ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਮਾਸਕ ਲਗਾਉਣਾ ਬਹੁਤ ਜ਼ਰੂਰੀ ਹੈ। ਮਾਸਕ ਲਗਾਉਣ ਨੂੰ ਲੈ ਕੇ ਕੇਂਦਰ ਸਰਕਾਰ ਨੇ ਕਈ ਵਾਰ ਲੋਕਾਂ ਨੂੰ ਅਪੀਲ ਕੀਤੀ ਹੈ

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਮਾਸਕ ਲਗਾਉਣਾ ਬਹੁਤ ਜ਼ਰੂਰੀ ਹੈ। ਮਾਸਕ ਲਗਾਉਣ ਨੂੰ ਲੈ ਕੇ ਕੇਂਦਰ ਸਰਕਾਰ ਨੇ ਕਈ ਵਾਰ ਲੋਕਾਂ ਨੂੰ ਅਪੀਲ ਕੀਤੀ ਹੈ, ਜਿਸ ਦਾ ਅਸਰ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਲੋਕ ਅਪਣੇ ਬਚਾਅ ਲਈ ਮਾਸਕ ਅਤੇ ਦਸਤਾਨਿਆਂ ਦੀ ਵਰਤੋਂ ਕਰ ਰਹੇ ਹਨ। ਮਾਸਕ ਦੀ ਵਰਤੋਂ ਕਰਨ ਤੋਂ ਬਾਅਦ ਉਹਨਾਂ ਨੂੰ ਕਿਵੇਂ ਸੁੱਟਣਾ ਹੈ, ਇਸ ਬਾਰੇ ਹਾਲੇ ਲੋਕਾਂ ਨੂੰ ਜਾਣਕਾਰੀ ਨਹੀਂ ਹੈ, ਜਿਸ ਕਾਰਨ ਲੋਕਾਂ ਵਿਚ ਇਸ ਦੇ ਗਲਤ ਨਤੀਜੇ ਦੇਖਣ ਨੂੰ ਮਿਲ ਰਹੇ ਹਨ।

Mask

ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਨਿਰਦੇਸ਼ ਮੁਤਾਬਕ ਆਮ ਵਿਅਕਤੀ ਜਿਸ ਵਿਚ ਕੋਰੋਨਾ ਦੀ ਲਾਗ ਨਹੀਂ ਹੈ, ਜੇਕਰ ਉਹ ਮਾਸਕ ਜਾਂ ਦਸਤਾਨਿਆਂ ਨੂੰ ਸੁੱਟਦਾ ਹੈ ਤਾਂ ਉਸ ਨੂੰ ਵਰਤੇ ਗਏ ਮਾਸਕ ਜਾਂ ਦਸਤਾਨੇ 72 ਘੰਟੇ ਯਾਨੀ ਤਿੰਨ ਦਿਨ ਤੱਕ ਪੇਪਰ ਬੈਗ ਵਿਚ ਰੱਖਣੇ ਚਾਹੀਦੇ ਹਨ। ਇਸ ਤੋਂ ਬਾਅਦ ਇਸ ਨੂੰ ਕੱਟ ਕੇ ਸੁੱਕੇ ਕੂੜੇ ਵਿਚ ਪਾਉਣਾ ਚਾਹੀਦਾ ਹੈ। ਅਜਿਹੇ ਵਿਚ ਇਹ ਮਾਸਕ ਅਤੇ ਦਸਤਾਨੇ ਨਾ ਤਾਂ ਕੋਵਿਡ ਵੇਸਟ ਮੰਨੇ ਜਾਣਗੇ ਅਤੇ ਨਾ ਹੀ ਬਾਇਓ ਮੈਡੀਕਲ ਵੇਸਟ।

Gloves

ਜੇਕਰ ਤੁਸੀਂ ਕੋਰੋਨਾ ਵਾਇਰਸ ਪੀੜਤ ਹੋ ਤਾਂ ਵਰਤੇ ਗਏ ਮਾਸਕ ਅਤੇ ਦਸਤਾਨਿਆਂ ਨੂੰ ਕੋਵਿਡ ਵੇਸਟ ਕਿਹਾ ਜਾਵੇਗਾ। ਅਜਿਹੇ ਮਾਸਕ ਅਤੇ ਦਸਤਾਨਿਆਂ ਨੂੰ ਸੁੱਟਣ ਲਈ ਢੱਕਣ ਵਾਲੇ ਕੂੜੇਦਾਨ ਵਿਚ ਸੁੱਟਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਦੇ ਮਰੀਜ਼ ਦੇ ਮਾਸਕ ਅਤੇ ਦਸਤਾਨਿਆਂ ਨੂੰ ਲਿਜਾਉਣ ਲਈ ਕੋਵਿਡ ਵੇਸਟ ਜਾਂ ਬਾਇਓ ਮੈਡੀਕਲ ਵੇਸਟ ਦੀ ਗੱਡੀ ਆਵੇਗੀ ਜਾਂ ਫਿਰ ਨਗਰ ਨਿਗਮ ਦੇ ਕਾਲੇ ਡੱਬੇ ਵਿਚ ਇਸ ਨੂੰ ਪਾਇਆ ਜਾਵੇਗਾ।

Gloves 

ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਨੇ ਅਪਣੇ ਨਿਰਦੇਸ਼ਾਂ ਵਿਚ ਇਹ ਸਾਫ ਕਰ ਦਿੱਤਾ ਹੈ ਕਿ ਕੋਰੋਨਾ ਮਹਾਂਮਾਰੀ ਵਿਚ ਵਰਤੀ ਜਾਣ ਵਾਲੀ ਹਰ ਵਸਤੂ ਕੋਵਿਡ ਵੇਸਟ ਨਹੀਂ ਹੈ। ਮਾਸਕ, ਦਸਤਾਨੇ, ਦਵਾਈਆਂ, ਸਰਿੰਜ, ਟਿਸ਼ੂ ਜਾਂ ਕੋਟਨ ਆਦਿ ਨੂੰ ਕੋਵਿਡ ਵੇਸਟ ਮੰਨਿਆ ਜਾਵੇਗਾ। ਜਦਕਿ ਦਵਾਈ ਦੇ ਡੱਬੇ,  ਫਲਾਂ ਦੇ ਛਿਲਕਿਆਂ, ਜੂਸ ਦੀਆਂ ਬੋਤਲਾਂ ਆਦਿ ਨੂੰ ਕੋਵਿਡ ਵੇਸਟ ਨਹੀਂ ਮੰਨਿਆ ਜਾਵੇਗਾ।