ਮੰਤਰੀ ਨੇ ਕਿਹਾ ਕਿ ਵਰਜਿਨਿਟੀ ਟੈਸਟ ਨੂੰ ਜਿਨਸੀ ਹਮਲੇ ਦੀ ਤਰ੍ਹਾਂ ਹੀ ਸਮਝਿਆ ਜਾਵੇਗਾ।
ਮੁੰਬਈ : ਮਹਾਰਾਸ਼ਟਰ ਵਿਚ ਕਿਸੇ ਮਹਿਲਾ ਨੂੰ ਵਰਜਿਨਿਟੀ ਟੈਸਟ ਦੇ ਲਈ ਮਜ਼ਬੂਰ ਕਰਨਾ ਹੁਣ ਛੇਤੀ ਹੀ ਸਜ਼ਾਯੋਗ ਅਪਰਾਧ ਹੋਵੇਗਾ। ਰਾਜ ਦੇ ਕੁਝ ਭਾਈਚਾਰਿਆਂ ਵਿਚ ਅਜਿਹੀ ਰੀਤ ਹੈ ਕਿ ਨਵੀਂ ਵਿਆਹੁਤਾ ਔਰਤ ਨੂੰ ਇਹ ਸਾਬਤ ਕਰਨਾ ਹੁੰਦਾ ਹੈ ਕਿ ਉਹ ਵਿਆਹ ਤੋਂ ਪਹਿਲਾਂ ਕੁੰਆਰੀ ਸੀ। ਗ੍ਰਹਿ ਰਾਜ ਮੰਤਰੀ ਰਣਜੀਤ ਪਾਟਿਲ ਨੇ ਇਸ ਮੁੱਦੇ 'ਤੇ ਕੁਝ ਸਮਾਜਿਕ ਸੰਗਠਨਾਂ ਦੇ ਇਕ ਵਫ਼ਦ ਨਾਲ ਮੁਲਾਕਾਤ ਕੀਤੀ।
ਸ਼ਿਵਸੈਨਾ ਬੁਲਾਰੇ ਨੀਲਮ ਗੋਰਹੇ ਵੀ ਇਸ ਵਫ਼ਦ ਵਿਚ ਸ਼ਾਮਲ ਸਨ। ਮੰਤਰੀ ਨੇ ਕਿਹਾ ਕਿ ਵਰਜਿਨਿਟੀ ਟੈਸਟ ਨੂੰ ਜਿਨਸੀ ਹਮਲੇ ਦੀ ਤਰ੍ਹਾਂ ਹੀ ਸਮਝਿਆ ਜਾਵੇਗਾ। ਕਾਨੂੰਨ ਅਤੇ ਨਿਆਂ ਵਿਭਾਗ ਦੇ ਨਾਲ ਵਿਚਾਰ-ਵਟਾਂਦਰੇ ਤੋਂ ਬਾਅਦ ਇਕ ਸਰਕੂਲਰ ਜਾਰੀ ਕੀਤਾ ਜਾਵੇਗਾ ਜਿਸ ਵਿਚ ਇਸ ਨੂੰ ਸਜ਼ਾਯੋਗ ਅਪਰਾਧ ਐਲਾਨ ਕੀਤਾ ਜਾਵੇਗਾ। ਔਰਤਾਂ ਦੇ ਸਨਮਾਨ ਨੂੰ ਸੱਟ ਪਹੁੰਚਾਉਣ ਵਾਲੀ ਇਹ ਰੀਤ ਕੰਜਰਭਾਟ
ਅਤੇ ਹੋਰਨਾਂ ਕੁਝ ਭਾਈਚਾਰਿਆਂ ਵਿਚ ਪ੍ਰਚਲਤ ਹੈ। ਪਾਟਿਲ ਨੇ ਇਹ ਵੀ ਕਿਹਾ ਕਿ ਉਹਨਾਂ ਦਾ ਵਿਭਾਗ ਜਿਨਸੀ ਹਮਲੇ ਦੇ ਮਾਮਲਿਆਂ ਦੀ ਹਰ ਦੋ ਮਹੀਨੇ 'ਤੇ ਸਮੀਖਿਆ ਕਰੇਗੀ ਅਤੇ ਇਹ ਯਕੀਨੀ ਬਣਾਵੇਗੀ ਕਿ ਅਦਾਲਤਾਂ ਵਿਚ ਅਜਿਹੇ ਮਾਮਲੇ ਲਟਕਦੇ ਨਾ ਰਹਿਣ। ਇਸ ਟੈਸਟ ਅਧੀਨ ਵਿਆਹੁਤਾ ਔਰਤ ਨੂੰ ਵਿਆਹ ਦੀ ਪਹਿਲੀ ਰਾਤ ਤੋਂ ਬਾਅਦ ਅਪਣੀ ਵਰਜਿਨਿਟੀ ਸਾਬਤ ਕਰਨੀ ਹੁੰਦੀ ਹੈ।
ਭਾਈਚਾਰੇ ਦੇ ਪੰਚਾਇਤ ਮੈਂਬਰ ਪਹਿਲੀ ਰਾਤ ਦੌਰਾਨ ਵਰਤੀ ਗਈ ਚਾਦਰ ਦੀ ਜਾਂਚ ਕੀਤੀ ਜਾਂਦੀ ਹੈ। ਜੇਕਰ ਚਿੱਟੀ ਚਾਦਰ 'ਤੇ ਖੂਨ ਦੇ ਦਾਗ ਨਹੀਂ ਮਿਲਦੇ ਹਨ ਤਾਂ ਵਿਆਹ ਨੂੰ ਗ਼ੈਰ ਕਾਨੂੰਨੀ ਐਲਾਨ ਕਰ ਦਿਤਾ ਜਾਂਦਾ ਹੈ। ਰੀਪੋਰਟ ਮੁਤਾਬਕ ਕੰਜਰਭਾਟ ਭਾਈਚਾਰੇ ਵਿਚ ਵਿਆਹ ਦੀ ਪਹਿਲੀ ਰਾਤ ਵੇਲ੍ਹੇ ਕਮਰੇ ਦੇ ਬਾਹਰ ਪੰਚਾਇਤ ਦੇ ਲੋਕ ਮੌਜੂਦ ਹੁੰਦੇ ਹਨ। ਜੇਕਰ ਲਾੜਾ ਖੂਨ ਦਾ ਦਾਗ ਲਗੀ ਹੋਈ ਚਾਦਰ ਲੈ ਕੇ ਕਮਰੇ ਤੋਂ
ਬਾਹਰ ਆਉਂਦਾ ਹੈ ਤਾਂ ਲਾੜੀ ਟੈਸਟ ਪਾਸ ਕਰ ਲੈਂਦਾ ਹੈ, ਪਰ ਜੇਕਰ ਖੂਨ ਦੇ ਦਾਗ ਨਹੀਂ ਮਿਲਦੇ ਹਨ ਤਾਂ ਪੰਚਾਇਤ ਮੈਂਬਰ ਅਤੀਤ ਵਿਚ ਲਾੜੀ ਨੂੰ ਕਿਸੇ ਹੋਰ ਨਾਲ ਸਬੰਧ ਹੋਣ ਦਾ ਦੋਸ਼ੀ ਠਹਿਰਾ ਦਿੰਦੇ ਹਨ। ਦੋ ਸਾਲ ਪਹਿਲਾਂ ਇਕ ਔਰਤ ਨੇ 'ਸਟਾਪ ਦਿ ਵੀ ਟੈਸਟ' ਨਾਮ ਤੋਂ ਇਕ ਅੰਦੋਲਨ ਸ਼ੁਰੂ ਕੀਤਾ ਸੀ। ਦਸੰਬਰ 2017 ਵਿਚ ਨਵੀਂ ਵਿਆਹੀ ਤਮਾਈਚਿਕਰ ਅਤੇ ਉਹਨਾਂ ਦੇ ਪਤੀ ਨੇ ਇਸ ਰੀਤ ਦਾ ਵਿਰੋਧ ਕੀਤਾ ਤਾਂ ਇਸ ਨੂੰ ਕਈ ਨੌਜਵਾਨਾਂ ਦਾ ਸਮਰਥਨ ਮਿਲਿਆ।