ਟੀਵੀ ਦੇਖਣ ਨੂੰ ਲੈ ਕੇ ਛੋਟੀ ਭੈਣ ਨਾਲ ਹੋਏ ਝਗੜੇ ਤੋਂ ਬਾਅਦ 10 ਸਾਲ ਦੀ ਲੜਕੀ ਨੇ ਫਾਹਾ ਲਗਾ ਕੇ ਖ਼ੁਦਕੁਸ਼ੀ ਕਰ ਲਈ। ਖੇਤਰੀ ਪੁਲਿਸ ਅਧਿਕਾਰੀ ਰਾਜੀਵ ਕੁਮਾਰ ਸਿੰਘ ਨੇ...

ਨੋਇਡਾ, 8 ਮਈ : ਟੀਵੀ ਦੇਖਣ ਨੂੰ ਲੈ ਕੇ ਛੋਟੀ ਭੈਣ ਨਾਲ ਹੋਏ ਝਗੜੇ ਤੋਂ ਬਾਅਦ 10 ਸਾਲ ਦੀ ਲੜਕੀ ਨੇ ਫਾਹਾ ਲਗਾ ਕੇ ਖ਼ੁਦਕੁਸ਼ੀ ਕਰ ਲਈ। ਖੇਤਰੀ ਪੁਲਿਸ ਅਧਿਕਾਰੀ ਰਾਜੀਵ ਕੁਮਾਰ ਸਿੰਘ ਨੇ ਦਸਿਆ ਕਿ ਸੈਕਟਰ 12 ਨਿਵਾਸੀ ਪ੍ਰਵੀਨ ਕੁਮਾਰ ਦੀ 10 ਸਾਲ ਦੀ ਧੀ ਮਾਨਸੀ ਦਾ ਮੰਗਲਵਾਰ ਸਵੇਰੇ ਛੋਟੀ ਭੈਣ ਨਾਲ ਟੀਵੀ ਦੇਖਣ ਨੂੰ ਲੈ ਕੇ ਝਗੜਾ ਹੋ ਗਿਆ।

10-year-old hangs self

ਗੁੱਸੇ 'ਚ ਆ ਕੇ ਪੰਜਵੀਂ ਦੀ ਵਿਦਿਆਰਥਣ ਮਾਨਸੀ ਨੇ ਅਪਣੇ ਕਮਰੇ 'ਚ ਖਿੜਕੀ ਨਾਲ ਫਾਹਾ ਲਗਾ ਲਿਆ। ਪੁਲਿਸ ਨੂੰ ਮਿਲੀ ਸ਼ਿਕਾਇਤ ਮੁਤਾਬਕ, ਘਰ 'ਚ ਮੌਜੂਦ 72 ਸਾਲ ਦੀ ਬਜ਼ੁਰਗ ਮਹਿਲਾ ਨੇ ਮਾਨਸੀ ਨੂੰ ਫਾਹੇ ਨਾਲ ਲਟਕਿਆ ਦੇਖਦੇ ਹੀ ਰੌਲਾ ਮਚਾਇਆ। ਪਰਵਾਰ ਨੇ ਲੜਕੀ ਨੂੰ ਨੋਇਡਾ ਦੇ ਮੈਟਰੋ ਹਸਪਤਾਲ 'ਚ ਭਰਤੀ ਕਰਵਾਇਆ, ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿਤਾ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿਤਾ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।