ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਿਰੁੱਧ ਕਥਿਤ ਤੌਰ 'ਤੇ ਇਤਰਾਜ਼ਯੋਗ ਟਿੱਪਣੀ ਕਰਨ ਦੇ ਦੋਸ਼ 'ਚ ਸਾਬਕਾ ਜੇਐਨਯੂ ਵਿਦਿਆਰਥੀ ਸੰਗਠਨ ਦੇ ਪ੍ਰਧਾਨ ਕਨ੍ਹਈਆ...
ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਿਰੁੱਧ ਕਥਿਤ ਤੌਰ 'ਤੇ ਇਤਰਾਜ਼ਯੋਗ ਟਿੱਪਣੀ ਕਰਨ ਦੇ ਦੋਸ਼ 'ਚ ਸਾਬਕਾ ਜੇਐਨਯੂ ਵਿਦਿਆਰਥੀ ਸੰਗਠਨ ਦੇ ਪ੍ਰਧਾਨ ਕਨ੍ਹਈਆ ਕੁਮਾਰ ਵਿਰੁੱਧ ਭਾਰਤੀ ਜਨਤਾ ਪਾਰਟੀ ਘੱਟਗਿਣਤੀ ਸੈੱਲ ਦੇ ਉਪ ਪ੍ਰਧਾਨ ਟੀਟੂ ਬਡਵਾਲ ਵੱਲੋਂ ਮੁੱਖ ਨਿਆਂਇਕ ਮੈਜਿਸਟ੍ਰੇਟ ਦੀ ਅਦਾਲਤ 'ਚ ਪਟੀਸ਼ਨ ਦਾਇਰ ਕੀਤੀ ਗਈ ਹੈ। ਬਡਵਾਲ ਨੇ ਦੋਸ਼ ਲਗਾਇਆ ਕਿ ਕਨ੍ਹਈਆ ਕੁਮਾਰ ਨੇ ਪ੍ਰਧਾਨ ਮਤਰੀ ਮੋਦੀ ਵਿਰੁੱਧ ਭੜਕਾਊ ਟਿਪਣੀ ਕੀਤੀ ਹੈ।
ਸੋਮਵਾਰ ਨੂੰ ਸ਼ਹਿਰ ਦੇ ਅੰਜੁਮਨ ਇਸਲਾਮਿਆ ਹਾਲ 'ਚ ਭਾਰਤੀ ਕਮਿਊਨਿਸਟ ਪਾਰਟੀ (ਸੀ.ਪੀ.ਆਈ.) ਦਾ ਸੰਮੇਲਨ ਹੋਇਆ ਸੀ। ਕਨ੍ਹਈਆ ਕੁਮਾਰ ਉੱਥੇ ਹੀ ਸੰਬੋਧਨ ਕਰ ਰਹੇ ਸਨ। ਸ਼ਿਕਾਇਤਕਰਤਾ ਦਾ ਦੋਸ਼ ਹੈ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਨੂੰ ਗਾਲ ਕੱਢਣਾ ਗ਼ਲਤ ਹੈ ਅਤੇ ਮਾਹੌਲ ਵਿਗਾੜਨ ਲਈ ਕਿਸੇ ਪਾਰਟੀ ਨੂੰ ਗਾਲ ਕੱਢਣਾ ਅਪਰਾਧ ਹੈ। ਬਡਵਾਲ ਦੀ ਸ਼ਿਕਾਇਤ ਫਿਲਹਾਲ ਅਦਾਲਤ ਦੀ ਰਜਿਸਟਰੀ ਕੋਲ ਹੈ। ਇਸ 'ਤੇ ਅਦਾਲਤ ਛੇਤੀ ਹੀ ਸੁਣਵਾਈ ਦੀ ਤਰੀਖ ਤੈਅ ਕਰ ਸਕਦੀ ਹੈ।
ਸ਼ਿਕਾਇਤਕਰਤਾ ਵੱਲੋਂ ਬਤੌਰ ਸਬੂਤ ਉਨ੍ਹਾਂ ਦੇ ਭਾਸ਼ਣ ਦੀ ਸੀ.ਡੀ. ਵੀ ਅਦਾਲਤ 'ਚ ਜਮਾਂ ਕਰਵਾ ਦਿੱਤੀ ਗਈ ਹੈ। ਜ਼ਿਕਰਯੋਗ ਹੈ ਕਿ ਕਨ੍ਹਈਆ ਕੁਮਾਰ ਸੀਪੀਆਈ ਦੀ ਟਿਕਟ 'ਤੇ ਬਿਹਾਰ ਦੀ ਬੇਗੁਸਰਾਏ ਸੀਟ ਤੋਂ ਲੋਕ ਸਭਾ ਚੋਣ ਲੜਨਗੇ।