਜ਼ ਲੈਣ ਦਾ ਆਦੀ ਸੀ। ਅਜਿਹੀ ਨਸ਼ੇ ਦੀ ਹਾਲਤ ਵਿਚ ਇਨਸਾਨ ਨੂੰ ਕੁਝ ਹੋਸ਼ ਨਹੀਂ ਰਹਿੰਦੀ। ਬੁੱਧਵਾਰ ਅੱਧੀ ਰਾਤ ਨੂੰ ਕੁਝ ਅਜਿਹਾ ਹੀ ਹੋਇਆ। ਪੁਲਿਸ ਮੁਤਾਬਕ ਬੁੱਧਵਾਰ ਦੀ ਰਾਤ ਫਲੈਟ ਵਿਚ ਕੁਲ 4 ਲੋਕ ਮੌਜੂਦ ਸਨ। ਇਸ ਵਿਚ ਖ਼ੁਦ ਸੁਨੀਤਾ, ਉਸਦਾ ਬੇਟਾ ਲਕਸ਼ ਅਤੇ ਉਸਦੀ ਪ੍ਰੇਮਿਕਾ ਤੋਂ ਇਲਾਵਾ ਲਕਸ਼ ਦਾ ਇਕ ਖਾਸ ਦੋਸਤ ਸ਼ਾਮਿਲ ਸੀ।। ਫਲੈਟ ਵਿਚ ਦੇਰ ਰਾਤ ਤਕ ਡਰੱਗਸ ਪਾਰਟੀ ਚਲਦੀ ਰਹੀ। ਪਾਰਟੀ ਦੌਰਾਨ ਲਕਸ਼ ਨੇ ਡਰੱਗਸ ਦੀ ਓਵਰਡੋਜ਼ ਲੈ ਲਈ ਤੇ ਉਸਦਾ ਅਪਣੀ ਮਾਂ ਸੁਨੀਤਾ ਨਾਲ ਝਗੜਾ ਹੋ ਗਿਆ।
Oshiwara Police Station
ਦਸਿਆ ਜਾ ਰਿਹਾ ਹੈ ਕਿ ਦੋਨਾਂ ਵਿਚ ਲੜਾਈ ਹੱਥੋਪਾਈ ਤਕ ਵੱਧ ਗਈ। ਲਕਸ ਨੇ ਮਾਂ ਨੂੰ ਬੂਰੀ ਤਰਾਂ ਨਾਲ ਕੁੱਟਿਆ ਅਤੇ ਘਸੀਟ ਕੇ ਬਾਥਰੂਮ ਵਿਚ ਲਿਜਾ ਕੇ ਧੱਕਾ ਦੇ ਦਿਤਾ ਤੇ ਦਰਵਾਜ਼ਾ ਵੀ ਬੰਦ ਕਰ ਦਿਤਾ। ਦਸਿਆ ਜਾਂਦਾ ਹੈ ਕਿ ਲਕਸ਼ ਇਸ ਹੱਦ ਤੱਕ ਨਸ਼ੇ ਵਿਚ ਸੀ ਕਿ ਉਸਨੂੰ ਇਹ ਅਹਿਸਾਸ ਹੀ ਨਹੀਂ ਹੋਇਆ ਕਿ ਉਹ ਕੀ ਕਰ ਰਿਹਾ ਹੈ। ਲਕਸ ਨੇ ਬਾਥਰੂਮ ਵਿਚ ਸੁਨੀਤਾ ਨੂੰ ਧੱਕਾ ਦਿਤਾ ਤਾਂ ਸੁਨੀਤਾ ਦਾ ਸੰਤੁਲਨ ਵਿਗੜ ਗਿਆ। ਪਾਣੀ ਵਾਲੀ ਟੂਟੀ 'ਤੇ ਸਿਰ ਦੇ ਭਾਰ ਡਿੱਗਣ ਕਾਰਣ ਉਸਦੇ ਸਿਰ ਤੇ ਡੂੰਘੀ ਸੱਟ ਲਗੀ ਪਰ ਲਕਸ਼ ਨੇ ਬਾਥਰੂਮ ਦਾ ਦਰਵਾਜ਼ਾ ਬੰਦ ਕੀਤਾ ਹੋਇਆ ਸੀ।
Laksha With Sunita Singh
ਟੂਟੀ 'ਤੇ ਸਿਰ ਲਗਣ ਕਾਰਨ ਸੁਨੀਤਾ ਦੀ ਤੁਰਤ ਮੌਤ ਹੋ ਗਈ। ਪੁਲਿਸ ਨੇ ਲਕਸ਼ ਅਤੇ ਉਸਦੀ ਪ੍ਰੇਮਿਕਾ ਤੋਂ ਇਸ ਸਬੰਧੀ ਪੁਛ-ਗਿਛ ਕੀਤੀ। ਲਕਸ਼ ਨੇ 36 ਘੰਟੇ ਪੁਲਿਸ ਨੂੰ ਗੁੰਝਲ ਵਿਚ ਪਾਈ ਰੱਖਿਆ ਪਰ ਬਾਅਦ ਵਿਚ ਪੁਲਿਸ ਨੇ ਉਸਨੂੰ ਗਿਰਫਤਾਰ ਕਰ ਲਿਆ। ਲਕਸ਼ ਨੇ ਪੁਲਿਸ ਦੇ ਸਾਹਮਣੇ ਅਪਣਾ ਜ਼ੁਰਮ ਕਬੂਲ ਵੀ ਕਰ ਲਿਆ। ਘਟਨਾ ਤੋਂ ਬਾਅਦ ਲਕਸ਼ ਸਵੇਰੇ ਉਠਕੇ ਬਾਥਰੂਮ ਵਿਚ ਗਿਆ ਤਾਂ ਉਹ ਹੋਸ਼ ਖੋ ਬੈਠਿਆ।
ਸੁਨੀਤਾ ਬਾਥਰੂਮ ਵਿਚ ਲਹੂ ਨਾਲ ਸੰਨੀ ਹੋਈ ਪਈ ਸੀ। ਲਕਸ਼ ਨੇ ਐਬੁੰਲੈਂਸ ਬੁਲਾਈ ਪਰ ਐਂਬੂਲੈਂਸ ਵਾਲੇ ਨੇ ਸੁਨੀਤਾ ਨੂੰ ਮਰਿਆ ਦੇਖ ਕੇ ਲਿਜਾਣ ਤੋਂ ਇਨਕਾਰ ਕਰ ਦਿਤਾ। ਪੁਲਿਸ ਲਈ ਇਹ ਭੇਦਭਰੀ ਮੌਤ ਦਾ ਮਾਮਲਾ ਭਾਲੇਂ ਸੁਲਝ ਗਿਆ ਹੋਵੇ, ਪਰ ਅਜੇ ਵੀ ਕਈ ਸਵਾਲਾਂ ਦੇ ਜਵਾਬ ਨਹੀਂ ਮਿਲ ਸਕੇ ਹਨ।
